2435，其實依家都好累，不過唔用返尋日個個超長 Tilte 了。講句：「我好眼睏」。看圖講故仔，開始！

由於近期我陷入了低潮，所以我想行下街散下心咁。過左尖咀 Pokka Lunch，飯腳都係例牌既 Wilson + 阿海。可惜遲出門口，我都係遲到。全部叫 Set Lunch，打返個八折，都只係六十幾蚊，都算 OK 啦！我既豬扒併牛肉漢堡 - Wilson 版 ↓



PS. 我個 Set 想影相之前已經俾我拆散左了。。。想影都影唔到。

吃下飯，吹下水，散下心，人生一大樂事也！有種好奇妙的感覺，無怨氣、無怒氣、無喜悅。近期有些煩惱，雖然想解決，但係解決唔來，是愛理不理吧。難道這就叫做「黯然接受」嗎？

真係好想玩真人版「QueerEye」，呢間野岩 Co 爺 ↓



同阿海行下 Habour City，逛下傾下計咁，都頗不錯。係 GigaSports 見到件 Reebok Tee 好靚，好配合我既 White Tee Style，可惜無買到。另外有 D Boutique 既 Display 好掂！話時話，我想買返 D Smart Causal 既衫。。。有 QueerEye 既話，麻煩改造下我。

玩具反斗城有胸肌賣！？



最後，Do You Like Hong Kong? Hong Kong is Beautiful !!



逛完之後去補習，個學生究竟升唔升到班呢！？個問題係我講過佢就識，我唔講佢就唔識。阿家長開到口叫佢唔好抖，要補多 D，即係呢幾日日日都會補。我就無乜所謂既，至怕個學生補完都肥佬要留班就唔好啦。。。

正當我無搵 Summer Job 既時候，祂卻安排了另一份工作給我。補完習有 Agent 打黎話華富某機構請人教 Photoshop，講左一大輪之後，其實我都聽唔到個 Agent 講乜，部 VS6 太細聲了。。。大約係聽到 Jun3 - 11 裡面七日閒日朝早教，$150 / hr。不過聽唔到係要我打返俾個聯絡人定係個聯絡人打俾我，過多幾日睇下點先，依家算係 Firm 左？

回家 Check 下，原來係周不時聽到既「華基堂」開班。



2537，阿根庭表現出霸氣，六蛋贈塞黑！荷蘭打得一陣間好波，依家又墜墜地 ... That’s All.