2134，全然ダメだ。。。

1. 好耐未試過做咁劇烈既運動了。。。全然ダメだ！九點鐘就打羽毛波，一打打兩個鐘。Pei 姐係堅喎！校隊係唔同 D 既，練到搵手接殺球。。。應該搵多個人，咁就四個人打雙打，咁會好好多。說實在 ... 我覺得攰。攰到一個程度係我握唔實塊拍，甩手飛左塊拍。。。好在甩手程度細唧。

究竟點樣接高遠球呢，應該大板打返去人地後場定係 Drop 波好呢？！面對住人地開高遠球，總有 D「唔知點」既感覺，這就是弱點吧。

PS. 大細手既問題越黎越嚴重，誠徵練粗左手良方，無酬。



2. 「膚色歧視」、「區域歧視」、「顏色歧視」← Co 爺說我持有這些歧視。他說我對「黑色」有偏見，對「白色」特別喜愛。他很強調「呢個係膚色，唔係污漬啊！」。唔知點解，我覺得佢邋遢。係點解呢？我都唔知點解，因為佢黑！？肥仔黑過佢但又唔覺得肥仔邋遢喎。唔通係家中燈光問題！？呢個唔關事啦，反正都係街上。

但係好多白色既野我都覺得係唔乾淨喎，同時有好多黑色既野都係乾淨喎！呢 D 就係 Feeling！算吧啦，係人問題！妀變唔到架喇，唔好掂我！



3. 碎幾個點先 ↓

．Gackt 話計劃到國內、東南亞開 Concert，唔知有無機會黎香港開呢，如果黎香港開 Concert 就好了！

．《桜蘭》ED - 疾走 ↓



．呢個 Pocari Sweat 既廣告好有夏日 Feel ↓



Pocari Sweat 既 TV CM 拍得幾好，唔剩止係呢一輯，好耐之前個 D 都拍得唔錯，可惜唔知邊度可睇返了。綾瀨又講個句「全然ダメだ」。雖然貼題，但係咁多輯都係講呢句就有 D 厭。遲下香港應該會播埋玩「水球」個輯 CM。



2309，好累 ... 已經睏左夜既晏覺，好過無得睏，今晚要早 D 睏。That’s All.