2310，累。

越窮越見鬼！D 錢易來易去，Summer Workshop 出左糧了，之但係又花左 D 錢去寄 SpeedPost。SpeedPost 都幾貴喎，咁就寄左 $100 走。快過 Air Mail 4 日，貴 $60。都無話抵唔抵既，不過再揀多次，話唔定就咁寄張 B-Card 過佢就算，我地講心唔係講金架嘛！

PS. 好耐無同佢 Chat 了 ... 今日竟然俾我搵到佢既 Blog！？Goodest！

今日又落左深水埗，拎返份有問題既 Form，又要搵日再交過。。。又行左次黃金 + 高登，Bomberman Land 已經跌價到 $290，Good！尋日講過股票，今日講下購物 ↓

．如果係腦場買野，一見到 D 金毛、靚女就一定唔會幫襯個間鋪！唔知點解佢地俾到我既感覺係「唔專業」同埋「呃人」。對，我是以貌取人。反而其他類型既店鋪就無乜所謂，最好就靚女 Sales，呵。

．我好怕一入間鋪頭 D Sales 行埋黎問有無幫到你，好趕客 Feel。但係又唔好唔打聲招呼，點都要當顧客存在既。唔理我既話係咪即係睇唔起我先，睇死我無幫襯！？呢種客係咪好難服侍？又唔係既，好簡單咁講「歡迎光臨。慢慢睇，個邊有貨新到。」咪得。我只係想靜靜咁睇下 ... 有問題自然會搵你吧。又唔好講到係白撞，點都要格格價既。聽聞有 D Sales 係 Feel 到你白撞既話就會好主動咁行埋黎咁 Serve 你的！

．購物時無個伴係會有所缺憾的。好似我睇中 Adidas 既霹靂包，但係 Wilson 兄又話霹靂包係過時既產物 ... 但係我覺得係幾好睇架喎！


試過約 Wilson 好多次，但係好多次都甩底，所以唔再約佢了。之但係又唔想約 Co 爺，與佢同行的話，佢會將我既年齡拉低幾歲。其他人又唔得閒。。。亦因為咁，我突然間覺得好需要有個女伴，咁就唔洗又 __ 又 __ 咁叫人陪，又唔洗食檸檬。好，就即係去搵個 Girl Friend 吧！



2348，呢幾日早睡早起，健康極了。唔似得阿邊個個 D 「假健康」。That’s All.

---
0954，補完 ↓

．有人成功賣出 NDS，價錢好理想。家中小肥聽到之後感到好興奮，因為佢都想賣佢部 NDS 出去。總之佢就好興奮啦，仲問「賣得咁好價？佢 (某人) 部 NDS 買先定我買先。」跟住咪同家中小肥講「搵你部機影相既，得閒省返乾淨粒 AB 掣賣得更好價」。佢樹起拇指整個 Good 手勢過我。

PS. 小肥赤貧，看來他會投身 SuperCard 行列了 ...


．近日剪左頭髮，很爽！叫師傅幫我留執頭髮做蔭，效果理想！我真係覺得個執蔭好好睇喎，阿海都話好睇喎 ← 係佢見我講幾十次之後，感到不耐煩所以先講。


．點會有人咁「爽快」架。連三唔識七既人都讚佢爽快！？OMG。爽快唔好啊，好易做錯野啊！慢慢黎先得穩妥嘛。哼，我都要學佢咁「爽快」！