2222，真係咪講笑，周師傅真係好搞笑！

1. 昨日有一個港台節目講非法下載，有一位 Social Science 既講師說 ↓



呢 D 學者講野真不負責任喎！的確反感。依家唔係話非法下載係正確，但係至少做 DL 既人會認。唔似得某 D 創作人抄襲別人作品後又話係原創，呢 D 人更無恥！

用 56K 既日子有好多「悠然望向天」既時刻。。。56K Load 張圖都 Load 到嘔血。想當年用 56K既時候，至怕就係有人無啦啦打電話黎，一打黎就斷線，真係火都黎埋。幸好上左年零 56K 就轉左 Netvigator 既 Broadband 了，個下轉變真係天堂與地獄！上網唔洗再等幾分鐘 Load 個網，整網頁都唔洗就住就住 Size，鍾意放乜圖就放乜圖！用 56K 個個時代，Load 到一幅圖係幾咁有成功感！！

依家我仲 Keep 住個 56K Modem，對上一次用應該係讀 Poly 個陣 Dailup 返去 Poly Library Download Past Paper。有多少懷念個 D 有 Rhythm 既 Do-Do-EE 既聲添。



2. 有 D 冷知識分享下，大家估下段問題先，之後反白睇答案 ↓

．愛斯基摩人有無用雪櫃呢？ → 有，用來防止食物結冰。
．差利卓別靈曾經嬴了「扮差利卓別靈大賽」第幾名呢？ → 第三名。
．有一本書的印刷量比聖經印得還要多，這本書是甚麼呢？ → 宜家傢俬既 Catalogue。
．最多人識的英文字是甚麼呢？ →「OK」。
．那麼第二最多人識的英文字又是甚麼呢？ →「Coca-Cola」。

仲有個 IQ 題，有乜野一定要用自己既右腳先踢到呢？答案就係 → 「自己既左腳」。仲有一個問題，點解古裝片騎馬個陣要講「烁」、停馬要講「于」呢？有無人可以解答一下。



3. 尋日咪話有 D 大計要講既，其實呢個 Diary 既 Layout 都用左一年幾了，都係時候要轉下。順勢寫過另一個 PHP 都唔錯，當然會更加 User-Friendly，同埋多少少 Function 咁。想由 Diary 轉做 Blog，不過唔知幾時先寫得好呢。照計應該到我生日既時候就會面世，大約係 700 篇 Post 既時候到啦。另有 D 靚既 Template 想分享下，Click 圖去該網站 ↓





真係好靚喎，Simple & Clean！我想我將來 Design 既大方向都應該係咁。真係咪話，我覺得日本人既 Design 真係好掂，就係有個種 Feel。就以任天堂網頁為例，日文官網係靚過美國官網好多好多的。。。



4. 呢期興溫書，溫普通話併音、溫日文，仲有就係要溫下公禱書 395 - 403 頁，下週日有這個問書環節！咁又唔好講到話要溫，事實上有 D 野都要知道既。說時遲那時快就堅信禮了 ...

今日睇左少少羽毛球教學，有一個「原來係咁打」既感覺，聽日打波個陣試下先！再一次看到那「大細手」，右手好似義肢咁，粗幾個碼都唔止。搵到個平既練粗左手既方法，就係搵個「握力訓練器」，每日握幾野，一年半載之後就可能無左大細手既問題！Good！



2340，今日肥細佬告知我一件事，原來個塊 LCD Mon Filters 前後掉轉左。本來係啞色面向外，但應該係反光面向外的。依家個 Mon 好似新一樣，色水都唔同晒！Goodest！一錯錯左兩年呢，時間不算短！That’s All.

PS. 她的聲音真甜美 ... 絕對是天籟之聲！想聽多幾次呢！