2345，邊個咁陰毒，頂我個肺，家下心口有 D 隱隱作痛。

1. 普通話課終於告一段落，會 Pass 掛。。。Fail 就賊頭了。咁呢，考完就散水。咁落去地鐵站途中遇到普通話課既「座友」，講左幾句咁啦。之後去完 SFAA 交 Form 後又見到另一位普通話課既同學，同佢唔熟，都無乜兩咀，打個招呼無乜特別。但係之後係黃金 Hea 緊個陣又見到佢，咁就有點無奈咁一齊逛左陣 ... 好在佢只係 Hea 一陣，唔係勁多 Dead Air 都唔知點。有這種異象的原因是他熱情還是我太 Cool 呢！？

天候真係熱到 hihi，裡裡外外都濕透。連架巴士部冷氣都壞埋 ... 撘撘下巴士個司機無啦啦落車望一望個車尾，咁就換左車了。這是人生中第二次換車。新巴同城巴變為同個老闆既好處就係一壞車既話，唔洗好似以前咁要等返同一間巴士公司，只要見到巴士就上得，Good！

今日做左好多事了，睇牙、入票、打 Game。繼尋日見到陳麗興之後，今日見到關燕玲。



2. 在這個「放學 ICU」裡面，有個推介書本既環節，呢個肥仔真係好老積 ... 至爆笑係佢講「我高度推介比各位小朋友睇」，次次睇親都覺得搞笑 ↓



由於無野想做，睇下無記既「Keroro 軍曹」，精彩 Cap 圖 ↓



白色的確好溫暖，所以我既服裝以白色為主 ↓



係唔係有少少譯錯左呢？應該係「爆炸頭的軍曹」吧 ↓



原來狗食朱古力、洋蔥、提子乾係會中毒架！這個「放學 ICU」唔係流架！



3. ↓



我都係啊！證明我倆是多麼相襯呢！由於真係無野做，疾走 32 圈孖車 ↓



打左成個鐘頭，贏成六十分。今日見到 Bomberman Land $290，應該都跌盡架喇。可惜都係唔捨得 ... Mario 隻 3 On 3 賣 $330 ... 搶錢！



4. 碎點↓

．終於俾我搵到 Jean Reno 既 UPS 廣告，我講既就係呢個，大家睇下，Jean Reno 笑個幾下真係睇到笑左出黎，Click 去睇下 → 呢度




．今日由起身個一刻個胸口就痛。疑似原因有幾個，尋日打波拉親胸骨肌、睏覺「擲」住黎睏、又或者係暗啞底有人頂我個肺。吸氣就唔痛，呼氣就痛、個頭向上唔痛、個頭向下就痛、大聲笑唔痛，奸笑就痛。總之就痛，特別睏醒個下真係痛到暈。唔知幾耐先唔痛呢？



2421，明天既日文 Final Term，我深信係無乜大問題的。聽日怒溫一下先得！That’s All.