2315，今次無怨言喇嘛！？

天父知我在家中無聊，所以安排了各種活動給我，感謝祂。本週閒日日日都有街去，不用在家中藕菇。除左有街街去之外，仲有 Game 玩。有這個《三國志 11》，畫面真係好靚喎！原來依家 D 電腦 Game可以係咁靚又唔 Lag 架喎。仲有《育成足球 加強版》、《夢幻西餐廳 2》。仲有仲有就係 SFC 既《SD戰國傳》，仲搵埋攻略添，真係一流！

在無聊之中，親愛的 Alice 與我聊天，真開心。數下數下，距離 25 歲只剩 4 年，我既「廿五結婚、廿八生仔」既目標看來不能達到了，哈哈。有一本書就係 Alice 提起，係《Men are from mars, women are from venus》by John Gray，中文名就自己譯返便是了，有 D 譯本叫《男女大不同》。轉貼內容簡介「作者活潑而具象的解說男女在思想、行為上的差異，令世間苦於相愛容易相處難的有情人拍案叫絕，原來男人與女人來自不同的星球，真的有必要藉此書重新來認識另一半所具有的異性特質，本書是男女增進溝通與諒解的必備指南。」。打書釘睇過下，覺得都不俗，值得一看。

夜晚同 Bernie閒談一會，佢都有好書推介，首推既係《I Kissed Dating Goodbye》by Joshua Harris，中文名叫《不再約會》。轉貼內容簡介「除了約會之外，男女交往是否有更好的方式？本書將告訴大家，的確有比約會更好的交往方式。」。

今日圍繞既主題就係「伴侶」。有伴侶有有伴侶既好處，無伴侶亦都有無伴侶既好處。要是但搵個伴其實好易，問題係食散餐是對身心都無益的，所以我唔會咁做。而且有伴侶既時候就彷彿有種責任，唔係剩係話男仔，女仔都一樣。要物色到岩心水既、同時我又岩佢心水，但係又唔係散餐既都唔係易。Bernie 提醒左一句好岩，就係「未 Ready」，Ready 好既時候就會有人通知你。咁所以都係「裝備自己」等 Ready！？哈，好似 Alice 話順其自然順到 80 歲吧，都唔緊要既。話唔定 Alice 都係咁「順」法呢，呢 D 真係伴啦！

PS. 有 Target 就好去啦，無謂夜長夢多，係你就係你，唔係你就唔係你，所以「早解決早安樂」。

夜晚落左銅鑼灣買衫褲，但結果都係乜都買唔到，因為我個心忐忑不安、心大心細，唔知買唔買好。又唔想亂花錢，都係睇定 D 諗真 D 先好。去了 Pokka 食 Din，有 20% Off 的確平好多，真的不錯。仲要坐耐 D，等另一位朋友無怨言。上次佢好強調「急急的來，匆匆的去」，今次無晒呢個感覺喇嘛？佢又衰 D 既，香蕉船唔食香蕉，結果我就食晒 D 蕉吧。

又係 Pokka 見到明星仔 Kenny，已經係第二次。同上次一樣，特登臨離開前先話比另一個人聽阿 Kenny 係附近。哈，係咪氣死人呢？唔緊要喎，同佢咁有緣，話唔定見到第三次呢！今次 Kenny 同另外唔知乜水食，佢留了楊過既黯然鬚、陸軍裝頭。

Columbia 有兩款斜袋。一款就係講過既黑色超大個裝到 Notebook 甚至係 BB 仔既袋，另一款比黑色袋細少少，係淺杏色的。講真，我鍾意淺杏色個個袋，合附我個 Style，而且個大小都好 Fit，之但係就似似地女裝。回家後再經過一輪討論，決定買黑色個個，雖然大就大 D，但係新款少少而且 Comp Dirty 多少，都 Compensate 到個缺點既。

買衫既時候，我不禁說了句「Why」。點解我唔係女仔呢，女仔買衫多款好多時又靚好多喎。家中既 Tee 主要都係 Sportswear Company Products，無乜青春便服。而且件件衫都係白色為主，無乜圖案咁。真係有多少乏味架，換句話說，我個人都 OK 悶架。如果我係女仔，我實買個 D Cutie 公仔衫啦，可惜我唔係。所以都無辦法，轉 Style 唔易架，要錢時都要過得自己個關。花碌碌個 D 衫我覺得好核突囉。

「寶物尋歸底」，$10 店 D 野真係好 $10 喎！肥仔說過 $10 店其實搵笨，每件產品都係賺好多的。話就咁話，每件都係 $10 的確吸引既。有人忍唔住手都買左隻豬呢！呵呵呵。仲比我見到 $10 相架賣！


今天好感謝各位抽空陪我過了一整天，很開心呢！



2447，一日只可以做一件事，今日已經 Full 左 Quota，Good！哈哈。That’s All.

---
1102，+hung 講個度實在太震憾，今次係威力加強版 ↓



係喎，今日放 Jupus Result 喎，唔知 D 朋友仔點呢 ...