2255，今天要講兩件事。

1. 大家睇下呢兩幅圖裡面，有個地方好特別，A 係無既而 B 係有既，Click 圖放大 ↓



就係「昂平 360」了！無數據有兩個可能既原因，一就係昂平既測風器比大風吹到壞左、二就係唔知係咪為左令天文台台長好落台，特登 Cut 左昂平既數據呢？唉。。。天文台 ...

呢個就係個數據，去到 1630 就無左 ↓



再睇返「昂平 360」，纜車箱都無埋 ↓



大家唔好諗歪，應該係 D 職員拆左個車箱落黎掛，唔會係大風到吹走左嘛。。。

「天文台發言人稱，雖然香港西部陣風達烈風程度，但維利多利亞港的平均風力未達標，所不發八號信號。」← Yahoo! News。原來 ... 維港兩岸就代表晒整個香港，其以外既地方刮晒大風都無代表性。家下 X 叔話掛個 3 號波好啦，要做生意。真音拳話截取通訊草案會議要盡快達成共識，咪掛 8 號波呀！

我呢 D 小市民小智慧，點會點解政府大人物大智慧呢。。。今日真係大風到 ... 唔係話陰謀論，無乜理由唔掛 8 號架喎！



2. 今日白食白喝白睇戲。除了車費外，今日係「零支出」，春曦破費了。禮拜日春曦已經 Book 好晒今朝 Tickets 去睇《Pirates of the Caribbean: Dead Man's Chest》，總共 3 人行。估唔到早場都咁爆喎！前排有情侶 E-Up，千期唔好唔 E-Up 啊，唔 E-Up 就遮住晒我睇！！

有劇透，請注意。咁呢，最好睇返第一集先去睇呢集，有 D Gag 位係同上集有關的，例如燒 Rums、同埋 Will 最尾個幕出現係沙灘上講「縳住海龜游過來」等等。呢套劇既劇情有 D 鬆散，Scene 與 Scene 之間既聯繫唔係咁大，但係獨立咁睇每一場 Scene 都算得上幾精彩。不過套戲睇落有 D 似橙龍哥哥既賀歲片咁 ... 都幾 Gag 下。不過睇到最尾好似有 D 被騙囉，今集只係上半集，要睇結局就要睇埋仲 Filming 緊既第 3 集。。。

Johnny Depp 做 Captain Jack Sparrow 做得好正！真係演出一個無賴得黎又有 D 良心既角色。Keira Knightley 依舊咁靚，呵呵呵。

睇完戲之後春曦請食飯，不得不提既佢叫左個有兩隻椒既「青咖哩炸雞扒飯」。辣呢到 ... 要即刻飲冰水。呢碟飯同人生一樣，就係「有排挨」！！傾下閒計，咁就兩點幾，行多陣，咁就四點幾，回到家五點，咁就一日了。今日都做左唔止一件事啦，爆晒「每日一事」既 Quota 吧！



3. 我諗大部份人都玩過 Street Fighter，個男主持人好搞鬼，特別係扮軍佬行路個陣 ↓





2420，今朝激早起身，好眼睏 ... That’s All.

---
0747，↓



睇下威力幾強，字都大粒 D！唉。。。呢 D 咪就係傷心囉 ... Alice 呀 Alice ... 做乜突然咁大反應既。