2154，一切重新由零開始 ... Shit !

1. 晨咁早打波，又遲到。這個「遲到」問題近期都發生得好密，幸好意識到這個問題。我地要「知錯能改」，唔好「知而不改」！睇住黎，下次我實準時！



臨走一入 Lift 個下見到四個省鏡既妹妹仔出 Lift 去打波。Lift 門一關之後，我 + Co 爺異口同聲說了頭頂個句 ... 咁好靚又未算既，係後生、白雪雪而矣。不過著熱褲去打波！？我都想見下喎！呵呵呵。

PS. 唔係呢，發覺好似打得屎波左 ... 點算！？



2. 回家後再出尖咀找 Wilson 吃 Lunch，途中撘地鐵見到 Shirley，需知道係地鐵相遇其實係好難既事黎，所以—定要記低佢！

兜兜轉轉，龍爭虎鬥之後，都係我最早到！三個人 Lunch 叫左兩個二人餐 @ Spaghetti House，個 Waitress 都問一問 Confirm 係咪 3 個人。Wilson 說：「我覺得好豪，平時打工仔 Lunch $20 咋！」咁我唔係打工仔，一次半次都還可以既。就係叫左以下呢堆野 ↓



張枱都好勉強先放得晒。由於多左份，分配就係阿海飲一紅一白既餐湯 + 主攻闊麵、我就多人一件 Pizza + 主攻豬扒飯 + 兩杯餐飲、剩底既 Wilson 就食剩底既三件豬扒 + 唔好食白汁碎雞意粉 ...

Wilson 真係好唔要得，倒瀉水 ... 仲要係倒瀉我杯水 ... 仲仲要倒瀉到我放電話的位置 → 部電話就浸左幾秒，唉 ... 。但係大家都未有意思「索水」既時候，有個 Waitress 就好快咁埋黎「索水」，可以用「迅雷不及掩耳」黎形容。個 Waitress 好高，之但係寒背，真係晒晒，估唔到佢反應咁快！

兩杯餐飲，幾開心 ↓





3. 甚麼叫「冗員」？Wilson 就是一個活生生既好例子 ... 冗到係可以返工時間上網搞 Add Drop、搵佢送幾份文件送成個下晝、Lunch 後永遠遲到 ... 唉，學佢話，咁真係「越做越廢」。

非常好，佢 Boss 用冷言冷語說「你依家先係太子咋」？！



4. 今日都返左去 City 搞 Paper Add Drop 既野，最後都係得個「吉」。平時 Quick Response 既 Instructor 下午四點幾覆左我朝早九點既 Voice Message，傾左一會兒，最後結論都係未成功 Add Drop。General Office 話其他 Session 爆晒，要 Instructor 話肯加位比我先有得 Add。咁就大穫了！

依家就係咁樣 ↓



咁 Mon 朝個堂點都會自己走去另一個 Session，調唔調到 Instructor 就要再問下先知。暫時仲可以自己 Sit 去同日既晏晝上，不過係同 BA 既人一齊上。哈，又要孤獨咁上堂。

Mon 朝個堂走左之後就自己 Sit 返兩個 Comupter Science 既 Tutorial。咁 Thu 朝個堂就會消失，Tue 再 Sit Thu 下晝個堂，咁就功德完滿。

講左咁耐、搞左咁耐，最後都唔可以 Formal 咁 Add Drop，都係要自己 Sit 堂 ... 唉。。。聽朝應該唔返去 City 了，應該會打返去搵個 Instructor 再傾傾。



5. 同阿海行下 298、188，再撘叮叮叮去銅鑼灣。去左世貿 Oliver's SUPER Sandwiches 飲杯野。呢間野，其實真係好麻麻地，我真係覺得 D 野係唔好吃的！仲有就係，點解 D 枱角崩既 ↓



另外，我的右手腫左一大舊 ↓



係等車既時候比蚊咬的。佢唔係好痕，不過就腫左一大舊 ... 難道個隻蚊係成日上電視個種！？

PS. 見到 __ 亂妹妹苦口苦臉咁切麵包 ... 哈。



2259，靚既妹妹仔 ... 點解都好似唔鍾意讀書既？！That’s All.