2200，跳殺！跳殺！

1. 現代社會，消息流通，時時刻刻都有新聞。香港是其中一個好例子，電影業界追討賠償，幾日之後何議員就受襲，又過多幾日就藝人偷拍事件。新聞太快太多了 ... 每件新聞印象唔深、容易被人忘記。

唔知點解，我覺得是次「藝人偷拍」並不是甚麼大事，聲討大會彷彿是一場 Show。可能係事主形象本身唔好、出來聲討既藝人又「假」，個個都好似係出黎「抽水」咁。難道唔喊就無錢收？不過最掂既當然係成龍大哥啦，當年佢出去偷食既時候就講句「我做錯左全世界男人都做錯既野。聖人都有錯。」就算數。難道咁樣唔會破壞香港國際形象？咁又真係唔會既 ... 人地係香港旅遊大使咋嘛。講一套 ... 做一套。

依家《一本便利》應該學大哥發聲明話「大哥都講過，聖人都有錯。我保證唔到我會唔再犯，不過我會盡量做到最好」咪得？話分兩頭，七一遊行個陣 Twins 就話過遊行係不文明既行為，但依家又出黎遊行 ... 香港地真搞笑，翻舊帳既人多的是。

早前黎明又比人偷拍，那本雜誌既公司就是今次「受害人」的公司。為甚麼今次偷拍事件有咁大迴響呢？看來只是公司糾紛吧。如果事件主角換轉係其他藝人，還會有這樣的 Show 嗎？

Demand & Supply，有需求就有供應。《便利》由頭到尾都係本咸書，邊個會去買？我覺得唔係青少年，要睇都識去咸網啦，呢 D 碎料睇黎做乜。我覺得買個班正正就係「師奶團」。不時話傳媒渲染不良意識予年青人，點解「師奶團」又要買呢類刊物呢？

藝人 = 偽人？



2. 《不能結婚的男人》既 Official Site 都幾掂，Click 圖去 Link ↓



夠晒 Clean！Good。呢套日劇真係好掂，有機會就睇下佢啦。今日就剛剛睇到話如果女人上了年紀，就自自然有結婚或者自置物業既念頭 ... 前者當然係同另一半努力挨 (比人養都得既) ，後者就係打算靠自己努力。可能我表達得唔好，但係套劇表達出黎既手法都幾特別。



3. 羽球碎點 ↓

．跳殺！真係好唔岩 Feel 喎。跳高左之後既 Timing 完全錯晒，就算殺中個波都無力水。Co 爺說我唔跳好過跳，一跳殺就估到個波殺去邊，捉晒路。

．承上，要進上就一定要掌握到「跳殺」！所以我點都要跳，呵呵呵。

．未必一定打兩個鐘波先會大汗踏細汗，今日都流晒汗。係要流晒汗先叫做運動既，今天非常好 Feel。跳殺真係好好玩！

．承上，可惜 Co 爺遲到囉 ... 真係好 hihi。點都要記一記佢！

．激戰過後，兩個羽毛球分別都係單邊斷左六根毛 ...↓



．承上，斷左六根毛之後既羽毛球，好似印弟安人既帳蓬咁。如果配上林老師送贈既香橙彈彈球，就會變成「戇居居」既史萊姆 ↓





2320，香港仔吉野家真係多人到呢 ... 好似唔洗錢咁。樓面多人，裡面廚房都一樣好多人！That’s All.

---
噫，小朋友真是可愛 ↓