2040，固本培元。

1. 尋晚夜睏，起身既時候都無左朝早。晏晝 Pearl 直播香港公開羽毛球錦標賽，好精彩！真係好精彩！曾經有個衝動買飛入場睇呢。咁有兩張照片來自比賽 ↓



都知道揮拍既時候塊羽毛球拍會「淆淆地」，但無諗過「淆」得咁過份 ... 跳殺就是要跳到這麼高吧。。。今日都學到好多野！



2. 承上，睇比賽既時候，突然間好想打球喎！有人仲話出糧後搵我陪佢去買拍，仲話要「打死我」。哈，かかって来い，放馬過黎！咁都岩既，「工欲先其事，必先利其器」。

亦都因為咁，建議穿著較輕便的服裝去運動。選購了一條運動短褲，贈予給某人，但結果卻導致以下的結果 ↓



係囉，點解會變左「迫」呢？到依家我都係唔明白點解佢會咁諗。建議 → 強迫。專家建議大家進食時少鹽少糖 → 專家強迫大家進食時少鹽少糖。或者咁講，有 D 野自己係唔會買，但係如果人地給予的話、而自己又試一試，可能有一種新的體會。再或者咁講，人通常會將「好既野」推介比朋友，朋友試唔試就係佢地自己既自由，由頭到尾都無人迫自己。難道這是在「改造」朋友嗎？

PS. 例如床頭燈 ... 大家無床頭燈既話同我講聲，等有機會我送盞過大家，真係好實用。N 年前人地送比我既 Winnie the Pooh 床頭燈還在，Good。

點講都好，都係出於一份「關心」，這不是外表的問題而是個人的感受。如果令人覺得這是「挑釁」的話，只有說聲對不起，不要黑臉。



3. 真係唔講粗口唔得，早排就為 Paper Add Drop 問題成日返 City，但係都係得個吉。但係今日 Check 一 Check，發覺有人成功加位調 Group 喎！真 hihi，點解佢地得呢！？我真係唔明白！禮拜一返學再睇下點先。

Game 個科係大問題，頂死左個 Schedule。依家個 Session (1) 得 16/20 人，想轉去既 Session (2) 有 22/20，仲有個 Session (3) 只係得 10/20。一定唔可以上 S1，S2 就多 D 熟少少既同學，而且個 Schedule 比較理想，問題係要轉 Instructor 比較煩。S3 既好處就比較小人，問野可以方便 D，但衰在係完全唔熟其中既同學。究竟點好呢？

話分兩頭，有一種不詳既預感。今個 Sem 有一科好似 Poly 讀個科 IS 咁，個格局一模一樣！而家只可寄望個 Instructor 似返個人樣，唔係真係仆倒在大地上！



4. 九月最期待既就係《攻殼機動隊 SAC SSS》，Trailer↓





2249，Good，再早 D 睏！That’s All.