2315，今日 Title 叫乜好呢？諗唔到 ...

1. ↓





2. 今朝個堂 Lecture Hea 得很 ... Hea 到都唔知講乜好。本來諗住回家、慳返個 Lunch。但係有同學話一齊去食 Lunch，開頭都係婉拒唔吃既，但係個同學話「你又唔食」，咁我就去吃了。亦都因為咁，終於同同學吃過「開學飯」。Week 1 處處都人山人海呢 ...

之後係 PageONE 睇左陣書，咁就同朋友仔相聚，再係紅磡小魚滋味食少少野。係咪無介紹錯呢，個度既雞扒真係幾好食！由於我之前吃到飽晒，所以剩係吃左個雪糕 ↓



吃完之後就千辛萬苦咁由火車站行到去天星碼頭，真係遠到呢 ... 有多少手軟腳軟、沒精打彩、反應遲頓、諗唔到野，應該係輕度中暑！？成日都發生喎！仲要有時冬天都中暑呢！看來真係體弱多病吧 ... 之後撘船過中環回家，船程大約兩公里，$2.2 真係無敵。。。但係撘地鐵、過海底隊道好似咁慢同貴呢？！



3. 碎點 ↓

．想話 Book 個場打波都咁難既 ... 本週六日都爆晒，下週六日都爆爆地。閒日夜晚都爆 ... 真係麻煩。幸好都 Book 到下週六晏晝。好耐無打球了！！

．噫！原來我既普通話都唔係好爛咋喎，竟然聽得明個內地遊客同地鐵職員講既普通話！？

．遲一日唧，地鐵學生優惠個張 Form 派完了 @ City ...

．當我正在打機的時候，我會變得語無倫次 ... 明明係想講七點，但係就講左五點 ...



2350，講住咁多先，有 D 野留返聽朝再講。That’s All.

---
0037，睏前一貼，唔知點解 ... 見到 Co 爺呢段野，我又好想笑 ↓



頂住呀！有乜冬瓜豆腐的話，我會為你祈禱。大家真的為我帶來了很多的歡樂 ...