2315，Let me be with you ~*

1. 今日 ... 真係唔好提。本科兩堂 Lecture 都 Hea 上，反而 OOD 既日文至認真 ... 有時都覺得有多少本末倒置。第一堂 Lecture ... 上左唔夠 10 分鐘，同學都好似打 PSP，仲要 Wireless 咁打。除左眼見之外，Search Wireless Lan 都見到 ↓



今日帶左 Notebook 返 City，諗住做功課既，但係最後同隔離位 Lan 玩 AOC ... 第一 Round 我就係前線，另一位就對面位，電腦夾係中間。當我同敵方正面交鋒既時候，個電腦無啦啦玩叛變，燒後欄！？原來無 Lock Team，真係笑爆咀。。。第二 Round 到我夾係中間，有機會仲唔龜兵！？哈哈。



2. Lunch ... 又一次 14 個人大圍枱 @ 九龍城既永珍越菜。食物都幾 OK 的說，價錢可接受的，著校服有七折！？學生證先得九折。呢個唔係重點，重點係得 1個鐘 Lunch，但係去到坐低起筷吃既時候都已經差唔多大半個鐘。。。

吃完之後分隊回 City，有兩隊打的，有一隊行路。我就係行路個隊，途中飽覽九龍塘既豪宅。成間 House，價錢以億計，一世都住唔起吧。有間惠康做特價，$11 五枝豆豆樂，食 Lunch 剩 $6，每人加 $1 就有得食 ... 真係唔好睇小呢 D 碎錢。最後回到去上堂既時間係 1450 ... 個堂應該係 1330 - 1530。

撘隧巴回家，間車滿晒人 ... 原因係有一班學生自己組團去 Ocean Park 個 Halloween Event。個堆人真係嘈到呢，仲有人 E-Up，至鍾意冷眼睇呢 D 野。話分兩頭，Ocean Park 個 Ad 用「嚇到你 Repeat」真係夠晒 Gimmick！

PS. 可能孭重野 → Notebook 而且行得路多，結果個膊頭瘀左。。。



3. 裂空剣豪ブライ就係機械狗，卡住左係個梯級到，仲唔起勢咁用機關槍掃佢 ↓



狗即係狗。



4. 應該好 Cutie 既野，但係唔知點解好恐怖。。。大家幻想一下 ↓





2358，有 D 野呢，應該同 D 朋友講聲既。不過暫時又唔想講住，想知先問我。That’s All.