2330，哈，超額完成。

．尋晚臨睏前就做好份 Interim Report，今朝返學前就寄埋封信，要做既野其實已經做得七七八八。哈，晨咁早就完成所有項目。


．不知不覺下個禮拜就係 Week 11，返多 2-3 個 Weeks 就 Exam 放 Sem-Break。我已經在可見既將來望到我既假期了。


．放假之前就有一大堆野要做，我份 Data Structures 既 Assignment 還是原封不動。同學說「好有信心喎」，都唔係既，或者知道做唔切都唔會有甚麼後果。再講，我真係覺得有大把時間做。


．日文既 Mid-Term 派返，80/100。個分數好似好高，但實際上個個都八十幾九十 ... 隔離位個個仲 98/100。真係我的天。


．朋友 ... 疏離既原因係「約唔到」或者「唔應你」。一次約唔到就約下一次，但「下」多幾次就唔會再約。彷彿知道實約唔成，連約下都唔想。其實都幾可惜 ... 咁就無左 D 朋友。


．有人會話一次約唔到就下次約，總會一次係成功。但係要明白，「檸檬」唔好食的。而且，對方以「唔得閒」作原因，大家應該心裡都有準備係對方唔想應約，話唔得閒只係大家都有個落台階。



2345，好似好多野做，不過絕對唔擔心做唔晒。因為「大有大做，細有細做，大不了唔做！」。That’s All.