2415，餘下 50%。

1. 今朝返去 Church 一轉，坐住牧師張櫈食住牧師買既早餐，Very Good！兩句鐘的時間，係電腦整左幾隻字、Printer 印左幾隻字、剪左幾隻字、貼左幾隻字咁就「整好」左張 Banner。與其說「整好」，例不如說「填好」張 Banner。因為張 Banner 本身就印左堂名、有晒設計，只是在預留的空白地方補上活動名稱，咁就完成。噫，這是萬用的 Banner 呢！

PS. 講到有 D「1999」，明就明，唔明就算吧。聽日睇下影唔影到相，一睇就會明。

咁「整好」左張 Banner 之後，就要掛張 Banner。咁千挑萬選，揀了禮堂外的鐵欄。係囉，點解揀個度黎掛呢，其實個位好難掛。問學校借個條鋁梯鬆鬆地 ... 爬上爬落，其實無乜特別，唔太危險。之但係未試過條梯放係草地上咁爬，條梯搖下搖下，呢下真係危險啦。點解係我爬？我都唔知點解，可能係我最後生吧。真係咪講笑，無食早餐既話，我諗我已經跌左落地。

PS. 依家又再醒起，我綑 Banner 的時候 ... 用了特怪的「結」，我諗拆落黎個陣就麻煩了。。。



2. 之後返 City，回家，去理髮，再回家。咁就過左半日，係屋企整下野、睇下 Notes 咁就過埋另外個半日。《新牧場物語》玩得如火如荼，這是上半日的進度 ↓



下半日已經有 Level 24 了！非常好。



3. 今晚有好多電視節目，Pearl 有《Engine》、World 有《CSI:NY》，但係兩個都無睇到。一睇既話又睇成晚，無時間做其他野。搵左 D 時間，整左中心個招牌既草稿 ↓



我都係想用珍珠白 + 海藍，要諗下點用先得，又唔知白色會唔會變黃。要認真諗諗，仲要搵色板對下 D 色添。



2455，明天還有很多事要做。That’s All.