1. 今朝又唔塞車，早左勁多翻到黎。諗住去 Starbucks 買兩杯 Latte，點知見到佢個 New Year Special → Double Shot Latte，$28 杯 Tall Size。咁就買左，諗住係 Lecture 個陣飲，點知焗住坐前面，頂！等到 Break 個陣杯 Latte 已經唔熱，晒左杯咁正既 Coffee，激死我。

PS. 上堂上到半路到其實 D Coffee 味都已經散緊出黎，幾鬼想飲。俾個虧佬阻住。
2. 繼尋日個 Tutor 之後今日又走隻奇珍異獸黎，條虧佬一入去都知佢係格衰個隻，點知一上佢堂仲衰。懶係野咁乜都話 Abstract，即係乜都 Depends 喇？

條友英文係無問題啊，不過賤在格衰，個態度都唔太友善，呢 D 野其實都無乜所謂，唔關我事。至抵 X 就係條友問我野個下先衰，個態度真係衰到爆。睇見佢就炆，真係想郁佢。心諗最多我唔搞你，你咪搞我。你格衰咁煩我，我實同你死過。至 X 就係佢問我第一次個陣當我出左神，我唔怪佢，無喇喇隔多陣再問第二次，大佬，你玩野？你千期咪諗住認識我，大家無乜關係，你黎教我黎學，無瓜葛就最好。越諗條友就越炆，講到懶係野咁，又講得炆憎，睇見聽見都覺討厭！仲要下下上足佢堂先陰公。真係一肚火。真係唔好坐我隔離，費事害人。
3. 好彩之後 Account 個 Lecture 輕鬆 D，最正就係呢個 Lecturer，佢唔理我，我唔理你。非常好，最學到野都係呢堂。之後個唔知乜野科暫時未正式上堂唔講住，希望又係佢唔理我，我唔理佢個隻。之不過點解暫時咁多科都要做 Presentation 呢？諗起都覺得煩，至怕做呢樣野。
4. 估唔到今日禮拜二就已經銀包清光，都未試過用錢用到咁盡。。。呢幾日洗左好多閒錢，懶煮野食去麥記買左個餐 ($30) + 蠟筆小新 +雜誌 ($40) + 絨布、手工紙 ($20) + 低 B Q ($60) + 入錢 ($100) ，咁就無左 $250，今朝杯 Latte ~$30，Lunch ~$30，到夜晚翻屋企發覺銀包 + 散錢包得翻 $30。。。真係諗起都覺得恐怖，平時少過 $100都唔會出街，怕有意外無錢用。。。當偶係度煩緊點樣入彈之制，突然間錢又回來了。。。今次真係要慳 D洗先得。。。
5. 聽日終於可以睏晏 D + 盼望聽日個 Lecturer係個 D你唔嘈唔理你個類型，又係今日個虧佬個款我真係一野撞牆死俾你睇。今晚機戰進度係零。。。心情唔多靚，梗係上完虧佬個堂令到我咁。