2305，今天無乜特別，但都係有涼子！

1. 繼續靚靚既涼子姐姐，呢個算係近期既廣告。臨尾「收腳」個下真係 Cutie 到暈 ↓





2. 早左出門早左返到去，上堂無乜特別。本來每 Group 預左 20mins 去 Present，但係今日呢 Group 用左差唔多成個鐘去 Present。Present 得好唔好就主觀既，客觀既係 ... 個 Present 真係好長。個 Topic 對我來說很悶，不時想著「仲未完」，真係好耐都未完。。。

放學之後撘地鐵係太子出行去弼街既「基道書樓」買書。咁當然唔識路喇，諗住打電話問人，但係又無人聽。最後我呢 D 聰明寶寶當然搵到喇，都好易搵唧，不過去同走都兜左一大段路呢。



3. 今日講左句野，都幾爆笑 → 「我既長項 ... 」。我係想講長處 / 強項，但係唔知點解合併左變「長項」。有人話我講野講得快，我就覺得我講野講得慢 ... 好多時諗到 D 野想講，但係個口跟唔到就講唔到出黎。唔係諗唔到點講，只係講唔切。

PS. 唔怪得之有懶音喇，隻字都未講完另一隻字就湧出黎。



4. 咁個 Logo 既著色版如下 ↓



其實我都滿意呢個版本，之但係牧師就有 D 意見。聽佢講完之後我都覺得應該要改一改個設計，呢個版本唔夠「靈命」。之但係點先有「靈命」呢？暫時我真係諗唔到，我想整得活潑 D，但係好似依家咁又唔覺點「靈命」。等我再問下其他人先！



2359，呢幾日突然間輕鬆左添。That’s All.