2245，哈，黯然都要接受。

1. 個水牌最後都係維持返最原來既 Design，其實個 Design 都唔差架 ← 我覺得。叫綠田園都唔錯喎，感覺好 Fresh、好 Natural，哈。無靈感無時間再做吧 ... 我還有其他野要做。


2. 今天有人說好羨慕我好得閒，實不相瞞，其實我真係好忙 ... Assignment 真係一浪接一浪咁黎。我讀緊呢科集兩個 Department 既特點，CS 就係 Sem 中開始忙直到 Exam、CM 就 Sem 尾甚至 Exam Period 先衝 Deadline。換句話說，真係無時停。

人地日日都要返 Uni 搞呢樣搞個樣，我就返學放學而矣。點解我又好似好空閒咁呢？其實我只係將所有既 Assignment、Project 等留在家中做。Group Project就將所有 Planning、Discussion 等既「群體動作」以最少時間最大效率咁係 Uni 完成。大家有印象既話，我有份 Assignment 係 Deadline 之廿幾秒 Submit 的。講「趕」，我諗我都有資格講吧。

「咪見我笑騎騎，都不知幾大壓力」← 今日講的。好多時剩係見到我輕鬆既一面，但係背後發晒老脾咁做 Assignment 是看不到吧。但慶幸的是 ... 已經懂得了「大有大做、細有細做、大不了唔做」這格言。哈，難道這是生存之道？「唔好迫我，迫我既唯有 Quit」← 之前講過，我都覺得幾岩。



3. 黎緊呢個禮拜六就係兩份 Assignment 既 Deadline，兩份都「好哽」，呢個禮拜唔到我潛水都唔得了。仲有好多鎖碎事要處理呢！

雖然好多野做，但係今日又比我搵到時間開左隻 GBA 既《機戰 OG2》黎打。依家盡量唔 Skip 對白看一看那些故事，雖然日文仲係幼稚園程度，但估下估下咁都明明地個故事。新版機戰的確係比舊版既機戰熱血好多！

哈，除左打機之外，仲有時間去睇電視。今晚 Pearl 播《Independence Day》，第一次播既時候係我 Form 4 個陣。個晚係禮拜六，我一整日都留係學校整 Drama 既野，係趕唔切回家睇個「開頭」 ... 所以印象特別深刻！其後不斷既重播，我都無緣睇「開頭」，今晚都一樣，哈哈。

呢 D 片的確具有強烈既「大美國主義」，但又真係好睇個下衰！其實我覺得美國呢個國家真係好神奇，甚麼事都可以在這國家裡發生。例如小市民打官司可以贏到大企業，仲要唔係一兩單案，係好多案件！



2430，Post 既長短都可以估到我個日係得唔得閒呢，大家留意下。That’s All.