2222，都無乜好記吧。

1. 買衫 ... 真係又愛又恨。有新衫當然係好，但係搜尋新衫既過程卻十分痛苦 + 好煩。好多人都叫我試下穿一些「青春便服」，但係我又唔知乜野 Style 岩自己，又唔想變潮童，所以都唔知點買衫了。簡簡單單一件 Shirt + Jeans 咪算，但係其他人又叫我「轉型」喎，應該從何入手大家又唔講，真氣憤。

之前講過話 Club Monaco 個 D 款幾岩我，之但係唔知點解佢既 Fall Collection 又好似唔係好得咁，又唔知係邊樹買了。Tommy Hifiger 都好似唔錯 ... 同埋都唔平。遲下再睇下點先算。話分兩頭，le coq sportif 既衫真係好岩我心水 ↓



之但係我覺得貴左多少。無他既，我節儉。其實係我嫌煩唔想買衫 ... 其實真係唔急住買，天氣只係稍稍轉涼，都係睇定 D 先好買衫。話唔定短袖衫 + 薄褸可以過埋十二月。



2. 今日早左好多返去上「第二堂」，因為趕唔切返去上「第一堂」，結果「第一堂」得 3 個人上，無他既，個 Instructor 真係教得好差。傳聞下年有一科都仲係佢教，真係唔貼大字報都唔得，火都黎埋。

Well，上完「第二堂」之後同同學 Lunch，之後返 City 做「第一堂」既 Assignment。坐左幾個鐘，都無乜野做得到。唔知係 Instructor 令到 D Assignment 與他「同化」還是其他，睇住份 Assignment 既 Documentation ，隻隻字都識，夾埋都睇得明，但係唔知點解個腦唔想去理解 ... 咁神奇既！完全同上堂情況一樣，Instructor 講乜野個腦都係唔想理解，D 聲波自己彈返出黎。

3 個人做 Assignment 既情景 ↓



我就睇緊 Hard Copy Documentation，一個就做到成個「眼睏樣」出晒黎，一個就由好有衝勁做到放棄，仲話睇兩句就要上網平伏下心情。大家見唔見到張相右邊有個女孩子，個女孩子白白淨都幾得，不過個樣就惡 D D。



3. 呢期發覺自己串左好多，以幾何級數咁上升。究竟點解呢？一有機會就挖苦人，仲要講得幾盡下。又係時候收斂下，唔係下個 Sem 連同學都無埋。

PS. 「挖苦」既過程真係好「過癮」！你無我乎，我會「自嘲」。



2350，話無野講都講左咁多無聊野，Good。That’s All.