2330，我都唔知有乜好講，好鬼攰。

1. 今日係呢個 Sem 既「Last Day」，一大伙人返「品香」食飯，例牌同另外三個同學 Share 三碟飯，凍飲都 Share 埋。呢餐只係 $22，真係好鬼抵。之後又一大伙人返去上堂，呢堂個 Lecture Hall 係第二次坐滿人，第一次係第一堂，果然係好頭好尾。

Well，呢科既 Mid-Term 派返，又唔係想像中咁差喎，都合格有凸，算係咁啦。不過 Lecturer 一樣無改善，一聽佢講野就好鬼炆！用海棉做比喻，平時上堂係吸水，但上佢堂係放水 ... 好實在地有種 Lost 既感覺！好在下個 Sem 唔係佢教唧，唔係就要豪足 6 個 Credits 比佢。

PS. 落堂仲影埋「飯團」大合照，Goodest！


2. 話分兩頭，今個 Sem 既 Group Projects 都頗唔錯，合作很順利。勁人果然係勁人，真係好鬼勁，我十分佩服！！不過佢地做完佢地既部份，又係時候要做我該做既野 - Documentation。原來好多人都唔鍾意做 Documentation，其實我都係。不過呢 ... 其他 Group Mate 做 Programmer 同 Designer，咁我就做 Documentation。我都無乜所謂既，佢地做事非常放心，所以呢次 Project 的確好爽。



3. 話分三頭，今日 Jap. Test，有多少失望。又係老問題，個 Mean 實在太高了。我諗份卷應該都有 80/100，但係個 Mean 係 8x，真係嚇死人。我諗可能無「B」，也許得個「B-」 ... 如果得「C /+/-」，真係唔放棄 Take Minor 都唔得。絕對係會比人屈機的。那些並不是溫書可以解答到的問題吧。



4. 呢個月想做既事如下 ↓

．買褸 / 衫 for 「轉型」
．去金鳳鋸扒
．係小肥羊打邊爐
．Xmas - NewYearEve Dinner Buffet

暫時係咁多，唔記得左部份。記得再講。



2453，都好耐無打羽毛波了 ... That’s All.