1. 今日都係好頹廢咁過。。。今日做無乜做過野，成日做過既事↓

起身 → 睇翻集 CSI → 打陣 Wario → 上網 + 聽歌 → 打 CS → 食飯 → 同人 ICQ → 睏晏覺 → 起身 → 上網 + 聽歌 → 食飯

明眼人一睇就知又係食緊飯既時候打 Diary。不過應該以後都會遲食飯，早極都八點半先開飯，計計數，我食個半鐘飯。咁即係要食十點先食完，十點到應該打好成篇的說。。。

時間 Spot：
朝早八點半起身、煮晏晝飯十二點半、同人 ICQ 一點正、睏晏覺三點、七點再起身、食飯八點半。

2. 本來諗住晏晝做下 D 有意義既野，點知突然間有位朋友仔 MSN 我。傾下傾下由一點傾到三點。雖然 Message 既密度唔係高到 30 秒內有回覆，不過都傾左一兩樣重要野喇。不過心結都未解得開，算係知道某樣野要點做咁。說實在，知道點做不過做唔做到又係另一件事，沒有足夠信心 + 決心 + 勇氣。。。做起黎無事就好，有起事上黎仲衰過唔做。這個後果我想承擔不到。結論：都仲係唔知點做好。
3. 繼《天鳥舟》停止更新涼子姐姐既相後，另一日本涼子蕃薯網站《涼魂注入》亦都關站了。。。唉。。。差唔多無晒健康生存既涼子姐姐網站了。。。家陣只剩下台灣網站《RHWS》。作為一個忠實既涼子蕃薯，唔多唔少都覺得有 D 可惜。。。看來係時候為其他涼子蕃薯作出多少貢獻吧。
4. 記住一個人無野做既話都千期唔好走去諗野，唔係有好大機會越諗越煩又唔開心，但係一個人靜下來唔多唔少都會諗下野既。突然間無乜心機做其他野。早期都無乜事，如果話女人心情成日變既話，那麼我都係一個女人。。。話時話，想開套日劇《在世界中心呼喚愛》。不過 D 人話睇完實喊，只怕睇完心情會變得更壞的說。想多想，想睇多前涼子姐姐既《前男友》的說，偶巧鍾意佢既 OL Look，Kinki Kids 唱既《Hakka Candy》都幾好聽的說。大家有機會要睇睇《前男友》呢！推介！
---