2310，今日都做過無停手。

1. 近呢個月發覺生活中好像有 D 時間空白左，又記唔起係乜野事。直到昨天，我終於知道點解好似有 D 「空白」。原來自從 Co 爺畢業禮之後，佢部電腦就壞左上唔到網，咁呢段期間同佢無乜聯絡，而且都無打波。唔怪得之有 D 「空白」啦，平時見佢 Online 既話實會吹下水。呢 D 可有可無既吹水，的確唔起眼既。

尋日身痕想打波，即刻約 Co 爺，不過好多時段都比人 Book 左。結果都要禮拜日夜晚先有場，好過無得打啦。我仲要換過塊拍既 Grip，又買返筒波，都好多野要準備。無打波一排，真係肥左喎！



2. 今日晏晝既 MSN 場面好震憾！不同院校、不同學科既學生都各自忙著自己的功課，個個人都係上住網咁趕功課。以前電腦上唔上到網都唔重要，只要有得用就夠了。但係現在電腦上唔到網既話真係比你都無乜用 ...

話分兩頭，呢期好多人既電腦都壞左，好恐怖。伴說：「好似俾人洗左 d 回憶咁」。好傳神！其實我都真係有 D 淆淆地部電腦會無聲無色的打柴 ... 現在的檔案是 2002 年累積到現在，萬一無左既話，我 5 年既回憶就會徹底地洗去 ...



3. 做功課都做到痴痴地，唔記得左原來我係「西人」 ↓



今日效率非常高！清左一份 CS Assignment 同打左十幾頁 Report。Report 方面離目標 50 頁還有一大段距離，希望聽日可以打到廿幾頁啦。聽日要返去 City 做個 Short Presentation，又無左幾粒鐘時間。

不過有咁既效率都係可得有「同學」一齊討論，真係非常多謝。在此為大家打打氣，我都要 D 氣 ↓





2354，早 D 抖，明天再作戰！That’s All.