2355，說時遲那時快，聽日就係平安夜。

．《玻璃面具》真係好好睇，今日劇情真係好緊湊，今集係上半集，還有下半集！快 D 到禮拜六就好！北島真夜 ... 姬川亞弓 ... 仲有月影千草！話時話，今期既 ED 幾好聽，就係 Cap 圖中個首歌，《素直になれなくて》 ↓




．「24」同「25」，究竟邊日出街好呢？！最後係揀左「25」 ... 我仲想買多少野添。幸好，去邊樹就已經決定好了。哈，我要製造「Surprise」！


．Assignment 方面，其中一份 Group Project 係三個人一組，有兩個組員都無晒「鬥志」去做，其中一個係我。無他既，因為 Season Mood 吧。但係唔知點解有個組員突然好有決心、鬥志去做，佢今次真係威到盡，全情睇佢表演。迅雷不及掩耳，佢已經交左個「吐嘈版」。遲下睇下有無時間交返個「浮誇版」。


．現在 ... 剩下一份 Dec28 號交的 Assignment。都要花時間去做，呢份係 Individual。100% 要自己做，哈。


．如果見到聖誕老人既話 ... 除左同佢影相之外，大家都可以同佢講返「Merry Christmas」。一位外國來香港扮聖誕老人的芬蘭人說香港人好特別，就係好鍾意同聖誕老人影相，影完相之外就會好快走開 ... 從來就唔會講返句 Merry Christmas。


．平安夜 ... 家計會呼籲，請做足安全措施。肥仔記住啦！！



2501，噫！連另一位失去「鬥志」既組員都重拾「小宇宙」！？我又睇你表演。That’s All.