2145 @ Dec26，今日真係 Merry Christmas。

1. 好似無返教會好多個禮拜，近日時間比較鬆動 D 就浮返上水面。今日聖誕崇拜，都「提」過 D 朋友仔有崇拜，咁當然係無人 Reply 啦，哈，順其自然。崇拜後聚餐，見到學校 Hall 個個佈置真係好驚嚇 ↓



其實樣樣野都無問題，間屋仲整得好似添，問題在於個「聖誕老人」！呢個「聖誕老人」真係十萬個驚嚇，用黎嚇細路仔一流，好人皮面具 Feel 呢。



2. 輾轉回家再出發到尖咀，首站經過五星級既「半島酒店」，懸空掛著的燈飾係幾靚下，不過家下仲未開燈 ↓



之後就到左尖沙咀既 Sogo，呢間 Sogo 同銅鑼灣個間無得比，得兩層 ... 細到嘔電。係正酒店隔離、星光大道附近，完完全全係為左呃遊客購物而開 ... 不過佢個玻璃幕牆 + 頂係幾靚既。行到咁上下就到海港城行行 Mall，繼續為「買衫」而努力。係 French Connection 同 ZARA 睇到兩件褸，好岩心水，特別係 FCUK 個件，難得大家都覺得好。不過就因為無我著的 Size 就無買到，托店員幫我係 Pacific Place 既分店留左一件，Good。

話分兩頭，佈置得最靚既商場，都非海港城莫屬了，看 ↓



這就是「華麗」、「Grand」吧！

晚飯就到了《麻布茶房》吃 Xmas Dinner Set，間食肆比想像中少人，不過都要拎籌。這餐飯都算係咁上下，其實聖誕大餐通常都係搵笨多，貴又唔好食。不過今餐除左個前菜之外，其他部份都好滿意。這就是無酒精特飲 ↓



對面位個個問做乜唔叫有酒精 ... 無酒精唔好嗎？下次就有無酒精都叫吧。這就是主菜，燒牛扒，仲有個麵鼓湯同飯 ↓



比想像中無咁熟 ... 我 Suppose 係會熟多少少，不過都 OK，我接受的。最後就係甜品，我呢款係冬季限定「炸天婦羅雪糕」，一冷一熱，口感唔錯 ↓



由於比預計中少人，都坐左好耐，都有兩個鐘有多吧。無他既 ... 我要坐耐 D 回復返體力。這個「體力剩餘量」報告的確好有用，在筋疲力盡之前大家都有個準備，唔會感到錯愕。



3. 之後做返香港人最鍾意做既「影相」，港島燈飾 ↓



尖咀鐘樓 ↓



中環某隧道 ↓



中環 IFC ↓



PS. 部相機係友人的輕便型相機，並不是本人的大牛龜。

如是者咁就過了一整天吧，剛剛好可以扮灰姑娘係午夜十二點前回到家，哈哈。



2357 @ Dec26，很好，打埋另一日既 Diary 先。That’s All.