2425，家下要去海外網站真係難過登天 ...

1. 晏晝落左銅鑼灣吃 Lunch，咁今日約左三點鐘打波，但係成兩點四十分先係 Times Square 走。心中充滿內疚，打電話比 Co 爺話要遲 D 到，本來想撘的士走，但係 Co 爺阻止了我。Well，之後竟然咁岩有車，好快就去到目的地。

接下來 ... 去到場地 ... 發覺 Co 爺未到，咁都無所謂喇，我都遲左。等左一陣 ... 發覺有 D 唔對路，打比 Co 爺，傾左一大輪先知原來佢仲要好耐先到！？唔怪得之佢阻止我撘的士啦 ... 原來佢仲遲。仲等我內疚左大半個鐘，真係浪費晒。其實遲到唔緊要，但係唔好唔聽電話，真係令人火大。心諗，佢係咪撘踫踫車黎，咁鬼耐。最後，得 25 mins 打。幸好搏晒老命咁打，有打左一個鐘頭既感覺。



2. 今天都算係網絡「大災難」吧，大部份用戶都去唔到海外網站。無他既，地震震斷左 D 海底光纖電纜 ... 要完全修復要成個月的，不過一般網上應用服務會係幾日內回復正常「掛」...

修理海底光纖電纜既情序是派船出大海，工程人員用聲納探測損壞部份，同時中美兩岸陸上工程人員會進行光測試，咁就會知道電纜邊部份受損。撈起條電纜，換入新的組件，放返落海。情序大約就是這樣，亦可能派出潛水人員落海底協助復修。以上項目都要海面風平浪靜先做得。

從數據上，的確可以看到網絡流量大減，從 HKIX 得回來 ↓



Fri、Sat 就係平時既流量，Sun 係 Silent Night、Mon 就 Xmas，流量比平時少左，到 Tue 又回復返正常。今日條 Curve 係凹晒 ... 比平時少左 ~10Giga bits 既流量。

有得上本地網都算係咁，依家都 Upload 唔到圖上個 US Server。點解我仲可以打到 Diary？因為我用 Proxy 由陸路到德國再去美國 ... 不過都好慢。算吧，慢都好過去唔到。



2525，寄望明天會更好啦，家下份 Project Proposal 無 Reference ... 因為海外網去唔到。That’s All.