2300，今日都無乜特別，至特別都係仲未可以正常上網。

．晏晝食 D 野就出去打波，閒日打波真係抵！四個人打兩個鐘，夾返都係每人 $20，抵打！咪意為 Co 爺肥肥地，原來佢對腳都幾幼。究竟對腳咁幼能否支撐佢咁橫既膊呢？好易失去支點喎！今日「手緊」，打得差左 ... 真洩氣。


．回到家都係打下 PS2 咁，繼續玩《THE．便利店 4》。玩落覺得今集無上集咁好玩，D 設定好似有 D 怪怪地 ... 真係唔慣。話分兩頭，Wii 個隻《高達鎚仔》應該會放埋一邊了，隻 Game 都玩得七七八八了。應該都會開 Zelda 黎打。咁得隻 Zelda 好似又悶悶地，想買隻《Rayman Raving Rabbits》，但係依家又比人炒到 $4xx，真係好貴囉，Xmas 前仲係 ~$300。


．Wii 既價錢已經大幅滑落，已經跌返去 $2000 剩機。咁呢 ... 雖然買貴左三幾百，不過當買時間啦，都玩左咁耐。不過 Game 既價不跌反升 ... 當打和。


．網上爬爬到依家都仲未去到海外網 ... 比咁貴月貴都係買「穩定」，點知今次竟然係咁多間 ISP 中反應最慢囉，個李乜佳仲係報紙落成頁廣告話 IMS 100% 無問題，真係摟 __。家下用 Proxy 上網，其實真係幾危險。


2305，打番鋪 Winning 先！That’s All.