2415，一月二日，話咁快就有 07 年既大計了！

1. 講個故事先，係收音機聽的。我想大家都聽過華盛頓砍了他老爸的櫻桃樹，老爸沒有怪責華盛頓。其實呢個故事係想表達甚麼意思呢？是想叫大家要誠實？叫為人父母要大方 D？還是叫人唔好鬧手上拎住斧頭既人呢？

諗深一層，其實華盛頓老父親 EQ 都頗高，沒有因為一件事情而大發雷霆，不會因為事情而影響心情。這就做到了「賞罰分明」的父母。



2. 今日出一出街，就換來了「雙失」。第一失就係失去了件褸既「o拍鈕」... 點解會咁化學既？真係「o拍」一聲就爛左。07 年既大計就係配返粒鈕！其實都唔係好覺眼既，不過我整爛就當然好覺啦。無左粒鈕，就係忐忑不安 ... 咁都無辦法，聽日去 D 鋪頭睇下有無得配返粒，無既話就唯有用返粒爛既鈕裝假狗。

第二失就係買唔到隻 Game，係 188 搵過得美版，去到旺角先達頂樓有間鋪有日版，不過賣 $410。真係好過去搶！為了抵制炒風，決定唔買，儘管個老闆話係最後一隻。等多幾日等到日本那邊放完新年假就會有貨到香港，到時頂盡賣 $330 - $350，哼！我想買既就係呢隻《Rayman Raving Rabbits》↓



唔係話依家 Wii 無 Game 玩，仲有隻 Zelda 未開黎玩。不過 Zelda 係單打 Game，我想買隻雙打 Game 回來，畢竟我有兩個 Remote ... 而且暫時未有充足既心理準備去玩 Zelda，呢隻 Game 真係要花好多心神去玩，又要逐隻日文去睇先可以明白隻 Game 既故事。由於頗大陣仗，所以就唔係好想玩，哈哈。反而 Rayman 呢隻玩下 Mini Games 都真係幾唔錯架！最緊要係雙打！



3. 下晝去了海港城間《麻布茶房》吃 Tea。真係咪講笑，服務九流 ... 唔知點解 D 侍應揮極手都唔理個客 ... 連收錢都慢過人，等埋單既時間可以整幾次公仔麵 ... 不過呢間食肆既甜品又真係幾多款，算係唯一好處吧。

呢間食肆餐枱既擺放都好有問題。好多時都係兩張二人枱拍埋做四人枱，呢個無問題。二人枱當然就係一張二人枱，但係同另一張二人枱相隔不足三寸！兩枱素不相識既人就彷如坐係四人枱食飯，好撘枱 Feel 囉。。。都 OK 不自然的。

以上既問題其實都唔係第一次遇到，之前都幫襯過好多次，問題都仍然存在 ... 係貪方便同甜品多。話分兩頭，剛入座既時候隔離「撘枱」似的隔離一對內地人夫婦係度食 Tea，個女人成個八婆咁彈三彈四，又話 D 飯好難食、又話杯特飲好多冰，總之乜都彈一餐。心諗，呢 D 人都係去食一哥飽魚啦，或者大陸「無毒」食物，一個顯身份、一個夠愛國。呢 D 港式日本菜的確係唔岩佢地食，又無身份又唔愛國。

雖然我都有彈呢間食肆，不過只係事後，並非當時。個對內地人夫婦由我入座到佢地走個一刻都係度大聲咁彈間食肆，真係好煩。講真，係咁不滿咪即刻比錢走囉。話難食佢兩個人又食晒 D 食物喎，果然唔浪費。佢地一走，即刻清靜晒。講到尾，如果兩張二人枱唔係拍咁埋，我覺得我唔會咁「留意」他倆的言行，真係 O 晒咀！



4. 今晚弄好的 Poster ↓



呢張 Poster 暗藏玄機！睇下大家留唔留意到，哈哈。個 Design 都滿意既，不過好似爭緊 D 野 ...



2515，唔係「十分靚仔」，係「百分靚仔」。依家無左粒鈕，得返「九十九分靚仔」咋 ... That’s All.