2323，今日好幾件事都要收收埋埋唔講得，想知就要引導我講。

1. 第一件事係瘀事 ... 真係唔好提。點解會咁呢？原來我係「鱷魚頭老襯底」！真係諗都無諗過會咁。。。發覺唔對路個下既反應真係超 Gag，點解「白人變左黑人」既？！個阿嬸陰我！仲話 the holiday 喎，我信錯佢了 ...。試左人生中既第一次 ... 少少樣衰啦。

話分兩頭，係海港城既麥當勞，竟然有呢個好像真既漢堡神偷 ↓



真係賊眉賊眼，好樣衰！

人地著晒大褸，我就薄薄既長袖 Tee ... 稍經波折，總算配返件褸個粒「Pak鈕」，係佐敦配的，只需 $10。真係估唔到，原來佢係「扮豬食老虎」！失覺失覺。我就「鱷魚頭老襯底」 ...

今日都行左好多路、撘左好多次地鐵，腰酸骨痛 ... 佐敦 → 尖沙咀 → 佐敦 → 深水埗 → 旺角 → 油麻地 → 灣仔 → 銅鑼灣。係旺角地鐵站出錯 Exit，兜左勁耐先可以「重新定位」，真係 OMG。頭 3 站係配鈕、其餘就為左搵隻 Game，就係之前講過個隻 Rabbits。之前 $410 無買，話人地炒得貴，點知依家 $420 就比錢買囉 ... 唉，我犯賤！個日買左佢咪算，搞左咁鬼耐仲要貴 $10。不過隻 Game 真係幾搞鬼既。



2. 第二件事就同 Co 爺有關，佢無啦啦做左我既「線眼」。睇完之後竟然打電話話我知，真係笑死。KFC 之役，我變左曾伯，佢變左三姑六婆。真係唔講都唔知佢成個「八婆」咁 ... 不過我都好 Appreciate 佢呢個 Move 既。



3. 第三件事就同 +hung 有關，晚上同佢閒談一番，終於認清佢呢個人了，原來佢先係收收埋埋！真係笑到碌地，佢聲稱「我要求好低je」。為左令我記得呢件事，呢個 Message 真係好重要 ↓





2426，成個禮拜日日都出街，聽日點都要係屋企坐下。That’s All.