2200，話咁快就已經春天了 ... 冬天凍得個一陣就完 ... OMG。

1. 今天只係上一堂，Nothing Special。其實都唔係既，又係每學期一度既分 Group 問題。真係煩到死，咁煩既野當然要記一記啦。不過依家 D 同學睇完之後實會「黑面」，都唔理得咁多了。

問題既原因係某個之前 Group 開既同學 (A) 唔再同「我地」一 Group，咁就引致「我地」個 Group 唔夠人。咁同學 A 「跳槽」原因好簡單，同返同一個 Grade 既同學齊齊爆 A，係為「好成積」撒種。呢個 Case 似曾相識吧？之但係「人各有志」，我都唔可以介懷 D 乜野，係 Feeling Bad 吧。

咁唔夠人唧，但都唔想有毒瘤加入。心目中既毒瘤有三，毒既原因係「潛水」，還有「唔岩 Channel」。真係好搞笑，三毒瘤之間都唔想同對方同一 Group。商討一論，都係唔夠人，只得 5 個人，Suppose係 6-8 個一 Group。哈，做得毒瘤當然唔蠢啦，List 中有兩個好醒地同以爆 A 為目的既同學一 Group，亦即係之前提及的同學 A 那一 Group。

總括來說，同學 A 那一 Group 應該是 3 個爆 A、1 個正常、3 個毒瘤。咁樣計法，其實那一 Group都未必係「屈機」組合，太多毒瘤了。同學 A 的「如意算盤」也許打不響了。我並不是甚麼正人君子，我會暗暗埋怨，我都唔希望人家會有好結果。我唯一可以做既就係 Pray for Us ... ，是好是壞看看祂甚安排。

List 中餘下的那個毒瘤也去了另一 Group。依家個 Group 無毒瘤，已經 Thank God 了。我唔覺得依家呢 Group 人腳有甚麼不足，夠晒能力去做好份 Group Project。只係人數上真係少了一點，不過個個都落力做應該可以彌補不足吧。

唔知咁講會唔會有點刻薄，我深信「我揀人時，人揀我」。但反正都係互相選擇，點解自己唔選擇埋一份呢？咁講好似有違「身份」，但真係唔想後悔。



2. 上完堂同同學吃 Tea，試左老麥個個「咖哩豬扒飽」，真係難食到嘔，大家千期唔好中招！之後去黃金行下，今日買左 Classic Controller + 5000 Wii pts。返到屋企即刻用 600 pts Download 左 PC-Engine 既 Bomberman ↓



呢隻 Game 雖舊，但真係好好玩！遲下 Download 埋 N64 既 Mario 先得！



3. 碎點 ↓

．是日金句「一個真心既憤怒啤 ($2) 係貴過一個虛假既笑容 ($0)」

．係「重有」而唔係「仲有」。有人成日「寫錯」字，因為成日比我屈佢話寫錯，其實係我錯 ...

．網上中文字典較少，有都只有國語音標。這個網上字典有粵語音標呢 → [ 搜文解字 ]



2315，明天朝九晚六，同返 Office 工一樣 ... That's All.