1213 @ Feb12，遲兩日先補 Diary，都少見吧。

禮拜五晚老媽子決定砌過部新電腦比細佬，咁禮拜五晚溜夜諗好個 Config，禮拜六晏晝就出機。約左 +hung 係電腦城買，因為我想買塊有 Onboard Display 既 MotherBoard，都搵左好耐下，間間都無貨。粒 E6300 又係，幾間買開既鋪頭都無，真令人氣憤。如果唔係無貨，我都唔會去 D 未幫襯過既鋪頭買，而且我既短暫記憶真係幾短暫，所以唔記得邊間鋪平邊間會貴，+hung 話又無留意。結論係總共買貴左幾十蚊 ...

問親 +hung 佢都話「是但你囉」，無乜比意見。所以同獨個兒去都無乜分別，都有既，有個人幫手拎下野咁。可惜肥仔失踪多時，唔係就會約肥仔去吧。

還有就係買 Case 既時候，我唔明 D Case 點會唔分界唔界手、點會唔分易唔易打理，擺到明係 Sales 同 +hung 呢 D 人唔夠細心囉。依家我個 Case 就係難打理，D 塵入晒去透明膠與機廂之間既空隙囉，幾樣衰。其實有幾間鋪頭某 D 款既 Case 平得黎個樣又 OK，但係我唔鍾意個 Sales 聽到我問界唔界手、易唔易打理之後態度係有點恥笑。我唔介意比多十零廿蚊，但係我好介意人 / 服務態度差囉。

最後買左個成千銀既 2.1 Speakers，我都覺得正！就係呢款 ↓



打的回家，如果係肥仔 / Co 爺，佢地會陪我撘巴士既，但係 +hung 就唔會了。咁回家清理舊 Case，裝新 Case。果然一分錢一分貨，貪平買個平 Case，發覺個 Case 既位下下差半吋。還是係塊版闊左呢？總算無乜大問題啦，但係發覺原來火牛個格式轉左囉，隻舊牛用唔到 ... 個陣已經夜晚七點幾，咁反正都係，再落多次灣仔買火牛，今次幫襯返買開既鋪頭，感覺特別爽！

再回家砌埋部機，開得著之後就沖涼吃飯，個陣差唔多十一點 ... 發覺原來隻 WinXP SP2 認唔到 SATA Harddisk，要插返個 Floppy 裝返個 Driver 先得。但係部新機扔走了 Floppy ... 咁個晚都做唔到乜野。問 +hung 佢有無遇過相同問題，佢話無，佢話我隻 XP 碟廢。OKOK，佢話第二日 Send 比我。

如是者，整天也做不到 Assignment ... 儘管成篇文都彈 +hung，但都好感激佢陪我出去買野既。



1248 @ Feb12，好，到另一日。That’s All.