1035 @ Feb17，精彩的盡在禮拜四晚。

上回講到睏覺，咁開頭都 OK 既。但係去到大約 5 點既時候，隻大狗同營地附近既狗打交 ... 鬥兇。聽狗吠聲應該係幾隻狗圍住個隻大狗，係營週邊跑跑跳跳、跌跌碰碰咁啦。其實隻大狗都算係咁啦，好似看門狗咁看住個營地，可惜，佢係大狗。細狗我會 OK D 既。

成晚都係吠聲、風聲，勁似 Jurasic Park，加上我又醒睏，點會睏得到呢。呢樣都未算，咁我就睏係左二。咁有個怕狗既同學睏係最左面，當有狗經過個營既時候，佢就向右移一移，咁就迫埋黎。而且營紮左係比較斜既地方，右邊個位同學就碌過來，又迫埋黎。本來我可以仰睡、雙手放係身旁，之後雙手就要放上身上，最後係要側睡 ...

所謂「睏」到六點鬆、天光既時候，都睏唔到了，無位睏。咁就起身了，另外有位同學又係睏唔著，咁又起埋身。其後又有一兩位同學起身，咁刷牙、去廁所、洗面、Fing 下手腳。之後領隊既露慣營既同學起身煮早餐，我就返入營小睡片刻，真係得片刻。咁又起身食早餐 ...

食完之後，漁農處就黎「捉狗」，其實係送隻狗走。隻狗係咁樣 ↓



其實大狗都唔怕，至怕係核突、污糟！！E ... 隻狗好多口水 ... 我接受不了。反而呢 D 貌似乾淨既狗仔我好 OK 的 ↓



隻狗送走左之後，另一位怕狗的同學復活了，很精神。之後又玩下 Card Game、Hea 下，夜晚睏得好既同學就出左去幫手煮午餐，睏得唔好既同學再睏過。今次幾好，可以小睡片刻。起身食野，拆營收營。我地既營就係咁 ↓



最左邊既營就睏左 7 個人、其他個兩個就一個人。呢幅就係部份同學既裝備 ↓



其實我既裝備都非常輕便，Full Gear 既同學真係好多野的！之後地鐵巴士回家，感到身心俱疲。無其他野可以做，只有睏覺。

小結：其實都 OK 既，有狗唔緊要，有隻好跟人既大狗就好緊要 ... 如果講多 D 是非會更好。



1105 @ Feb17，很好，出外打球。That’s All.