2519，本來都唔想打 Diary 住，但見到 Ram 兄既 Comment 就不得不回了。

1. 打粒 ★ 先。朝早好充實，短短兩個鐘做左好多野。Wii Sports 真係唔錯，的確係會令人上癮的！有人食得慢，差 D 搞到遲到。銅鑼灣撘地鐵到柴灣，原來只需 20 分鐘！好快呀！

上 Database Tutorial 好充實，搞清楚了一些 Concept；之後上 CG Tutorial 好頹廢，上左 7 個 Weeks 都重係一頭問號，Lecture 差時 Tutorial 都差，認真一絕！上唔夠半堂就去食吉吉 Tea，Good。之後去 Marathon 買襪，用晒 D Cash Dollars，有 $44。變左 $56 買 4 對襪，好抵！轉輾返去 City 又再去 PageONE 睇書，最後返去上日文。

日文既 Mid-Term 很差，差得很。這就是無好好溫習的結果吧。總有藉口既，個排趕緊 2 份 Assignment，個日又返朝早九半，但係夜晚七點先 Test，係唔夠精神既。還有 Final Test 同 Project，要傾盡全力先有轉機。

上完堂就同同學去「嘉豪」打邊爐，即係華富個間。咁當然唔係去華富啦，去左長沙灣附近個間。形式一樣，以量來說的話都係「平得有水準」既。吹下水淥下野咁，最後 12 點先離開。回到家竟然肚餓！？其實邊爐其間都食左好多野。點解會咁！？



2. 唔係話串咀，但的確係同阿 Ram 兄講。話說佢話尋日 Post 既 Back Box Design 吸引唔到佢買，咁我想問點先吸引到佢買呢？以下就係實實在在既 Back Box Design ↓



六款有無一款吸引到 Ram 兄買呢？呢度無一款個盒底吸引我去買，但係都買左返黎。好多時個盒底唔靚就真係絕對。如果隻 Game 既 Marketing 做得好 / 隻 Game 係好 Game，懶理盒底吸唔吸引，你都會乖乖咁俾錢買。講真，你有幾可睇盒底吸唔吸引去決定買隻 Game。就算盒底係吸引，但係香港買 Game 既模式中，你有機會欣賞個盒底時已經係買左返屋企既時候，所以都係廢話。再講，我真係唔信阿 Ram 兄睇盒底就決定玩隻 Game。

還有就是本身我所謂既 Game 全部都係虛構，何來有 Screen Capture，全部靠吹。咁又點會咁容易吸引人呢？Ram 兄有 D 吸引你既盒底，記住 Send 黎睇下，等我學下野。



2557，眼睏到無朋友，早抖。That’s All.