2309，繼續日記。

1. 點解呢期會每兩日先有新既日記呢？原因好簡單，通常我隔夜放晏，有時太夜就無精神打日記，咁通常第二日朝先得閒補返。今日一睏再睏到晏晝一點先起身，本來想睇《法網伊人》添，可惜太晏起身了。講起無記電視劇，我覺得《十月初五的月光》的確係好睇的。

晏晝都係將 D Files 過落 Notebook 燒 DVDR，期間就睇埋 Mar20 既《Asian Film Awards》。開頭重諗住有涼子上台頒獎添，點知係無既，空歡喜一場。整個頒獎典禮都以英文進行，咁有 D 得獎者唔係用英文講得獎感受，即時會有個翻譯員作即時翻譯。不過感覺有 D 怪，有時得獎者講完一句、翻譯就即刻講返一句，感覺唔得流暢吧 ... 不過都無其他更好既方法吧，現場直播做唔到字幕；如果現場用耳機聽翻譯，電視觀眾又唔知發生乜事。



2. 睇完 AFA 之後都下晝了，咁見到 Forum 有人講起有電視節目有涼子既訪問，咁即刻搵下網上重溫有無，結果係搵唔到 ... 有人話 Cable 有、又有人話 TVB 有，但係我都唔覺有 ... 係 Mar26 播的。大家睇過既話請話聲我知。

「無心插柳柳成蔭」。上網搵下涼子既訪問，但係竟然比我搵到佢係首映禮出席既相片，數量都 OK 多添，都咪話唔開心，看看 ↓



還有 Video ↓



真係非常好！！



2423，累了。我是一個惡人。That’s All.