2016 @ Apr 2，咁就四月了 ...

前言：今日約左同學去踩單車，天氣都不錯呀！之但係都唔順利的 ... 是日 Trigger 左 3 個 Event，笑到碌地。很好，慢慢講。

1. 大家約左朝早十點九 @ 火炭火車站等。香港仔隧道「雙塞」，一塞國際欖球賽、二塞拜祭，兩個加埋就係好塞 ... 其他同學唔係塞車就係遲出門口，Finally 十一點幾先差唔多齊人。齊人就去左附近既 McDonald’s 食 D 野，同同學 Share 左半份「至尊漢堡餐」。就係個個漢堡支撐了我整天的體力 ...

出車租車非常順利，不過踩踩下某同學 A 對另一位同學 B 說「比 D 力踩」。如是者，同學 B 便唔開心了，臉都黑埋！可惜 ... 踩過馬場後，說「比 D 力踩」既同學 A 炒車，炒埋同學 C 那輛車 ... 整件事情我是唯一一個目擊者。同學 C 突然係直路煞車，同學 A 又「高速攝車」，結果就炒埋一舊。同學 A 差唔多係飛出車，隻右手前臂肌肉扭傷了。正當大家諗緊方法處理那位同學既時候，咁岩有醫療輔助隊巡邏，如是者就處理左個兩位「傷者」了，我的同學 (部份) ↓



除左無奈 ... 都係無奈。難得天氣都 OK，但係竟然有意外。所以幾時話，切勿跟車太貼。平時都無乜留意呢個牌，原來真係有用的 ↓



結果大家都提 OK 早咁返火炭交車，期間停下吹下水咁啦。這就是 Event 1 了。



2. 三點幾到啦，係火炭禾輋個頭既某間士多食左串 $2 魚蛋，其他同學都係食左少少野。這就是我們的午餐 + 下午茶？還是剩下午茶？之後到沙田新城市廣場裡逛逛，到了某機鋪打機。傷了手的同學 A 竟然打機，不過佢玩跳舞機 ... ↓



OMG ... 所以話人體幾咁奧妙！但係呢個唔係 Event 2。



3. 由於踩唔成單車，成個下晝都無節目，但係夜晚就決定左打邊爐。咁就要搵節目攝時間，最後大家決定到住在豪宅既同學 B 家中坐下。同學 B 到房拎少少野，一個不留神就反鎖左自己間房 ... 唔緊要既，應該有 Key 既。之但係 ... 同學 B 話條 Key 放左係間房裡面。問過又無 Spare Key，咁大家見無野做就試下自己開鎖。

咁參考其他房門既鎖，但係反鎖埋個廁所門 ... 別無他法，唯有拆左廁所門把鎖，這就是經過 ↓



最後同心合力，開返廁所門把鎖，但係房門把鎖點都開唔到 ... 無辦法之後就圍埋一齊玩 Card Game。玩既期間又講返話間屋太大，一個人好恐怖。唔知點解又講起 D 恐怖片劇情，講完之後 ... 同學 B 是被嚇親的。真係咪講笑，我都淆淆地。這就是 Event 2 了。



4. Event 3 是接著 Event 2 的。話說大家由豪宅離開，咁有同學建議大家行落去深水埗，遠就唔係好遠既。其間行到一條陰深小路，眼利既我見到地上有好多曱甴，咁當然提提大家啦。點知 ... 兩位女同學非常害怕曱甴。咁都算了，總算行過了。但係其實係行錯路 ... 要沿路折返，LOL。

呢次就堅囉，曱甴路再加上先前大家又講 D 恐怖野，同學們有強烈既心理包袱。其實真係幾核突下，踩到就重核突。咁唔知點解突然有人尖叫、又突然又有人跑，結果就一行六個人跑了近百米短跑，笑到我牙骹都軟埋 ... 本來都唔驚，但係結果唔驚都嚇到驚 ... 我都唔知點解我要跑！其實膝頭都未好返 ... 跑完之後竟然右腳腳軟 ... So Funny！這就是 Event 3 了。

最後大家又到深水埗既嘉豪酒家打邊爐，傾下計吹下水咁就一天了。今次真係幾開心既，應該無人暗啞底唔開心吧。Good Good。



2307 @ Apr 02，還有另一天。That’s All.