2237，一個字：「攰」！

1. 今日發覺 ... 次次約同學返 City 做乜都好，我都會遲到，重要遲成個鐘個隻。我都覺得樣衰，遲出門口係其中一個原因，塞車又係另一個原因。估唔到今朝十點鐘隧道口都會塞車 ... 返到 City 睇左幾份 Notes 就去左食 Lunch，原來一個普通包餐我都係食唔晒喎。

食完抖左陣就行去石硤尾花園體育館打羽球，都係同同學打。這個體育館外表幾摩登，之不過入到去就發覺麻麻地，個地板唔得。打得幾開心，幾好幾好。不過呢 ... 左手有 D 軟軟地，應該係昨日拎完重野既關係，都唔明白點解返學都要拎咁多野！右手都有 D 軟軟地，似乎係晚日拖住 D 重野。哈哈，唔關事既，係禮拜二打完波之後未回得個氣來，肌肉疲勞而矣。

打完球吃個糖水就回家了，銅鑼灣又塞車，今次原因係爆水管 ... 係巴士上睏足全程，係咁「中」，撞到隔離位個學生哥，不過佢都睏著左 ... 依家都好眼睏。



2. 夜晚好多人搵我 ... 突然間個隻。所有事宜都安頓好晒，Good！Avril Lavigne 個 Concert ... 唔太建議人去，如果有睇過佢上次既 Concert 更加唔建議去。一來得 90 分鐘真係好似短左少少，二來今期佢 D 歌真係麻麻地，三來博覽館個場比起會展真係差到無朋友。所以呢，都係算啦。今隻 Album《The Best Damn Thing》同佢當年既《Let Go》同《Under My Skin》真係差好多呢 ...

話分兩頭，呢 Set 野買得過，不過已經係 06 年尾既產物 ↓





2343，聽日又打波，來吧，我的好伙伴。That’s All.