2313，明明係明，但係點解結果反映出係唔明呢？

古有勾踐臥薪嘗膽，家下我都要貼張圖警惕一下 ↓



總分 100 分，A1 : 10 分；A2, A3 : 15 分；B1, B2 : 30 分。Mean 係 5x 分，身邊既同學至少都五十幾分。得出咁既結果都唔出奇既，本身都係明 D唔明 D，再加上唔知點答，諗住寫字佢就要計數，諗住計數點知唔計都得，結果咪咁。唔識就係唔識，責無旁貸，與人無尤。

但係問題就黎，我覺得唔應該因為同學聲稱「唔識」、「好難」而改變個評分標準囉！結果變成寫乜野都有分，咁樣重仆街喎。反而調返轉，一樣係原本既標準，不過之後 Adjust 個 Passing Marks 重好。講真，低分唔係一個問題，但係由嚴謹變寬鬆，唔同 Rules 真係唔同玩法。如果改得咁 Hea，寫任可字佢都有位俾到分，咁不如限時抄 Notes 啦，抄得幾多就幾多分，不是更好嗎？What a Pity。依家係錯就錯，錯既無理由有分。錯都比分，同施捨有乜分別。我不要別人的施捨，而是給予一個自力更身的方法。

一個二個見份卷唔對路就以「我都無讀過乜乜物物喎！睇見都唔知答乜。」作藉口，不斷埋怨同埋怨。其實諗深一層，大學是否應當如此呢？我不知應該是怎樣，但係大學係社會既縮影，真係乜人都有。當係體驗多一樣野都無壞既。咁當然，GPA 狂瀉、自信心受創又另一件事啦。講到尾，我唔介意低分過人，但係好介意無啦啦人地突然高分咁多囉。就係咁小器！

話分兩頭，「唔識」係有程度上既分別。我既「唔識」都真係幾唔識，值 39 分。人地既「唔識」係有 7x、5x 分。又或者咁講，我能準確地認知自己既能力。再又或者咁講，我係誠實的人。再岔開話題，我十分欣賞某位同學當晚 Quiz 完之後說「我識晒喎！」，夠豪氣！

其實呢件係十分過氣既事，不過近期又有類似事件發生，我怕我這些不幸的人再次不幸。考試至怕份卷太淺，因為一有丁屎唔小心就仆到直一直；其次就係怕評分標準太鬆，變成「多寫多分」，不如騰文算吧。所以 ... 我對 Database 份卷係有意見，但係都無話太反感，起碼溫熟晒係唔會 Fail。如果呢科要 Retake，惟有安然接受神的安排吧。



今天回了 City 溫 Quiz 得 39 分既 Computer Graphics。無辦法，知恥近乎勇，鬼叫自己又無讀過 Pure Math、又唔夠強運吧。幸好，得到尖子 Gordon 無私既一對二既私人補習，今天溫書進度十分良好，不過阻住佢溫書。都係個句，無辦法，鬼叫我得 39 分，有 59 分既話都可能重 Hea 緊。



2356，明天繼續溫書。That’s All.