2213，好。Year 2 Sem B 完滿結束。

本來就諗住去九龍灣買材料既，不過晏左出門口所以都無去到。係尖沙咀搵味千，又打電話托人上網 Check，又逛左陣終於搵得返間味千！汗流浹背，熱到暈，熱到頭赤赤，疑似中暑。出門前都有備無患咁帶定 D 藥，萬一頭痛都有得止。見到有便利店都要買支水吹吹，唔係就真係暈倒街上了。最後 ... 係去左灣仔間味千食既 ... 今日既事宜就完結了。

咁今日就係 Sem B 出 GPA 既日子，其實都無乜驚喜既，All Pass。日文個 Grade 比之前幾個 Phase 退步正常既，今個 Sem 真係學得麻麻地，上堂 Hea 功課又 Hea，預左既。寄望 Summer Term 跟返個識教既 Instructor 能夠有改善啦。CM 既科一如以往，都係咁上下 Grade，不過做唔岩 Instructor 口味通常都踏左半隻腳入低 Grade。CM 有一科差 0.5 分就 A-，飲恨。CS 既科都係預料之內，雖然之前講到 3 科都有機 Fail，其實都好難 Fail 既。不過 Computer Graphics 就成為我係 City 咁耐以來最低 Grade 既一科，算啦，鬼叫先天不足咩。

回顧呢個學期，我給予最高評價既科係 Narr. Tech. ，唔係話學既野有用，不過 Instructor 比到我一個「大學」該有既學習氣氛。上堂 D Exercise 雖然無謂，但就好有「學術 Feel」。令我最欣賞既係呢科 Instructor 對 Attendance 好認真，係遲到就計遲到，唔會遲到都當準時返到。雖然 D 分都好主觀，但起碼呢個 Instructor 評分透明度已經較高 (以 CM 科來說) ，亦實屬難得！

CS 既科其實只係「優勝劣敗」，條氣都順既，除左 Computer Graphics 個 Instructor 係 Quiz 錯都照比分呢種評分標準令人氣憤之外，其實都無乜問題。最低評價既係 Game Design 個科，零個學到野之外，評分標準透明度低，改 Assignment 又求其，總之就 Bad Bad Bad！比 Grade 至重要「貨真價實」，我個分係值乜野 Grade 就比乜野 Grade，我至憎個 D Instructor 話「已經比高左 Grade 架喇」之類既說話。我唔洗人施捨囉 ... 低 Grade 咪低 Grade，Retake 咪 Retake，No Big Deal。

呢個 Sem 既回顧還有下一部份，人物篇。明天打。



2308，今日終於唔係攰住咁完。That’s All.