2155 @ Jun 27，後補後補 ...

以下兩件事同 Co 爺有關，呢個人真係好有趣 ↓

1. Co 爺今日 (Jun 26, Tue) 考英文 Oral，咁佢要上堂，因阿 Sir 既關係令到好多人都知道佢考 Oral。咁佢預早左去試場，一切無常。但係到點名既時候，個 Staff 無叫到佢個學生編號，咁佢就出左去同個 Staff Check 返。件事就咁發生了 ...

個 Staff Check 過張 List 係無佢個名，但係 Check 過試場編號又岩喎。個 Staff 揭來揭去，都無乜頭緒。叮一聲！個 Staff 發現原來 Co 爺係 Jun 27, Wed 考，個 Staff 用佢低沉既聲線話「你黎早左一日喎」，Co 爺頗鎮靜咁話「係啊」，咁佢就行返去後排拎返個袋走。Waiting Room 裡既考生都暗暗地恥笑，連個間學校既校工見到 Co 爺離開既時候話「嗯，去錯試場啊？」黎潤潤佢。

唉 ... 聽就聽得多，估唔到我身邊都有 D 咁既人 ... 除左恥笑之外，都係恥笑。我都覺得奇怪，佢話四點半考，但係四點幾就打俾我話佢已經考完。佢考 Oral 呢件事好多人都知，好在佢 27 號放早咋，唔係陣間又要同阿 Sir 講「我又考 Oral」啦。算係咁啦，係早左日去，萬一遲一日就陰公啦。



2. 夜晚與 Co 爺和陳老師吃晚飯過後，和 Co 爺好浪漫咁撘天星小輪返過黎中環，撘小巴回家。此時，佢 Kai 既基因又發作！咁我同佢坐係最尾個排，咁唔知點解講講下講左《頭 D》。佢就係架車裡面扮司機 ... 佢既動作同咀臉真係好正，至堅就係「棍波」個動作都扮得好似，佢係 Feel 到個車速再做，係有板有眼。還有拉「手掣」個 Geek 一聲都幾像真，連司機聽到乘客叫落車個舉手手勢都做埋。真係幾 Pro 架，不過笑到好大聲，其他乘客都望左幾眼。

呢個人真係幾 Funny 既，見到佢真係點都會笑得出。



2245 @ Jun 27，又到另一日。That’s All.