2426，都好少咁夜先打日記吧。

1. 哈哈哈，《機戰 OGS》↓



幅圖係特登 Post 比 Wilson 睇既。玩左 OG1 頭兩話，感覺良好。



2. 今日晏晝一伙人賀 Ram 兄牛一，去左飲茶。佢聽日放 AL，都咪話唔正，係「喜上加喜」還是「悲喜交集」呢？我唔八卦既 ...

回家做埋 D 日文 Assignment，今次 D 問題易左做得快左，Very Good！之後返 City 傾左陣 FYP 順勢拎埋簽名，「敦厚」就係敦厚，應該無揀錯人。再之後聽 CCIV 講座，比預期中好好多。之後就同同學去女人街兩旁既食肆吃晚飯。今日先知原來我係咁抗拒個類食肆。

首先唔係話個類食肆係低級定其他野，都唔係話自己好上等，不過就係食唔慣，係錯配！我喜歡既食肆一定要環境舒適，即係唔會太嘈、傾到計、衛生、服務合理、坐得舒服、唔會有人係身邊行來行去。我注重食肆既裝潢、氣氛多過食物本身。我珍惜同朋友相聚聊天既機會，所以我通常都會去 D 唔會趕客走 / 迫住你走既食肆，除非只係為左充飢啦。由於朋友聚會唔係時時有，所以都唔介意花多少少錢係同朋友聚餐上，價錢唔係唯一一個考慮因素，至緊要岩 Feel。反而自己一個食就無乜所謂，是但大家樂、麥記都 OK。

之前都有人講過話我比人影響得很厲害，皆因我之前一定唔會去那些小本經營既店鋪。到今日，我先知原來自己係咁唔鍾意呢類食肆。除左迫之外，通常都好嘈 ... 陰公，原來我怕嘈，D 野食幾好食都無心機食。也許是「家族遺傳」，屋企人都好少甚至唔去呢類食肆食，唔係話個 D 食肆差，不過係唔慣同唔岩食。

有時自己都覺得自己麻煩，從另一個角度去諗，係對身邊既人與事敏感吧。



2520，又係時候去睏。That’s All.