2048 @ Jul 08，後補。

今朝去游水，曬到媽媽聲。黃竹坑泳池門口既設計認真一絕，牆身、地下、天花都用上淺色，近乎白色。陽光猛烈，泳池門口就好似個焗爐咁焗住，陽光又耀眼，真係呢 ... 呢樣都唔緊要，重點係我焗左 15 mins，有人遲到！應該天氣熱，加上我燥底，所以都真係幾嬲下。不過後來游左一陣水 Cool Down 完之後就無事了，和好如初。

之後去左「珊瑚佬」食 Lunch，之前聽過朋友既 Comment 都話呢間野唔係好掂。今日終於試過，比想像中 OK 啦。本來想食鐵板餐，不過見好似無乜人 Order 鐵板餐，所以都唔敢試了。之後係香港仔行左陣就回家去了。

回家後打左陣《機戰》，之後就回 Church 去睇聖杰「堅信」，一切感覺良好。完了之後，同了小章章賀林老師牛一。香港仔週末時間，邊間食肆唔洗等位既話看來都要執架喇。估唔到「王家沙」都咁多人喎，不過都係碎料黎，再誇張 D 都有。一切感覺良好。但係 ... 分道揚鑣之後，等小巴既時候見到有清潔工人清理垃圾，OMG，見到近十隻小強係垃圾堆附近，真係核突到嘔飯。諗起都心寒 ...

食飯時間有 D 事心掛掛，但係又醒唔起乜野事。返到屋企終於醒起，原來今晚十點半 ATV 播《蠟筆小新》。



2113 @ Jul 08，今日收到禮物，Goodest。That’s All.