2345，噫，好攰喎！

這個呢，調堂方面個 Instructor 口頭話 OK 左，呢幾日應該都會去 City 走一轉交 Form。依家距離個 Perfect Schedule 仲有 50%！Wed 1200 - 決戰 Wed Add Drop！

Good！作為我既朋友，點都應該見過我黑面既。無見過又點算得上我既朋友呢！咁呢 ... 今日打波個陣小章章終於有機會見我黑面了。事原係有位唔知乜人 (就叫「匿名」吧) 剛剛到球場，咁 D 波友識得佢，熱情既波友就叫佢打兩板。Well，其實我都無乜所謂既。之但係今次有 5 個人打，咁就計分輪住打雙打。計得分就當然會打例啦，之但係匿名入到場就無啦啦唔打例，隨意咁打。Well，都唔係太緊要既，仲算 OK 既。再之但係匿名打得非常之 Hea，走多兩步都唔願。又再剛剛我既 Partner 打得比較弱，面色當然無咁好啦。

其實又未至於嬲既，只係覺得無 Mood，咁咪無表情。對面 Hea 打，自己 Partner 又連番失誤，點會有 Mood 呢。Hea 打都唔緊要，硬係唔知點解個波就係個短短幾分鐘內打爛左，新左都唔夠十分鐘，真係 WTF。仲有就係因為係輪住打，理論上計分打就最公平，咁匿名踩場又唔計分，對輪住打個兩個好似好唔 Fair 唧。至慘就係匿名唔自願走既話，好難開口叫佢走架嘛。

最後，「觀人於微」既小章章見勢色唔對，作出相對既解決方法。咁其實都唔算係甚麼大事既，Book 場既目的就係唔想有人無啦啦「跟隊」、「挑機」嘛。可惜既係匿名入場打同「挑機」都差無幾。其實自己都唔好意思，打波係尋歡樂、求開心嘛。依家搞到熱情既波友覺得唔好意思，真係 Sorry。

話分兩頭，今日 5 丁人裡面其中有一個係打得比較弱。其實又無乜野既，之但係如果大家水平唔同既話打波可能打得無咁盡慶。「就」住打又谷住谷住，「唔就」既話打唔夠兩板又重新開波，無咁好啦。又唔係歧視打得比較弱既人，其實我都好樂意同唔同既人打波，打多幾次就掂架啦。好多年前我都比人笑過，真係笑，唔係講笑。如果未打慣波既人，我覺得打多 D 單打會比較好，唔似雙打咁有顧慮。不過好遺憾，有得揀我應該唔會再同那位人打。唔知點解，我覺得悶。

咁我都唔係打得叻，有極大量既進步空間，要靠各位波友幫手練下波。先後見到 Co 爺同小章章等打羽毛球打上癮。兩個都係打左兩個 Weeks 就上癮，真係值得高興既。其實佢地真係唔「屎波」，都有返咁上下，打多 D 累積下經驗就夠了。

如果開學之後都可以 Keep 住打既話就好了 ... 可惜 City 無 Friend 打波，+hung、肥仔呢 D 又難約。禮拜六打又貴 ... 閒日半價真係抵好多！寄望明才之友放學得閒打波會約下我啦。如果有人陪打，禮拜六都無所謂。$30 兩個鐘都接受既。我想打多 D，因為我爛打。



2446，又係時候睡覺。That’s All.

2325，Nothing Special。

咁呢 ... 呢幾日打左咁多字今日唔想再打了。咪講笑，真係好攰。大家睇下呢隻雄性熊，比女人浴識得「懊惱」，真係好搞笑 ↓



唔知係記性差定係精神疲乏，唔記得左 D 野，係一 D 好有意思既野。諗唔返添 ...

2343，疲．倦。That’s All.

2231，Well，今日乜都無做過，之但係都好攰。

1. 今日既進度便是這樣，只有縮圖 ↓



個 Feel 都唔錯，我既 Idea 就係咁多格只有一格係深色 D，例如最新既一個 Post。睇下可唔可以用 XML 寫下，得既話可以玩下 AJAX、RSS。哎吔，理論上我識 XML 架，衰又衰在上個 Sem Internet Programming 無聽書。。。唔緊要，自己學！



2. 繼續「BT 討論」，窮人就係窮人，無權又無勢。心諗「大雞唔食細米」，家下電影業界咁做同搶有乜分別？拍套戲可能只係 100 萬，家下差唔多無本咁寄 42 封值 $23400 既信，全數收回就 ~$100 萬。話分兩頭，民間組織竟獲准向 ISP 拎客戶資料！？法庭又批喎，難道窮人就是這麼無私隱？

普通法最基本既精神係一日法庭未判有罪之前，那些「疑犯」一日都無罪。依家電影業界咁樣做，即是已經假設他們已「犯罪」，還私下判刑 (兩萬三千四百) ，你唔繳款就再嚇你話要你賠十萬。那麼公理何在？真的是「法律面前，窮人含 __」嗎？

問題重點係非法下載並非十惡不赦，錯極都只係「民事」。但電影業界就用佢地獨有既渲染力把非法下載包裝到天地不容。但業界又有時會係抄人橋段、偷人 Idea。比觀眾踢爆抄襲又死撐話無抄，只係話純粹巧合。噢！這是甚麼世界？概念就偷得，無版權乎？咁同非法下載既人差唔多咋喎，講乜野尊重版權？賊喊捉賊。

坦白講，香港就是一個只講錢的城市。政府管邊邊樣就死邊樣，一味諗住用錢就可以解決一切。如果世界所有事可以用錢解決晒的話，那麼世界也許會美好 D。就算用錢能夠解決所有問題，之但係你又無咁多錢。教育係咁，醫療係咁，老人問題、社區問題都係咁。有時真係好無奈，香港經濟只靠地產、金融股市支持，難怪 D 商家佬氣焰係大 D。香港地，邊個夠惡、邊個有財有勢咪「公平」吧。你無錢呀？等下先啦，你有錢既話政府實極速立法幫住你！

前景灰唔灰？灰透 ...

2331，嘩 ... 人生目標唔係努力搵錢，但係要夢想成真無咁上下錢都無可能。

「夢」和「慾望」係有一定既關連，正所謂「日有所思，夜有所夢」。夢既內容家下仲記得下，等我再諗諗先。難道我真係有這樣的 Desire！？



1. 唔知大家有無睇到今日報紙呢？港聞版有報導關於電影業發律師信比 BT 三套香港電影既網民，咁網民就有一 D 既討論。假設大家收到信，咁你會點做呢？比兩萬幾當無事還是上法庭呢？有辣有唔辣，任君選擇。大家得閒討論一下都好。

係呢件事其實可以見到「法律面前，人人平等」，只不過有錢人更平等。「天地無正氣，美金是真理」呢句說話都有道理。家下擺到明就係洽你窮，洽你無權無勢。

有句講得仲正，「法律面前，窮人含 __」，含乜野自己諗啦。如果 BT 分享侵權物品係刑事既話，咁就 Fall on the Street 囉。香港政府都無乜用，應做既唔做，唔應做既就走去做，一味幫住 D 商家佬。我無講過話下載侵權物品係無錯，只不過家下打死狗講價。

個班電影業界人士早幾年話盜版光碟影響電影業，家下掃得七七八八，但係電影業都係無起色，又再賴 BT，一味係度賴。但係又唔反省下點解剩係港產片先影響得咁大呢，又唔見西片影響得咁大？外國既網上下載都好嚴重喎！外國有一調查指出一套電影每五次下載就會增加一次入場，係真定假就唔知。依家唔同幾十年前乜娛樂都無，出街就一定要睇戲，電影業唔係剩係同行自己競爭，係要同其他娛樂事業競爭。所以我對成龍大哥個句「做乜香港人都唔支持香港電影」十分反感，為甚麼不是電影業製作一 D 真係有 Heart 有 Passion 既電影比觀眾欣賞呢？好既例子係有架喎，《少林足球》呢 D 戲真係收得架喎。但依家你竟然賴無人去睇？

你求求其其整套爛片出黎想有好既票房？妄想！甚麼《情顛大聖》、《喜馬拉亞星》點睇都好有垃圾 Feel，剩係聽個名都爛定先。買碟都費事，無記播先會考慮下，連 Download 都浪費時間，又要不義。諗極都諗唔明，點解 D 戲一係就搵新人掛師、唔係既話就係一大堆影帝影后合作既大電影，比較少一些以新帶舊既電影？！前者唔收得唔出奇，後者唔收得最主要原因係「一味翻炒」。《無間道》第一集的確係喜出望外，第二三集都見佢跌晒 Volt 啦，理得你個 Casting 幾咁強。

細心留意一下，香港電影業來來去去都得個堆人，一有套戲收得就大量倒模複製，唔爛唔收手。香港電影業又點會有起色呢？有時懂得放手先係最聰明，社會一路進步，一路變，電影業都係時候改下了。



2. 晏晝去左打波，同左一 D 新波友打 → 璇璇、Dickson、仲有個 Form 3 既美男子，加埋新過黎既小章章。那個美男子真係幾美型喎，如果佢個膊再橫 D 再多 D Muscle 就仲正，家下都可以去做 Model 啦。呢 D 都唔係重點，重點係係文武雙全！難得難得！

不斷地打，一打再打，突然間覺得好豪，前後用左 3 個波黎打，咁就打走 $24。幸好各位夾翻波錢，感謝萬分。不過講開波，袋鼠質素比較參差，好在就買到好波，唔好彩都真係幾唔好彩。打完新個筒波之後試下轉用紅 Hi-Qua 先。

每個禮拜都打，打得多就一定有進步既。大家不斷的進步，自己卻停滯不前，硬係有 D 唔知點咁。有一堆低 Form 既學生送左塊新板比小章章，唔知有無人夾錢搵個教練過我呢 ... 我都凸一凸，原來小章章是那麼德高望重的！


另加兩個碎點 ↓

．璇璇打得好掂喎！仲夠力水，同佢搓幾板高遠球，搓到我手都軟。難得有個女仔打羽毛球打到有板有眼！非常期待下次再打過。

．我係大鄉里出城，我真係唔知原來利港萬寧執左幾年 ... 原來香港仔有杏花樓？！我都係今日先知。



3. 《更上一層樓》好好睇喎！睇到好多靚樓！係靚樓唔係靚妞。我既目標就係可以住係自己設計既屋，呢個目標好長遠，亦需要好多錢 ... 我比較鍾意開放式廚房、開放式浴室，無他既，一個人住唧。仲要有簡約但細緻既裝潢！未必一定要住豪宅，但家中設計一定講究，呵呵呵。



4. 今日先發覺原來我好多月前既 Diary 有張 C 琦姐既相，仲要係「兩 jit 色」 ↓





2443，好，今日整 Layout 既進度係「無進展」。That’s All.

2325，今日有突破性既進展！

1. 新版面繼續修訂，今晚就做到呢個階段，按圖放大 ↓



主要都係襯一襯 D Content，同埋個框再改左。個外框加完又減減完又加返，原因係要襯返 Content 裡面既相通常都比較 Sharp，如果無個外框的話，好似「Coo」唔實個 Content，有一種怪怪既感覺。

有時就係咁，多條邊少條邊帶出來既感覺可能差好遠。一改再改，改完又改，可能大家都唔到改左 D 乜。其實都係想整得自己岩 Feel，大家又覺得靚既版面。話晒都咁多人支持，點都唔可以整得馬馬虎虎！

今日有兩大得著，第一就係睇左一 D 基礎既 Color Theory，認識左一 D Color Scheme。之前係 Page ONE 都見過一 D 講 Color Scheme 既書。開頭覺得呢類書實際作用不大，不過原來知道一些基礎理論的話，那些書能夠給你新既 Idea！

另一個就唔算得上得著既，應該話係一 D 啟發。突然間想試下係新版到加個 RSS Function，大約就係訂報紙既理念咁。用 RSS Check 一下就可以知道有無新 Post，仲可以即時睇埋。咁有人會問咁同入黎個 Blog 睇 Post 有乜分別。最大既好處就係方便，當大家每日都睇不同既 Blog 既時候，總係要 Click 來 Click 去，用 RSS Reader 既話就唔咁煩，一睇就睇晒邊度有新野。



2. 繼續睇電視，有李詩韻 ↓



Woo ... 有「兩 jit 色」！幾 Sexy 喎！



3. 超出篇轉貼，好值得花時間睇一睇！

(轉)港女都是高質素

港女們經常說港男的質素太差，所以揀唔落手。但怎樣才叫高質素呢？除非能夠提出一個合格的標準，例如就收入而言要多少k以上才算合格，學歷要達到預科或大學程度等(儘管這是多麽的政治不正確)，否則的話就只能使用相對標準(拉curve)來劃分，也就是說不管港男的整體質素如何，由於他們之間總是會有差別的，所以必然會有人處於高中低質素的各個位置了。因此，批評某一群港男是「低質素」是毫無意義的，因為必然會有人充當這個位置的，港女的(相對)高低質素亦然。

在「理想」的「模型」下，高中低質素的男女會各自以「竹門對竹門，木門對木門」的方式配對起來，而實際上高質素的男性的選擇權要高一點，因為他們可以「向下兼容」中低質素的女性；因為在某些文化體系內，男女交往及相互瞭解的過程已被解讀為男性單方面討好女性的過程(當然不包括拉丁語系地區)，即使是高質素的男性亦深感吃力，所以唯有「向下兼容」減少皺紋。而基層男性一般都局限在同等質素的範圍內尋找配偶，他們在生活及工作環境能否遇上這些特定範圍的女性已是一個或然率問題，而且還不時受到高質素的男性「向下兼容」的威脅。

相信在世界各地的基層男性在求偶過程中都會遇到不同程度的困難，香港亦不會例外。問題是香港的基層男性在求偶過程中所遇到的困難或所付出的努力是否高於其他國家或地區的基層男性？引至有接近一半的港男北上娶妻(還未包括越南及印尼等熱門地區)，對基層男性而言香港可能只是一個工作的地方，而不是一個尋找拍拖及結婚的對象的地方。

在華人地區普遍存在女的要「上嫁」(marry up)男的要「下娶」(marry down)的傳統，所以香港的「向下兼容」現象較西方為多，再加上「港女問題」，對等地位的男女交往對港男而言是充滿太多不確定因素，這就更加強了港男「向下兼容」的趨勢及程度，而且這樣預留buffer，說不定能夠減少競爭者出現的可能性或至少把可能出現的競爭者的質素限制在「某一水平」。因此(相對)低質素的港女期望她的伴侶是(相對)中或高質素的港男並不是妄想，甚至可能是一個「合理期望」，而對基層男性的offer也就要慎之又慎了。

除了「向下兼容」的問題外，還有一個情況就是對港女質素評核的困難。女性對於男性質素的評核標準可能包括收入、學歷、見識、風度、專一及關心等等，雖然看似複雜，但就香港的實際需要來說，在評核的標準中收入一項仍是佔最高的加權比重的，所以不論是相對還是絕對標準，把港男分類成高中低質素是不在技術性困難的(儘管這是多麽的政治不正確)。但評核「現代」港女質素的標準就複雜得多，首先她們的收入或階級成份已不是評核她們的主要標準，外表及身材變得比以往重要(但又欠缺客觀指標)，但即使被世俗價值觀認為外表仍有「很大的改善空間」，又不得不考慮她的學歷及見識，其他如品德及年齡等也是重要的考慮因素。由於缺乏評核的重心，使女性要符合很多條件才有「資格」稱為「低質素」，也就是說很難將個別女性毫無爭議地評為「低質素」。既然如此，當然不會有港女願意在有爭議的情況下牐認自己是「低質素」的(畢竟疑點利益歸於被告)，而她們的求偶策略或對伴侶的要求也就不會以牐認自己是「低質素」的情況下去制定的。而港男則會較為接受現實，盡快因應自己的實際情況(高中低質素)制定出適用於自己的求偶策略(例如北上娶妻)。

這種考試居然沒有人考包尾的「錯覺」更得到一些「摩登」的價值觀予以加強，諸如「潮」、「IN」、「Hello Kitty」及「Kawaii」等。例如一個不美不醜，學歷一般，家境不見得富裕的港女，她一身涉穀打扮，對日本最新的潮流瞭如指掌，但不知道溫家寶是誰，外表及思想都十分「Kawaii」及「Hello Kitty」，她到底是高質素還是低質素呢？的確，這些手段及概念並不能把一個本身是(相對)低質素的港女變成(相對)高質素的港女，但卻能使某些女性回避了一些對她們不利的評核準則，取而代之以是否「IN」、是否「潮」及是否「Kawaii」等，很明顯，要達到這些(由日本商人制定的)指標要比改變自己的生物特徵及學歷成績容易得多，而且成效立竿見影。至於這是否符合這些年輕的支那女性的長遠利益則不在日本人考慮之列。女性的這些特徵對男性而言其實是沒有用處，對建立家庭或生兒育女亦沒有起到任何作用，又不見得對她們的個性發展有絲毫幫助；但男性卻需要為這些「虛」的條件付出「實」的代價，交往成本因而提高(你總不能對這些「Hello Kitty」所作的努力視若無睹吧)，唯有將這些成本浪費在証明自己及對方均是潮人達人的過程之中，無法為男女雙方的幸福及未來提供任何實質幫助，最終變成日本自衛隊的軍費。除了金錢的成本外，還有一些無厘頭的成本，例如花時間去睇日劇來累積話題等。這就對一些基層男性與異性交往時增加各種毫無意義的障礙。

使用這些「異化」的標準來使自己免於被一些不利於自己的「主流」價值觀的判斷並不是女性的專利，有時男性亦有可乘之機，例如在一個群體活動中，個別男性如果帶部單鏡反光相機出來(最好配備腳架及數個鏡頭)為大眾服務，「機佬」的形象會給他形成一個保護罩，使人們在短時間內「忘記」用一般對男性要求放在他身上(例如外表、學歷以及有沒有掃把佬等)，亦不存在高或低質素的問題，因為無法定位。但可供港男利用「異化」標準始終有限，畢竟他們是不會因為一身板仔 look或一個爆炸頭就能使「Hello Kitty」忘記了對他們其他的「重要條件」作出評核。

就這樣一個奇怪的邏輯出來了，不管是用絕對還是相對的標準，香港都是沒有「低質素」港女的！但「低質素」的港男卻有一大堆！因此根本就沒有(相對)「低質素」港女去與(相對)「低質素」港男一起「竹門對竹門」。有人說這是一個港女「有價無市」的情況，這種看法主要是從人口數字上的女多男少及有一半港男北上娶妻而得出的，但要知道所謂的「港女問題」並不是發生在所有港女身上，而是主要集中在年輕的一群，其實她們的「市價」是有足夠數目的男性來支撐的，因為所有年齡層的男性都傾向於追求一個很狹窄的年齡層的女性(年輕的一群)，而每個男性又不一定只追求一個女性，所以從「賬面上」來說這些年輕的港女都可能有幾個觀音兵供其候選。至於最終有沒有足夠數目的男性去與她們結婚，則並非她們需要改變自己的生活作風及待人態度的重要因素，因為她們的「價值」正正是建基於她們是未婚的，由於港人普遍遲婚，這些「賬面上」的價值將持續一段頗長時間直到爆破為止。這一部份「串得起」的年輕港女居然代表了整體港女的形象，結果就是她們請客，中女付鈔；不少港男敬港女而遠之。

本港的婚姻市場無法自行運作，必須倚賴其他地區配合，造成大量港元流向境外地區，並衍生很多社會問題，特區政權束手無策；而這一類無法「擺上枱」講的問題，又的確不是我們這種「獨裁無膽，民主無量」的政體所能處理的，例如提供房屋或稅務優惠去為港男港女結婚製造誘因通通不適合本港的政治氣候，全世界恐怕只有胆敢鼓勵大學生相睇的新加坡政府能夠處理這一類棘手問題。


好一個「向下兼容」！仲有篇討論關於這篇文章 → GA Forum。究竟係售價貴還是顧客窮，就看大家點睇了。「三鬆」... 笑左添。



2405，Upgrade 左個 Miranda IM，非常好！今次用左 Unicode，終於睇到日文了！不過 Message History 樣衰左！可惡！That’s All.

---
1335，諗左好耐，對 Ver. 5 都係覺得麻麻地，個 Color Scheme 普通得很普通，還有一種說不出的古怪 ... 另外剛剛見到呢個 Color Scheme 幾靚 ↓



呢個 Tone 比較少見，撘出黎有多少高貴既感覺呢！噫 ... 仲係諗唔到 ...