0759，承蒙各位厚愛，我病倒了。今日唔係又遲到嘛。。。又要同時間搏鬥！

2026，唉。。。無野好講，零體力。隻左耳有少少痛，唔係感冒菌入耳嘛。。。今日本來想係 Godiva 買 D 朱古力，但係多人到嘔。。。唯有聽日先買了。

1. 《攻殼機動隊》真係好值得睇！SAC 2nd GIG 既片頭又係好正，好震憾啊！



















草薙素子真係超型！學野喇，呢 D 就真係型喇！



2. 家下睇緊《What’s That About》，今集講 Sleeping，超正！我諗身邊大部份人都無「失眠」既問題，但係我就有多少「失眠」既問題，原因有好多，例如飲左咖啡 / 茶、睏左晏覺、煩惱等等。都無乜解決方法，飲暖牛奶同食火雞肉係有效的，可惜屋企只有凍牛奶。另外飲花茶亦都有效，當年 Miss Lee 推介過飲 Camomile Tea (甘菊茶) ，都有用架喎。

另期其實都好睏得，因為實在太攰。。。可惜睏唔夠，依家病埋，真係該煨。。。另外今日仲講左男人起床發覺勃起了既原因係夜晚發左夢，呢個真係唔講唔知。唔怪得之個種叫「夢遺」啦，發夢漏緊 D 野，原來咁有根據。


2140，今晚早極都要睇完 CSI 先睏。。。That’s All.

1448，激死我了！！只係差 30mins，個份華富村既補習消失左。。。

2117，真係激到我彈起。。。個舊 Server 又死。。。

《攻殼機動隊 SAC 2nd GIG》↓



少佐真係好型呢！

今日係咁多了，攰到乜都唔想做。今日又遲到囉。。。真係激死。

2143，我 ICQ 收唔到 Message。。。真係黑仔。

2209，搞餐飽原來係個 Miranda ICQ Protocol 要 Update。。。依家搬 Server 先！

2344，唔夠睏。。。似病病地。。。正所謂上屋搬下屋，唔見一蘿穀。家下仲係 Upload 緊野去新 Server。。。不過都要睏了。That’ s All.

1257，剛剛起身，一起身就好似好忙咁。。。仲要勁攰。睏左十幾粒鐘，睏到勁都「奶」埋。好多野要做但係又未做，說時遲那時快就要出門開心一下。轉 Server 計劃順利開始，希望一切順順利利。

2226，哈，我沒有少爺的身家，我可是有少爺的脾氣呢！

1. 話說呢期有好多要花錢既計劃，要開源節流。節流就難 D 架喇，唯有開源啦。所以呢期都好熱衷咁搵補習，搵既途中醒起一件事，係社區中心負責人聽翻黎。佢聽某補習老師話 1930-2100 呢段時間對大學生來說比較難就。咁當時都唔為意既，今日一睇之下發覺原來個段時間係私人補習時間既黃金時間！？乜唔係五點幾六點咩？

如果真係「全職」補習既話，話唔定要走堂。但係無辦法啦，搵錢至上！！如果真係咁，我個「100% Attendance」既齋砵就會打爛，一爛開就會喪走堂，哈。。。都唔知笑乜鬼，呢件絕對唔係一件好事黎！依家先覺得個兩日天地堂係咁有用，用黎拍片、睇片一流，如果唔係都唔知仲有乜時間去做。

那位社區中心負責人話英文中學既學生比中文中學既學生主動性較強，依家係小組補中文中學學生，佢就話明唔洗對班學生咁大期望，唔係就只會令到自己壓力大。又想講翻就係英文中學唔係好過中文中學，只係好既學生通常會揀英文中學。。。

原來我俾人既印象，特別係第一個印象係一個「淋善」。呵，唔會比 D 學生蝦嘛，好瘀架嘛。



2. 大家又認唔認得呢度係邊度黎呢？



哈，無錯，又係 Pokka Cafe。。。今日個 Tea Set 轉左 ↓





Menu 有個珍寶多士，係成舊麵面上。。。勁大舊，盛惠 ~$70。今日諗落其實 Pokka Cafe 都幾貴下，食個 Tea 都要三舊幾水。除左兩個 Tea Set 之外仲叫左個一口牛肉 (無計，真係太好食) 、仲有個意粉。

今天就係和以下兩位朋友共聚用餐 ↓



尋晚阿欣先提起話我地識左十年，今日更正翻係八年，由 Form 2 個陣識。咁同阿欣熟就無他既，話晒之前都係拍拖咁多年。儘管依家分開左，咁佢都係最瞭解我個個人 (呢期無啦啦殺出一個 Wilson 瞭解我，真係該煨 =.=)。

其實同 Honman 只係做左一年同學，之後個年已經移民去 Australia。依家仲可以 Keep in Contact 都算幾難得。係岩傾既話無論隔幾耐無見都有「一見如故」既感覺，之前都爆笑講左句話「又唔見你搵翻阿邊個邊個，剩係搵我，呢 D 野咪就係話唔埋」。這個朋友絕對絕對係一個極有禮貌的人來唷！！

呵，唔知年中可唔可以儲夠錢一口氣打搞晒兩位朋友呢，我真係要努力搵錢先得。。。今晚 Honman 就飛翻去 Australia，有種感覺好怪。一方面又好唔捨得，但另一方面就覺得好開心，好期待下一次唔知幾時既約會。

睇下再過多十年之後邊個已經結左婚有埋小朋友啦，哈哈。咪講笑，依家唔洗學業進步啦，反而應該係要識更多好朋友，搵埋個伴就真。「人生匆匆四十載」！放心，我盡量唔洗你越洋咁擔心我啦，哈哈。Take Care My Friend.



2349，一講起呢 D 就諗翻起好多往事。。。但係都要向前看既！Fighting！That’s All.

2143，終於搞掂個 Diary PHP Time 既問題。。。

1. 今日係遲到的一天，今日上乜堂都遲到囉。。。可能呢排太攰，都睏得好好，但係就唔夠睏。今日成十點先起身，開頭諗住印 D Notes 咁。點知部 Printer Jam 紙 Jam 到癡晒線，直情要揭開個 Printer 手動扯翻張紙出黎。邊個話 Double A 唔 Jam 紙架！由於時間緊迫而且又浪費左幾十張紙，一怒之下全部撕爛晒。。。真係唔環保。

翻到去果然遲到，遲左 15 mins，Hea 完，落堂。去又一城吃 Lunch，由於實牙實齒話唔食吉野家，今日就食 KFC。點知揀錯人，條隊既移動速度慢到嘔，隔離條隊速度快三倍！！！唉。。。

食完之後係 Library 寫 Copy Book，低估左個堆架文。。。寫左我成粒幾鐘。由於花多左時間去寫，今日個堂日文又遲到。。。唉，仲要靚姐姐坐角落頭位。。。有件事巧震驚，原來佢有識得既人一齊上堂架！？但係又唔見佢地成日傾計既。唔開心。

落堂後去 CS 印翻 D Notes，亦因為咁又遲左上堂。。。個 Lecturer 繼續搞爛 Gag，爛還爛，好過無既。。。放學都極速回家了，累透了。




2. 這個嘛，今日帶左細佬部 NDS 諗住同人打 Mario Kart，但係同學就無帶，真係可惜。有另一位同學講左句「噫，你拎翻部機喇？粉紅色既？」。呵，部機唔係我的。另外 NDS Lite 三隻色 ↓



都係入白色！順道買埋隻《聖劍傳說 DS》，Yeah ~



2253，唔知係咪生活變得乏味，越來越無野好記。。。突然間又覺得有 D 唔開心。That’s All.

2104，今日無乜野記。。。

尋晚都 OK 好睏，搞到今日差 D 唔知醒。。。一起身已經九點，九點四出門趕巴士。托賴翻到去時間岩岩好。上完堂睇片 Tutorial 之後就係 Library 落腳。搞左好耐終於搞掂翻個 VPN，又可以 Remote Connect 翻去 Harddisk，正！

之後食個吉野家 Tea，不過看來食到漏晒，聽日一定唔會再食吉吉！！上甚麼 Object-Oriented Programming，超廢，學唔到野。。。要 Independent Learning 了。之後係 CM 開左陣會就回家。

回家前去見一見工，Feb16 翻。係小組補習來的，雖然時間就長 D，但係勝在夠密夠穩定，好事黎既。再搵下有無私人補習做先！

今日同同學講開「隱者」既問題。我無上莊又無 Join So 又無住 Hall，我都有少少隱者 Feel 架。但係再講落去都唔覺好「隱」唧。

2120，今日都真係幾攰。。。要早 D 睏先得。That’s All.

---
1339，呢個時候又係 Library Hea 緊。。。剛剛同同學處理完部 DV Cam 既問題。唔同 Tutor 作風完全唔同呢！都係頭先先真真正正去摸部機，原來我都識用架喎，除左回帶之外。。。祝阿同學拍片之行一路順風！

咁呢，有兩件事係尋日臨睏前睇到的，都幾有趣 ↓



原來有男仔都會係月曆 Mark 底身邊那位幾時 M 到。遇到同好了，哈哈，當年都有特別記底那些日子呢！依家無人講就自然無記底啦，不過朋友間偶爾提到 M 到既話都會上一上心既，雖然只係記得係月頭、月中定月尾。。。最重要既係 D 女孩子唔準嘛，嘿。家下都仲好記得某一、兩位既。

另一件事就比較散，係 Mini 睇翻黎，主題就係「大學識人問題」。點都好啦，假人就一定識到，真心既就難架喇。都係寄望遇到一些志同道合既人咁樣 Form 個小組啦。同學始終係同學，同學唔會約出街玩，反而朋友就會。順其自然吧。。。