0853，又要準備翻學，真無癮。究竟今日個 2 Hrs Break 做乜野好呢？！根據 Week 1 既經驗就係上完堂同同學食 Lunch 既，食完之後個一粒鐘就龜係 Library 打機再上堂。之但係家下無機打咁點算呢！？Hea 得一陣間又無理由帶其他重型物品翻去架，咁點算呢。。。總之惡搞啦！

2346，又係早出晚歸，絕對係我心聲啦 ↓



1. 一翻學就見到 Wilson 兄龍精虎猛同三位女朋友一齊，他真爽呢！難得我咁有心同人 Say GoodBye， __ __ 唔理我囉。

落到去都剛剛好，今日終於認真禽獸的真面目。條死肥佬 Lecturer 勁串，問親佢野都俾佢串一穫先，咁我當然無俾人串啦。但係個死肥佬大大聲話「你傻架！？」、「邊個教你咁做架！？」，依家係咪歧視先，識就唔洗問你啦，__。呢科係 Independent Learning 黎囉。。。

之後四個人去 FoodFest Lunch，Lunch 完回 Library 睇《ZZ》。再之後上日文，今日個位連續幾堂坐隔離既姐姐 Absent，「連坐隔離」紀錄無左。。。不爽！再之後翻去上 Networking，Lecture 超 Hea。同學說個 Lecturer 看透人生！好 Term 好 Term，好一個「看透人生」。。。



2. 落堂之後就做今日最重要既事，大家估下呢度係邊度黎 ↓



哈哈。今晚約左 Honman 食 Din，逛左呢期「新開」既 Mall，當然係無野睇啦！咁就去左 Pokka Cafe 繼續 Dump 印仔。吸收先一兩次經驗，意粉 / 飯叫一個 Share 就夠，反而小食就叫多 D。今次有個免費牛肉壽司，嘿嘿。

閒話家常，吹左好耐水，吹得好開心，真係好開心！我都知我個「朋友觀」係有問題，所以就要糾正過來嘛！我會架喇，會主動 D、漁翁撒網咁識多 D 人架喇。

有時係夾就夾啦，兩個人都似似地，大家都係想 25 歲結婚、28 歲生仔。。。哈，咁樣就有計傾！你估我唔想係「大學時期」搵個拖友咩，拖翻幾年結婚不知幾過癮！搵到先得架，主動又唔得，被動更加唔得，順其自然吧。。。

呢個時候 Honman 發功了，贈了兩句 ↓



服晒。。。仲要係有先後次序，係「不可不求」先過「不可強求」。呢 D 小學班主任寫俾自己既句子好獨到架！當年我班主任寫俾自己既係「包容、忍耐、寬恕」，可想而知我對人幾咁 Harsh。

咪講笑，我真係諗過儲到有咁上下錢既時候就去 NewZealand 探下阿欣，再 Join 佢一齊去 Australia 搵 Honman。呢個 Plan 上年都諗過架，不過住宿未諗掂咋！都係機票錢唧，抵過去日本！睇下今年有無機會啦，哈哈。話時話，如果 Honman 結婚既話一定去觀禮啦，就算係 Australia 都要飛過去啦！如果我仲未放棄 Design 既話，幫佢 Design 喜帖等等又點話，哈哈。記住廿五歲啊！睇下邊個結得成婚，哈哈。

今餐爭住請食飯既情景又出現。。。最後係 Honman 請，話 AA 又唔制，真係唔要得。總之多謝晒！今次 Dump 左 3 個印仔，好！之後就去搵甜品食，發記、屋記、Haagen Dazs 都排晒隊，乜 D 人咁早食甜品既。。。最後係 CitySuper Food Court 既滿記食 ↓



哈，食左好多芒果，好濕熱！食完都差唔多回家了！



2441，唔知點解，本來情緒好高漲。但係同某 D 女仔傾幾句之後覺得好不爽。真係好不爽，條氣唔順呀！嬲翻一兩日先得！女人真煩，可怒伊！That’s All.

1035，是日金句 ↓

「十零廿蚊個 D 利是當然係拆左佢當散紙洗啦！」

2225， ↓

媽咪呀 ~

今日忙忙地咁啦，晏晝玩左 Zombie Mod 版 CS:S。哈，差佬打喪 B！開頭對住 D 電腦 Bot，係虐殺喪 B，但係之後有 D 人轉左做喪 B。Team 極唔 Balance，又變左喪 B 群摳差佬。D 人控喪 B 難打到。。。一定要射頭，射身會幫佢加 HP。時間耐左隻喪 B 又會自動加 HP，總之惡搞啦。最衰唔見左 D Cap 圖，唔係可以貼出黎。

呢期又想搞搞個 Xanga Logger，不過都仲未搞到開 Cookies 個度，試過 PHP 開、又試過 Javascripts，總之就係開唔到。但係 ulsp、suhock 個 D 又開到喎，真係諗極都諗唔明。如果開到 Cookies 既話呢個 Xanga Logger 一定有大突破。請高人指點一下。

聽日要翻學，真唔開心。唔開心還唔開心，都係要翻。。。

2255，莫名其妙咁攰。That’s All.

2145，哈！頂！

1. 尋晚睏得激差。。。真係好差。發惡夢，仲要一「洽」埋眼就發惡夢，真係驚到我。好耐都未試過，真係淆晒底，成身出晒汗，淆到無得再淆，最後開枱頭燈睏，但都無乜點睏到。到朝早天都光晒個陣先真係話睏到，睏到成點鐘先起身。

之後搵野撈，睇左一集 Keroro，睇完食埋個 Lunch 都三點幾。今日我終於睇左電車男。呀，係《Harry Potter》。Emma Watson 真係幾省鏡 ↓



今集覺得比上集《阿玆卡班的逃犯》好睇，最少《阿》既劇情我無乜印象。。。之但係今集最尾個結局有多少爛爛地咁，個反應就係「下？！乜完架喇？」。都係覺得第一集既《神秘的魔法石》最好睇。話分兩頭，做 Harry Potter 個位 Daniel Radcliffe 越來越唔順眼，又唔係話佢唔靚仔，之但係就唔順眼。



2. 尋日仲有 D 野要補翻下既。原來大學真係識伴侶既好地方嗎？又唔覺喎。。。有人誤會我係 Poly 讀個陣識左個女朋友？無咁既事。哈，我都想有架。

其實新年流流見到我都幾無癮架，我又唔會話好熱情咁恭賀，當係閒日咁。好容易俾人誤會我。。。

我無表情，唔代表我黑面。

心情平伏，又唔係話開心唔開心，咁咪無表情。唔通邊行邊笑笑口咩，我係傻，但未至於傻笑既。



3. 有一個決擇同一個震驚。決擇就係花唔花 D 錢買部新相機呢？Nikon S3 真係幾正喎 ↓



又輕又細部，拎出街又方便，都係二千鬆 D。話晒手機相機質素都有限，有部輕巧既相機真係唔錯喎！咁呢，個震驚係乜呢？咪就係俾我搵到個 1988 年版《The Chronicles of Narnia》，新舊版比較 ↓



嘩。。。新舊版除左特技上有唔同之外，整體上可以話無分別。當年隻獅子都還可以喎。。。哈哈。大家有機會睇睇新個套啦，舊個套想睇就自己撈啦，keke



2215，聽日會做極為罕有既出外拜年，去伯叔婆家 feat. 舅母。明天都可能會有少少咁少既忙。That’s All.

PS. Wilson 兄，珍重啊！

2336，咁就過完新年了，真兒戲。

今日早出晚歸，真係攰到嘔。今天八點起身就出門，晚上十點幾先翻屋企。這個離島一天遊，看圖吧。一行十四人，都係阿媽 D 朋友幾家咁。



．該煨。。。同細佬差 5 年，竟然有人話細佬係大佬。除左佢高過我、肥過我之外，都唔似大過我。我臉上怎會有「 (天真) 無邪氣」呢？原來我真的這麼年青。

．往《心經簡林》途中有間食肆，竟然有隻鵝！？超大隻！不過影唔到相。

．鳳凰山個頭真係效外來呢，行路要小心，唔係會俾碌叉出行人路既大樹「摳」中頭。。。

．《心經簡林》個堆刻有經文既木柱真係好大碌，從藝術的角度來看真的頗不錯。最重要的是環境也配合得到，聽聞經文中有一句是沒有了呢，點解？唔知。

．落翻大澳吃 Lunch，今日同獅子有超近距離接觸！好一隻舞師！D 鼓聲 Dump Dump Dump，會唔會有職業性失聰呢？

．有走地雞食，真係即叫即殺，仲要睇到剛剛殺ed 既雞路過。。。都幾恐怖。

．晚上在《客家好棧》吃，都 OK 啦。一般銅鑼灣食肆，不過新年期間免加一免茶芥，生意真係咁不景？



2354，好，講完。新年最忙都算係呢日，之後假期都要繼續抖下。今天發現了一個頗震驚既事。。。聽日先講，還有一個決擇，又係聽日先講。That’s All.

0943，+hung，一路順風啊！記住帶手信翻黎！

2102，著就熱，唔著就凍。。。

Well，今日係第三日百無了賴，呢種生活好乏味？算不上既，總好過過度調味既生活。清清淡淡咁唔好咩？今日就係睇片、睇片同睇片，咁就睇左成日片。2 集《Fate Stay Night》、2 集《Keroro》，睏三粒鐘晏覺起身睇「魔幻王國 : 魔衣、廚櫃、女巫」。哈哈，次次都講錯個名！

這套戲都 OK 啦，特技幾可亂真，隻獅子真係好真。。。依家 D 特技真係厲害。將這套戲同《LOTR》比就好似唔太適合，這可是一套 I 級片來的！幾好啊，一滴血都無，I Like It.

今日年初二，晏晝食開年飯。哈，有鮑魚食！今年轉食金鳳米，之前食開金象，之但係好似越黎越唔掂。新精頭點都要食晒 D 飯，倒米唔老黎嘛，哈哈。各位朋友、同儕，搵日得閒我地又要食過開年飯唷！

2138，今日真係無乜好記。係咁。That’s All.