2019，Woo ~ 好忙咁寫緊個 PHP 。。。

2343，個 PHP 完成左最大舊個個部份，沖過靚涼再打埋落去 ~

2406，問答無用，開始！

1. 估唔到個 PHP 花左我咁耐時間去寫，斷斷續續都整左我成晚。。。其實只係完成左最趕住用個個 User Registration 個 Part，仲有個 User Control Panel 未寫過。

寫得咁慢既原因最主要當然係斷斷續續咁寫啦，其次就係 isset 同 NULL 呢兩樣野玩死我。。。以前用 GET Method 好興用 isset / !isset，咁今次用 POST Method 咁開頭照用 isset 啦，點知又唔 Work，到依家我都唔知點解，搞左一大輪又 Check Logic 又 Check Syntax 都無問題，之後轉用 NULL 咁就得左。。。氣死我。

PS. 懷疑係要用 is_null 去 Set Logic。之但係無理由架，應該 isset 都得架喎。

呢個都唔算係主要原因既，寫得咁慢最最最主要既原因係我用一頁過既方式去寫，之前習慣分開幾頁。咁一時唔慣就捉蟲啦。。。不過唔緊要，一次當係蠢，兩次就當係笨。呢 D 事係唔會發生第 3 次，因為第 3 次都中招就白癡。

2. 今朝老早起身睇左《忍者亂太郎》，非常正，再次重拾童真！咁之後坐陣睇下人地 Diary 咁就開始今日既光明與黑暗之旅．迷宮篇，打到 46 定 47 層。

之但係被秒殺問題非常嚴重。。而且普通企街既嘍囉已經係以前 Boss 級，甚麼星之化身三兄弟、不同顏色既巨龍已經同 7-Eleven 一樣總係你附近。今日 Save Load 次數非常之多，試過幾次唔 Save 就無耐俾人秒殺。有次試過一口氣遇上三隻星之化身大哥，俾佢地屈死差唔多十次有多，要出盡怪招先做得低佢地。。。

為左防止秒殺，已經開始用翻片手劍，起碼多個盾用死都無死得咁爽快。

PS. 今日打 Shining Force 打左我成半日，最後唔打係因為行唔夠兩步俾人秒殺，之後發老脾唔玩，哈哈。

3. 今日都無乜睇片，都係睇左一集 Keroro + 一集 Chobits。反而晏晝睇左同我咁上下大既搞笑薑 C 片，真係幾爆笑下。不過依家肯定拍唔翻架喇，做既人一係榮升國際級巨星、一係就仙遊、一係就退出影圈多年。呢個絕對係集體回憶黎。

反而細佬無啦啦籃球片癮起，佢本來話想睇《Slam Dunk》。不過成 101 集，睇佢都係得個講字，咁就叫佢睇另一套都係由井上雄彥畫既《Buzzer Beater》。呢套片得 12 集，絕對岩晒 D 無耐性既人煲晒佢。

咁佢今日就睇左 6 集，非常好！好有我當年既影子，不過離我最癲既煲片鐘數還有一段距離。想當年 Form 2 暑期入左批動畫，都有成 6、7 套。咁試過 1 日睇晒 12 集既《真三一》 + 12 集既《08 MS 小隊》，諗翻起都覺得癡線。。。

不過我都好錫身，我唔會通頂睇片，我覺得好無謂既事黎。不過 12 + 12 = 12 hrs，依家咁既年紀 + 環境好難支持我去煲咁耐片，真係會覺得攰 + 好易頭痛。。。況且咁喪睇動畫有 D 浪費動畫本身，動畫要細味品嘗呢，所以我睇動畫睇得咁慢就係咁解。

PS. 到最後套《真三一》由於係飛睇既關係，唔記得佢講乜。。。反而套《08 MS 小隊》都仲有深刻印象。無計，前者成日黑蚊蚊，睇得唔清楚，後者就唔同，起碼光猛 D。

4. 諗翻今日下半個晏晝都幾無聊，有 D 野諗唔通，走左去睇報紙，仲要係實物要揭個隻，平時除左搶左人地睇緊報紙黎睇之外都無乜揭報紙，感覺都還可以啦。

仲有乜野無聊野？咁細佬睇緊 Buzzer Beater 個隻咪熄左佢個 Mon、又或者遮住佢對眼、又或者搵野遮住個字幕咁。務求搞住佢！呵呵呵。

見悶悶地就扮下呼籲市民提高網絡安全意識個段宣傳片既「Woo Ha Woo Ha Woo Ha Woo」搞佢。佢又無啦啦上身一齊玩。呵，兩兄弟都可以玩得一餐，都咪話，都幾爆笑 + 開心，係咁無聊。

下半晝真係幾無聊，不過唔緊要，入黑個陣開始忙啦，哈哈。

PS. 1. 諗唔通既野絕對唔係甚麼 Big Deal，只係諗緊買邊張 Display Card 好。最後決定係 Sapphire / HIS 既 Radeon 9550。唔好買太靚 / 貴，部機得 4X AGP，無謂浪費資源。

PS. 2. 我係百厭精，哇！

2448，今日正常翻，無咁多圖。We’re Old Friend，哈哈。遲下等秋天等我整芒果乾蛋糕過你食，哈哈。That’s All.

2247，打緊呵欠。。。眼睏添。今日都係電視節目表。

1. 今朝睇《Super Nanny》，個細路好爆笑！點解？睇圖 ↓



哈，繼上期睇《Meet the Fockers》個 BB 仔 O 晒咀講 Ass-Hole 另一爆笑場面。Poo-Poo ~

PS. 1. 臭臭即係大便，係阿媽同 D 細路仔講個隻「臭臭」。

PS. 2. 呢句都好應棍啊 ↓



2. 今日有 Wimbledon 呢 ↓



Roddick 發球個下真係。。。 不過最後都無睇到，只係間中轉去睇下咁。依家女單 Davenpo 領先一局。唔知大威贏唔贏到呢？不過依家睇緊發覺大威好似有 D失準。

3. 點解開頭話睇結果無睇呢？咪就係呢套《Toy Story 2》。巴斯光年巧正啊！



哈，所以套巴斯光年 TV Series 我係有追開架。



最尾當然大合照啦！原來 Woody 係由 Tom Hanks 配音的，真係唔睇唔知。

PS. 其實呢套戲應該今次係睇第三次。。。哈，睇唔厭，仲睇得好開心。又一次證明我唔難滿足的！

4. 今日教大家一個生字，就係「Picky」。意思係挑剔。係《Super Nanny》度睇翻黎。今日亦都係日常生活應用到。

話說今晚晚飯唔岩細佬胃口，咁偶就講左呢句「以前乜都食，依家就揀飲擇食。一係就好似我咁由頭到尾都揀飲擇食。」。呵呵呵。

今集阿 Jo 教左個氹細路食飯既方法，佢食一啖就要幫佢數住，跟住仲要舉起手指講「One」，兩啖就「Two」，如此類推。食完之後仲要讚個細路，等佢感到驕傲同鼓勵！

5. 呢期都好多動畫做完，有《Loveless》、《魔法老師》、《雙戀 Alternative》。新一季動畫又上，不過好似無乜推介咁。今日就開左套新動畫黎睇，之前講個堆既候選動畫全部落選，得到最新 Victor 連看動畫係 ... Chobits，即係《人形電腦天使心》

呢幕都算經典喇 ↓



睇完第一話，感覺都還可以啦，都唔算太重 Clamp 味。點解會揀佢黎睇呢？原因好簡單 + 無聊。就係咁岩要燒一套 Chobits 出黎，咁順面睇埋佢，26 集好快完唧，反正都無乜片追開。

PS. 1. 其實都唔算太多睇 Clamp 既作品，不過事實上好幾套有名既動漫都係佢地既作品。

PS. 2. 為左唔令 +hung 大大失望，我一樣會開 Full Metal Panic 黎睇！

2355，今日係咁多先，應該仲有 D 細 Point 想講不過又唔記得左。算數，記翻先再補翻。聽日應該會幾忙。。。沖過涼坐陣都要睏了，攰啊。家陣細威追翻局，不過輸緊 4:2 。。。看來都都係同今屆冠軍無緣了。That’s All.

2444，大威贏左今屆 Wimbledon Championships ！！係後來追上的！



---
0806，朝早既感覺真好。為左吸取多 D 維他命 D，特登起身吸一吸，哇咔咔。今天陽光真美好！食個超簡單早餐就進入我早既晏覺 ~ 呵呵呵。

1027，從激早既晏覺起身，看來仲未睏夠。。。睇下可唔可以再睏多陣。

1809，哇咔咔。No 晏覺 Today ~ 光明與黑暗之旅．迷宮篇已經到達 38 層！終於知道被嘍囉秒殺既原因，就係急所耐性太低。比 D 秒殺型嘍囉一刀了。。。以下就係個兩隻秒殺型嘍囉 ↓



非常好！睇陣動畫先 ~ 又或者寫下 PHP，今晚有網球睇！正！

2034，襯個空檔打 D 先。Woo ~ 今日《一叮》臨尾個外國女士好堅啄啊！我敢講個 Yumiko 都唔夠佢唱。I Willl Always Love You by Whitney Houston

If I should stay
I would only be in your way
So I'll go but I know
I'll think of you every step of the way
Chorus:
I will always love you
I will always love you

You, you, my darling you (mm)

Bittersweet Memories
That is all I'm taking with me
So goodbye please don't cry
We both know I'm not what you
You need

Repeat Chorus

I hope life treats you kind
And I hope you have all you dreamed of
And I wish to you joy and happiness
But above all this, I wish to you love

Repeat Chorus (3X)

You, darling I love you
Oh, I'll always, I'll always love you (oo-oo)

2359，攰到唔想打 Diary。。。長話短說，今日係電視節目表！

1. 順次序講，咁最先睇既就係《下午麼麼茶》。一見到愛麗斯就知道係教整甜品喇！今日就係教整呢款 ↓



PS. 由「一見 ... 呢款」都係主持人講的，上個禮拜都好似係同一番對白。

咁阿娘又同我黎過爆笑對話。

娘：好易整咋嘛。
仔：咁你又唔整。
娘：整完出黎食到佢咁就死啦。
仔：怕乜野，我有本錢，食到佢咁都仲得！

PS. 絕對無人身攻擊的！

2. 之後就睇呢套 Pokemon 啦 ~ 今集都出左幾多小精靈 ↓



種子 ~ 叉 ~ 鐵甲 ~ 比卡 ~ 蚊香 ~ 金魚 ~ 星 ~ 小鋸 ~ 哇咔咔 。

之但係講搶戲，呢集果然翁真係好搶，好搞笑 + 得意 ↓



咁另外三隻可愛型小精靈一樣咁可愛，左起小刺蛋、比卡超、馬利露 ↓



PS. 咪意為佢地係可愛型就唔打得，比卡超既十萬伏特強就唔洗講。估唔到馬利露都咁堅，又水槍攻擊、又泡沫光線，仲有鋼鐵尾巴。。。佢竟然打低左鐵甲暴龍。。。

都唔知係好定唔好，呢套 Pokemon 都睇到我幾開心，原來我都唔係難滿足既。。。但係咁既年齡睇 D 咁既野會唔會唔太好呢 ？話時話，老任你係得既！

3. 咁今日其他時間都係睇電視 + 打機。光明與黑暗之旅．迷宮篇就打到去 33 層。真係估唔到仲會比 D 嘍囉秒殺 ，雖則佢地係非一般嘍囉。其實係打到 35 層，點知瓜左又無 Save 到，結果由 31 層再打過 。雖然道 1 層都要花 OK 多時間去過，原因係清場之後有 Bonus 既 Force Crystal。有時搵唔到邊度仲有 Monster 都真係幾激氣，如果唔係都唔洗搞咁耐。

另外就睇左頭兩集《Lost》，比想象中無咁悶。雖然清左兩個鐘既片，不過又加翻 1 個鐘頭既《Super Nanny》。點都好，都要聽日清埋第 3 集 Lost 同 Super Nanny。唔係好快又黎一批新既片。

4. 今日細佬睇左《頭文字 D》。乜真係咁好睇 ？動畫又好、電影又好，我都無乜興趣。。。真係唔明白點解。有得撈啊， 1 - 4 部，不過都係無動力去打撈，始終好似同我格格不入咁。

之但係我係乜野格呢？衰格？我都唔知了，除左非常血腥既片唔岩我之外其他都 OK。由小丸子 / 叮噹個類、熱血機械人、運動、可愛羅莉 / 御姉、爆笑惡搞等等都會去睇的說呢。

2445，今日短 D 係咁多。如果分開 2 次或以上去打 Diary 的話可以打 D 長 D 既 Point，有 D 野都想講，之不過呢幾日都無事忙，夜媽媽先打 Diary 都唔想打長 Point 了。聽日睇下有無時間打 D 長 Point 先 ~ That’s All.

---
2018， Woo ~ 巧忙啊。忙乜野？忙睇電視囉。

套《Lost》睇到出新奇士橙少校啦！



頭 2 個鐘睇左 1 個鐘到啦，睇到依家又要停一停，要錄 Super Nanny 黎睇。。。Debt 又增加了 。

2226，早 D 開始早 D 散場。

1. 哈，絕望 ... 與希望 ... 光明與黑暗之旅已經完了。最後的一個 Log。

咁一開波就繼續尋晚的旅程，咁打無耐主腳成功氹翻女主腳歸隊 ↓



所以話，愛情真係偉大 ↓



咁之後就咪死呢幾隻野，左上就係 Final Boss、右上 + 左下 就係比較強既嘍囉、右下就係上回俾 Final Boss 一招了既炎之破壞神，即係星之化身既大哥 (無啦啦復活！？) ↓



咁結局當然唔係咁簡單啦， Final Boss 出矛招玩召喚 ↓



打 Final Final Boss 個陣出埋萬千嘍囉之根源 ↓



最後當然了結 Final Final Boss 啦 ↓



咁呢，出 Ending。話說主腳用最後既 Power 送左兩位伙伴落翻「地球」，咁佢自己就飄流太空 (左上) ，之但係佢竟然遇上 Final Boss？！原來 Final Boss 出黎救佢送佢翻「地球」，最後主腳仲對 Final Boss 叫左聲「兄貴」(右上) 。之後就到 Final Boss 自己飄流太空，咁佢死左既阿爸阿媽就出黎同佢話「一齊黎喇。」(左中) 。結果個「月之眼」消失，變翻正常既月亮 (右中)，最後就出 Roller (下) ↓



最後最後，男女主腳去拜祭男主腳既阿爸阿媽，咁就真係完了 ↓



哈，唔好以為隻 Game 咁就玩完，其實仲有隱藏 Mission :: 霸王之迷宮。總共 50 + 1 層，依家打到 20 層，應該聽日 / 後日就可以真正爆機了。哇咔咔，把星天弓好屈啊！

2. 襯記得講左先，有幾位藝員都幾討厭。全部都係 TVB 人黎，男既最討厭王喜，總覺得佢做 D 戲懶係熱血咁，真係睇到打冷震，做一 D 懶型既角色仲衰，扮虎不成反似犬。。。

女既就多 D，首推葉璇，佢好造作，而且把聲又雞，聽到都一樣打冷震。另外就係胡杏兒，佢做親都係做 D 低能角色，搵個醒少少得唔得？本身佢唔爛既，係無記 D 劇搞到佢好爛。。。仲有個就係新出既徐子珊，人又醜又歪咀，把聲雞到爆，葉璇把聲係十個難聽的話，徐子珊有廿個！真係難頂到爆。

3. 我個批既全相 ↓



裡面真係幾稀。。。應該落多 D 麵粉，同時整細個 D，依家太大個。。。

PS. 教大家一個詞語，糖尿病係Diabetes。食晒食個批就會患上呢個病

4. 柔綿體驗。。。 [按圖放大] ↓



呢包原來係綿花糖 。大陸果然厲害！



如果係咁就激了 ↓



網友食後評語 ↓



5. 今日係 05 年 6 月最後既 1 日，黎緊既 7 月都好多件大事。首先 Jul 12 某某 B-Day，咁之前又要諗下準備乜野 Gift，家下仲未諗到。。。不如真係算吧，如果 Jul 5 都未寄出門的話睇怕都會 B-Day 後先收到，咁呢幾日咪要出街逛下有乜野岩心水？！Jul 14 又係某某既 B-Day，今次就係我親愛既涼子姐姐生日。哈，要諗下點樣慶祝先，哇咔咔。

PS. 發覺同巨蟹座既人都幾有緣呢 ~ 肥仔又係巨蟹！唔怪得之咁得意。

咁月初 + 中就要狂趕 Notes 啦，月尾就同 D 學生吹下水，玩下 PhotoImpact 賺翻 D 外快咁。如果今年Run 得好既話下年又可以再黎過，都咪話唔好。不過呢幾日就要寫好個 PHP 俾 D 學生網上 Register 個 Account For 上堂用，其實都趕趕地。

PS. 到呢刻我記得翻 D 野，就係今日唔記得翻學校簽約。。。睏晏覺睏左好耐。。。睏到 ~ 2000，有晏覺睏的感覺真好。看來我的生理時鐘又回復正常。

除左呢兩樣之外，7 月都係出 Result 既日子，都無乜特別感覺既，最好就 Up-Grade + Up-Grade 啦。

總括黎講，7 月好多重要事！

6. 另外今日終於睇翻 D 片，今天就睇翻《America’s Next Top Model》，我話幾得個個係咁樣 ↓



化妝威力好強大啊。。。完全變左另一個人咁！

咁尋日睇左陣比卡超，今日就特登錄黎睇！好可愛呢比卡超！



其他小精靈都好搞笑，係咁叫自己個名。例如：

．月桂葉 :: 月桂 ... 月桂 ...
．毒氣雙子 :: 毒氣 ... 毒氣 ...
．小鋸鱷 :: 小鋸 ... 小鋸 ...

係比卡超用翻日文原聲最掂！ ピカ ... ピカ ...

咁夜晚就 《Keroro 軍曹》+《甲賀忍法帖》+《他和她的事情》咁就一 Day 了 ~ 新一期既打撈又開始了 ~

2428，明天放假還是老活動啦，睇片！有幾套戲都想睇，不過都唔知有無時間 + Mood 呢。That’s All.

PS. 果然無乜記性，知道有好多野唔記得左，但係就唔記得有 D 乜野唔記得左。

2435，真係攰爆。。。

1. 今天夜晚就係繼續光明與黑暗之旅！

咁一開始到光之試練．炎到打，到最底個層遇到個 Devil 爸爸，真係險象環生，差 D 比佢整死。。。就係呢個 ↓



咁星之化身三兄弟都俾我打底晒，之但係阿大哥係俾敵方大粒野一招了結的。。。咁阿大哥就係咁既樣 ↓



打完佢之後 Dark Castle 出現，咁女主腳俾人捉左。男主腳順道去 Dark Castle 救救佢。主腳咆哮既 Look ↓



咁到左 Dark Castle 都打左好耐，打左幾個 Boss。咁今日最後既足跡就係 ＤＣ研究塔 B1 一口氣打底呢四隻野 ↓



覺得完全無難度，哈。之不過有 D 位都輕易被屈死的，都要 Save Load 大法先得。以今日既進度，呢幾日 Keep 住玩的話應該今個禮拜內可以爆機。

2. 今日都睏到好晏，Miss 左好多 Phone Call。。。今日一如以往係打 Notes，今日俾我搵翻 N 年前買落既 Photo Impact 既書，版本係 5.0 。。。好過無啦。

咁打完部份 Notes 就打機，哈。暫時得閒少少咁多啦，不過抖幾日又忙過。大家要玩既玩埋呢幾日好，之後會激忙。。。動畫都唔得閒睇。

3. 其實呢期聽翻某 D 歌都覺得幾好，之但係全部電腦得一首華語歌，就係 Gackt + 王力宏 既《十二月的情歌》。雖然家下係六月尾，有排都未到十二月 / 過左十二月好耐，不過聽落都覺得不錯。

個人覺得王力宏唱歌都好似不錯，閒來聽細佬播佢 D 歌都覺得 OK。大家聽聽呢首歌呢，留意一下結尾 Gackt 的日文歌詞 + 王力宏既國語歌詞個段真係好正！！

君だけを抱きしめて…

PS. 呢首歌有多國語言版本，唔知今年會唔會又有另一種語言呢。

2505，好耐都未試過咁攰，真係要睏覺了。膊頭果然係痛的，下次打牌都要搵張岩高度既椅黎坐先得。That’s All.

PS. OK 耐之前又 D 野唔記得左，到依家仲記得有 D 野唔記得左，究竟係乜黎呢？！