2331，今日本來都幾多野想講，不過最多講講今日做過乜野黎。

1. 今日成 1710 先落灣仔買 HDD + Keyboard & Mouse，咁落到去想去過洗手間先，心諗老麥實有啦。點知集成個間裝修定縮細左，連個洗手間都唔見埋。咁唯有去買完野先，咁到 298 想買 HDD 先，之不過睇 D 價錢都唔太岩心水，咁就去買左本 Photoshop 既書，係講 D 較進階既技巧，$118。

咁之後千山萬水咁行去灣仔電腦城，個度又有間老麥，點知咁岩係清洗時間，天殺！！唔緊要，都係買左野先，又係個間全場最平既地方買。本來想買 IBM 既，不過無貨，咁就買個 Western Digital 8MB 7200rpm 120GB，$610。跟住去到一間鋪到都想買埋 Keyboard & Mouse 就翻屋企。咁我企係度睇 D Model，有個店員唔識死話「唔好企正路口阻住」。嘩，聽完你呢句我即走，頭也不回，Black List 左呢間 Shop！！

再之後又千山萬水行翻去 298，途經軒尼斯道間老麥，今次終於去得成廁所啦！！翻到 298 逛左陣，睇中兩個牌子，一個係 Logitech、一個就 Microsoft。自己一路都用開 Logitech，但係有朋友仔用 Microsoft 又講到好正咁，咁都打電話問問佢，但係佢又話 D 掣硬，咁結果都係買翻個 Logitech Cordless Keyboard + Mouse，$268。

咁懷疑個 120GB SATA 係太熱所以咁快壞，所以今次買個鋁 Fan Box 用黎裝新個個 120GB，$120。再買埋個超 Cheap USB Hub，$25，咁就翻歸 lu ~~

2421，本來仲想打埋其他 Point，之不過真係好攰。。。無晏覺睏。。。要去睏了。明天補翻。That’s All.

---
2229，Deng。。。好忙啊。。。唔知今晚幾時先有時間打 Diary。

1. 講下呢句既由來 ↓



出自《Keroro 軍曹》，事原係夏美抓狂，Giroro 救佢，要講個 Password 去解除個裝置，個 Password 就係呢句 ↓



之但係第一次講係 ↓



好！Giroro 再講多次！



今次就成功左。真係唔係講笑，當 Kururu 講「失敗了 再試一次」個句真係笑左出黎。呢套野真係激爆笑，就快追到進度了，依家睇到 43 話，日本播到 61 話，好快追到！

2. 今朝起身就煲翻 D 片先，首先睇翻 Sun 既《America’s Next Top Model》，呵呵，一兩位 Model 都幾靚下，再一次見到化妝 + 造型所帶出來的震憾！其實攝影師的技術也很重要，真係唔掂都影到好掂！

之後就睇 Mon 既《CSI : Miami》，呢套野比起《CSI》來得更激！今集出動到海岸防衛隊，又甚麼國務院咁上下，總之大堆頭啦。

3. 今天係無光明與黑暗之旅。。。點解？無事忙啦。今日花得最多時間就係搵翻 D 片集燒出黎，搞左我上半個晏晝。之前都估到要花好長時間去燒碟架喇，所以都唔打機，去燒碟先。

咁本來都無乜問題既，不過燒完一隻之後用黎燒碟個部 PC 個 HDD 無位，咁唯有借住細佬個 HDD 用住先，開頭都抄左 D File 落佢個 HDD 先，點知發覺抄完有時 Load 唔到，就係今日 Post 底個件事。唉。。。咁搞一大輪之後已經無乜時間，咁結果趕住俾人個 D 就三部機三部 DVDRom 三管齊下去整個 Image Files 出黎，咁個 Oringinal Copy 就俾人，所以有 D 唔係大家想要既野。

餘下個 D 我睇怕都要遲下先再燒，搵碟出黎燒都幾花精神的說。

PS. 至白癡個 DVDRW 燒完 D 碟自己 Load 唔翻，係另外個兩部 DVDRom 先 Load 到。。。

4. 咁燒完碟之後就出門口，第一站銅鑼灣，係交收。之後葵芳，撘東涌線去，快就應該快左 D 既，之不過由中環站行去東涌線個月台真係幾遠下。。。

去葵芳做乜？咪去參觀下、探下人咁。其實都算遠架，禮拜六都要安排好 D 時間先可以翻你個教會。之不過操流利廣東話既外藉人牧師都真係幾堅下呢。吹左輪水就到 Paris Café 坐陣。咁到咁上下就走人。

咁之後再經地鐵站交收，再之後翻銅鑼灣研究攝影技巧一會兒之後就回巢。結果呢。。。成九點幾先食晚飯。都算夜了。

5. 其實今日大家見到曉行曉走又曉講野其實只係垂死爭紮而爾。。。今日其實都 Wing Wing 地，本來想去中環，點知行左去往柴灣方向個邊。語無論次就唔話講啦。

多謝大家賞面做個 Model 啦，算係「功課」黎。哈，影人既重點係攝影師同 Model 本身既溝通，好明顯大家就係無啦，呵呵呵。不過其實都算唔錯架喇，話晒大家都係 Virgin ~。

之不過大家唔夠自然啊，雖則個 D 地方係比較突然 ~ Yea

PS. 1. 朝早唔做 D 花神既活動 (好似打機咁。) ，下晝體力還充足，今日係無睏晏覺呢。

PS. 2. 真係啋。。。無啦啦變幼齒。你少見我咁著咋嘛，係都正太吧，幼齒。。。無言。

6. 病情。嚴重。喉嚨消腫、之不過嚴重鼻塞。諗住出一出街會好 D，點知仲衰。。。大家明唔明白活生生窒息個種感覺，真係塞到好難透氣，要用口呼吸。。。仲有兩粒超大飛滋係咀角！

如果情況都無改善應該聽日會聽醫生了。出埋殺手揀！佢細細支但係好勁、揸少少效力就好持久！佢就係白花油！揸少少就通翻個鼻少少。不過好拿，個鼻 Sunc 損左，真係拿到我流晒眼水。之不過拿下就通翻個鼻都值得啊！！

7. 記性差得好緊要。。。有幾樣野係唔記得左。。。今日行到去巴士站先醒起唔記得帶傘、又唔記得熄燈熄風扇，差 D 銀包都唔記得帶。真不爽。。。

2322，唔記得左 D 野，今日到此為止，要睏覺。。。That’s All.

---
1409，嘩！實在太恐怖。。。細佬部機個 HDD Fitness 係 0。。。即係有猝死既危機！無錢都要夾錢買過隻俾佢。



係 Western Digital SATA 120GB，下次都係買翻 PATA 算，隻 120GB 換左幾次，幾次都有問題，真係唔知佢乜構造。Deng！

2212，依幾日既 Diary 都一定會講既兩件事係光明與黑暗之旅 + 病情。。

1. 今日光明與黑暗之旅由 1000 到 1200，之後由 1930 到 2100，今日旅程唔算太長。咁今日就由尋日既冰火轉做雷之魔神！！



電得好爽啊，之不過 MP 消耗都幾大，電幾野就無曬 MP。。。整個旅程已經完成了一半，依家打到龍之山。裡面 D 小火龍真係好麻煩、惡魔族既暗魔法中一野就無左勁多 HP。我諗餘下既旅程會更難行呢。

2. 病情都無乜好轉，唔通真係要睇醫生，但係一睇完醫生食完 D 藥個人實跪低幾日都似。。。

有多少頭痛、耳鳴、嚴重鼻塞、流鼻水、有痰、幾聲咳、咀唇好乾。真係好剋人憎，睏覺得陣打側睏又搞到耳鳴、仰睡又搞到鼻水流落喉嚨到，真係 Deng！！

今朝食藥個陣有 D 恐怖事發生，咁今朝就食特靈日與夜傷風丸 (有紅有藍個隻。) ，咁用杯熱水送。食完之後打個胃氣，咁就有一股熱氣噴出黎，睇住個口係噴 D 白煙出黎，喉嚨感覺到有多少「拿拿痛」。真係嚇死，D 藥丸既膠囊唔係咁快開左嘛，咁強勁既化學作用既。。。之後就飲多幾啖水沖淡佢。嚇鬼死。。。

咁今日唔打機唔睇片既時間就係睏覺。。。今日既晏覺係 1200 - 1500 的。Lunch 都無煮，食舊飽算數。。。

PS. 個兩粒飛滋真係好攞命，成日病都係飛滋起既問題。。。

3. 今日終於開左套新既舊動畫黎睇，就係《彼氏與彼女的故事》，即係《他和她的故事》，校園愛情小品動畫。漫畫原作者為津田雅美，動畫由庵野老賊做監製、Gainax 製作。呢套動畫比想像中更爆笑，睇左一集覺得節奏都 OK。希望打後個 25 集唔會令我失望啦。

劇中主腳就係宮澤雪野 + 月馬總一郎，故事就係佢地 Love Love 既故事。故事初頭係雪野妒嫉月馬搶左佢「受人讚頌」既地位。由於雪野非常愛面子，所以她就暗暗搞革命，就係動畫第一話裡面月馬已經向雪野表白呢！以下就係雪野的說話 ↓



哈，真係好正！最鍾意佢死要面既性格！暫時來說，有馬傻傻地都幾可愛。遲下有機會先再講多 D 呢套動畫啦。

4. 呢句野好有 Biology Feel 的說，其實我係 Mood-Dependent 的，呵呵呵 ↓



呵呵呵，信唔信我出招妒嫉玉喇！



5. 真係好快一個禮拜。。。總覺得依家好快過一過禮拜，做完個 Project 都只係一個禮拜既事。有 D 想講又無時間打。

卒個眼仔又到另一個禮拜呢。。。

2342，今日到此為止，講完喉嚨又乾又痛。幸好聽日託賴打唔成牌，可以俾我養精蓄銳！That’s All.

PS. 大家唔明點解會有個句？明天開估，總之就笑爆咀，呵呵呵。

---
今日睇 Forum 搵到個 Post 都幾正，就係講《叮噹大長篇》。應該會令 D 叮噹迷幾興奮的。哈，細個睇個陣叫叮噹，唔叫多啦 A 夢。大家睇下認得幾多套呢 ~ [按圖放大]



反白睇答案 ↓
1980 :: 大雄的恐龍
1981 :: 宇宙開拓史
1982 :: 大魔境
1983 :: 海底鬼岩城
1984 :: 魔界大冒險
1985 :: 宇宙小戰爭
1986 :: 鐵人兵團
1987 :: 龍騎士
1988 :: 西遊記
1989 :: 日本誕生
1990 :: 動物惑星
1991 :: 天方夜譚
1992 :: 雲之國
1993 :: 迷宮之旅
1994 :: 三劍俠
1995 :: 創世日記
1996 :: 銀河超特急
1997 :: 上鍊都市歷險記
1998 :: 南海大冒險
1999 :: 宇宙飄流記
2000 :: 太陽王傳說
2001 :: 翼之勇者
2002 :: 機械人王國
2003 :: 不可思議的風使者

基本上由《銀河超特急》打後個 D 都無睇過 (漫畫限定，無記播動畫個 D 都有睇過。) 、《西遊記》再加《宇宙開拓史》都無睇 (唔知點解提唔起勁去睇，雖然買左漫畫)。其他個 D 齊曬漫畫，仲要係「叮噹」既舊版。

唔知係人變左定本身《叮噹》變左質，總覺得新不如舊。藤子老師去世那一年，即 1996年開始推出的大長篇總覺得好商業化且無乜意義。在那之前的多套《大長篇》都蠻有教育意義呢。得閒都想再由頭睇多次，呵呵呵。要重拾回憶！

PS. 其實。。。我都係個叮噹迷，Yeah ~

2131，要睇 Star Wars，襯賣廣告時間打 Diary，去！

1. 今朝有這些得著 ↓



甚麼是 God Is? 神咪就係神，不用多說呢。還有的是祈禱 → 祝褔 + 懇求 + 代禱 + 感恩 + 讚美，而聖餐禮儀就有齊這些特色。完成聖餐禮儀之後的確會感到份外的平安同熱血呢。

另外，呢期好有呢個感覺 ↓



點解會咁呢？難道有了細藝所以自己行遠左？咁唯有自己繼續一步一步踏上往神的路吧。呢句係 Bernie 個 Info 睇翻黎，其實知左好耐，不過今期覺得好岩用所以都要用用佢。

PS. 1. 原來聖公會係禮儀教會，牧師講道既時間唔算長 (亦都算悶。。。) 。浸信會係宣教教會，講道時間長且精彩。 (呢個只係引述翻來的。)

PS. 2. 另外今日又兩個學弟第一次翻教會，其中一個都估到佢會翻架喇。成日都同負面情緒搏鬥呢。下個禮拜唔知又見唔見佢地呢。

2. ↓



你走運了，個段時間未睏覺，不過都準備架喇。咁又講下病情，都係無睇醫生，晏晝食左兩粒特強幸福傷風咳素。呢隻藥真係有 D 料到，真係 Feel 到佢 D 藥力。隻藥能夠退燒、止發冷、止鼻水、通鼻塞、止噴嚏、止頭痛、舒援肌肉酸痛、止鼻竇痛、止喉嚨痛、止喉嚨痕、除痰止咳。廿蚊八粒，又抵又有效，雖則事實上無可能咁強勁，但有一半都掂啦。

食完藥真係勁眼睏，到四點鐘終於頂唔順要睏晏覺，睏到七點半起身。

依家狀態呢，喉嚨腫、鼻塞、流鼻水、耳鳴、再加左邊咀角兩粒飛滋，就係咁多。可能睏覺個陣打側睏，D 鼻水流在入 Eustachian Tube，咁就搞到有 D 耳鳴，這是由有限的 Bio 知識推斷出來。

PS. 真係唔係講笑，食完兩粒藥之後 D 傷風病徵出曬黎。。。唔係嘛。

3. 今天還是光明與黑暗之旅 ↓



繼尋日烈火焚身之後，今日就黎招冰火五重天！！



好可惜。。。都係俾 D 變能佬撲瓜。。。





其實隻 Shining Force 應該打到一半咁上下 (應該，之後個 D 應該難打 D，要快多 D 時間。) ，咁都開始出貴重武器 / 道具。打左 25 hours，不過個故事係點都唔太清楚，係知道得好表面。呢個就係我唔鍾意打 RPG 既原因之一，最吸引人既故事內容竟然不大清楚。。。

2426，終於完了，兩個月既 Star Wars 終於完結。。。Anakin 完來係肥仔嘜，呵呵呵。Luke 同 Leia 係 Ep6 個樣比起 Ep5 更醜 (恕我直言。。。) 。Harrison Ford 巧型啊！！

That’s All. Blessing.

---
1607，唔掂當，要睏睏覺叉下電先得。

呢期完全愛上《絕望與希望》，特登 Cap 個 Op 出黎過大家睇。

1. 今天都無乜細藝，就係打機 ~ 繼續我光明與黑暗之旅。

上半天的狀態是 ↓



呵呵呵，完全唔係我對手！整招慾火烈火焚身！燒呀燒，燒死曬 D 蟲仔！！之但係到下半天到沙漠個關，遇上超變態巨人，拎住個大鎚撲呀撲，一俾佢撞底撲一野咁就打柴。玩左勁耐先搵到竅門！就係唔燒佢，用冰凍死佢，呵呵呵。就係呢隻野 ↓



總結呢三日既成績，主腳既職業就係魔法師！係魔法師唔係魔術師！



點解揀魔法師？因為初頭唔識玩，咁就見佢係遠程攻擊，咁所以就做魔法師了。其實做劍士都唔差呢，起碼唔洗煩 MP 問題。

2. 講下病情，手腳有翻 D 力，之不過有幾聲咳、喉嚨痕痕地、鼻塞。這個珮夫人傷風感冒寧完全無作用。。。唉。。。

我係唔會屈服既！！唔睇醫生，聽日買 D 幸福傷風素算數。唯有今晚早 D 睏啦。

2258，今晚係咁多，攰，要早 D 睏。呵，之前要講既野我會開個 Note Pad Mark 低佢，無他既，自己記性都頗差。。。That’s All.