<< < 246 247 248 249 250 > >> 1458 Entries RSS
User Name
:  
Password
:  
 
  

diary_1571_06.jpg

[+]  One Piece - 488
[+]  Team Fortress 2
[+]  龍珠‧改 - 93
[+]  Eureka Seven - 14
[+]  Super Robot War OG - 20





2507,快快手打晒佢!我打打打打打!

1. 其實由上個禮拜六開始都有失眠現狀,初頭諗住係要 Interview 咁有一股無形既壓力影響我啦,但係 Interview完之後個兩日都睏唔到。已經無睏晏覺啦,睏前又無做甚麼劇烈活動,問題出自那裡呢

尋晚睏唔著既時候終於俾我諗到原因!可能就係食左藥既關係,真係無啦啦精神左好多。咁今日做左個臨床測試,咁提早左好多食藥,睇下今晚睏唔睏得著!Da!

PS. 如果唔係點會無啦啦 02 起身搵你呢。

2. 尋晚阿娘又話我食飯食得慢,又話阻住佢洗碗咁。呵,我係唔會食到三更半夜既,食到 2145 都食唔晒我唔會再食。

咁今日 21 開飯,為左一雪前恥,今日快快手食左碗飯,之不過都花左我 30 mins 去食,看來唔係我食得太慢,頂多都係慢唧係碗飯大碗!!

PS. 今晚 D 豬扒切得好薄又細塊,得 0.5 - 0.7 cm 厚,岩晒我 D 無牙力既人食,非常好食。這就是媽媽的味道

3. 《3rd 機戰 Alpha》有人 Cap 左 D .gif 出黎,看來大家都發覺一樣野 ↓



呢個真係唔掂啦,為搖而搖。。。寺田可惡!!今集看來會一反以往用男角玩先。楠葉唔係唔好,又搖得自然,之不過看來繼承機都係龍虎王,有點悶了。Zeola 都好,不過唔知有無得揀,佢地兩個都係「」級。

PS. 機戰人物級數可以睇翻 ID 224 既 Diary。

4. 非常好,估唔到《草莓 100%》同《Izumo》12 集就完。下期應該睇《Black Jack》,或者睇下《最終兵器彼女》。



非常期待的說!Another Love Song ~

5. 爆笑 Message 時間,你都算鬼馬 ↓



無聊 Message 時間。。。 ↓



打後既活動



PS. 都係游水好,又話忌水。。。仲要打羽球、睇戲 (偏激俠同強姦世界都唔錯!) 、食飯。

是日金句


Holy Shit ...

6. 今日有人考完試,有人撩我玩 MSN Game,有人蝦我唔識玩踩地雷、接龍,有人話我蠢。真係氣死我。。。個個就係妳,吼!

話聲妳知 Disney Land 成人 $350,要準備下啦。

7. 點會唔記得涼子姐姐呢,極上可愛!!



今日有網友話有 Five Days in Dolphin Bay 既片!巧啊!!

2609,又係時間睏覺,今日係無打過 Notes 的。。。That’s All.

---
2449,仲未沖涼。。。仲未打今日 Diary,看來今晚打唔成了,好忙。。。

---
2321,搞左半日,終於改好晒個 Diary Coding。咪講笑,眼都矇埋 O.o

坐陣沖過涼先再打 Diary ~

---
1317



一起身就連睇 4 集 Keroro,終於追到進度喇!!非常好,打 Notes!
Created On 23/06/2005 10:54:35
Add Comment

2235,呵,開始!

1. 襯記得講左先,咁細佬聽日考中史 + 地理,咁當然爆幾句啦 ↓

.依家十點都唔到,唔睏都可以讀八個鐘,當你 Hea 陣,聽日讀到八點翻學岩岩好,仲要隊埋枝紅牛谷谷佢,反正禮拜五考英文、中文。

.你讀得半個鐘就去考一個鐘既野,我睇下你聽日點考。

.係背唔到就背唔到架喇,頂多睇一次算數。

.最後一次喇,考埋今次唔洗再考中史啦,如無意外既話

.聽日唔荒唔中史囉,直情搵個頭去

佢要揀科,咁就唔會話揀錯既,如果勤力的話。咁阿娘填個陣剩係填一個 Choice,咁佢問洗唔洗填其他。咁就出呢句 ↓

洗乜填唔多,一個就夠啦。機會唔洗多,只要係你就夠。甚麼揀科排位放一個咪夠晒。家下話俾學校聽如果唔係個班我就唔讀!

2. 今日發狂似的睇 Keroro。非常好!差 4 集就可以追到日本播放的進度!

咁下期開乜動畫睇都未決定到。除左 Keroro 之外咁就追緊《他和她的事情》 + 《甲賀忍法帖》,咁依家 Keroro 就追到,可以開兩套黎睇都得,一套 Heavy D 再加一套輕鬆爆笑既配撘唔知好唔好呢?

除左《Full Metal Panic》之外大家仲有乜推介?

3. 大家估下隻蜥蜴做緊乜呢 ↓



其實係因為沙漠太熱,佢地為左無咁灸腳所以要舉高佢地呢。係今日既《Built for Kill》講的。

4. 今日出左去深水埗高登陪人出機,咁呢,高登就真係好耐無去過,反而黃金都會去下搵 GameCube Game。

其實高登無乜野好,除左係一層過之外,價錢方面唔係全港最平既地方,可能係會比其他場齊 D 咁。咁朋友仔係個度買 CPU、RAM、HDD、MB、火牛、Display Card。樣樣野價錢其實同灣仔場都唔會差太多,係張 Display Card 特平唧,諗落都唔知係咪次貨。

咁見到著名黑店海X,睇中個款 HDD 最平係佢,不過朋友仔又話無信心,雖然我都係。咁仲有間店就爆,竟然窒個客,非常好,又 Black List 佢。咁見到傳聞中既大鋪 → CentralField,我都係覺得個條 RAM 係 $355,唔會 $344 咁「騎了」既。

另外 PC-Web 非常掂,偶給予高度評價!

咁高登完之後就黃金,睇過都係無《Pikmin 2》,之後行左落去地庫打個轉,朋友仔買左套 Microsoft 有線 Keyboard + Mouse Set,誠惠 $138。咁就撘翻地鐵翻灣仔。

一去到灣仔當然去電腦城睇價錢喇,一開波我就先贏一局,個 Microsoft Set 野係賣 $135,仲無話甚麼特別 Promotion,我諗可能有 D 仲平。咁我就順面買左 50 隻 DVDr,咁就無左 $130。咁之後再睇,CPU、HDD、DVDRW 都係平過對面海,係得塊板無得賣同埋塊 Display Card 貴多多,其他都係十蚊上落,所以話唔好睇小灣仔,灣仔場野有 D 係平過高登

咁再行去 298 (好囉,行晒三個大場。) ,咁就繼續睇價睇下會唔會「Dump 心口」,之前係電腦城都Dump左幾鎚。咁一黎就睇書先,見到有 D PhotoImpact 既書,都要成舊水本,係咁易揭下咁,其實真係唔值得為個 Course 買本書。

PS. 我唔會害人子弟既,有得點害,分分鐘佢地大賺添啦。反正部份技巧同 Photoshop 一樣,係 D Button / Menu 唔同,同埋無咁 Pro 咁。

咁就去買 Case,3F 個間鋪我係買過火牛,Case 我係樓下 2F 買既,送足咁多把風扇,係貴少少咁啦,你想一把風扇都唔加都幾過份,其實起碼都兩把啦。

好囉,好似買晒咁,行翻落 1F。但係朋友仔諗多兩諗又話買翻個 Floopy Drive,咁又抽住咁多野行翻上去 2F,頂。咁仲欠一對 Speaker,落翻 1F,點知睇唔岩,咁又再上翻 2F 買,同間鋪講,要對最平既 → $25諗住仲唔係最平!?點知一落翻 1F 就即刻見到同一款賣 $15。。。無言。無他既,佢新鋪我唔知,舊果 D 我認熟晒邊間平呢 D 就係主場之利,高登太遠啦,又唔係買慣買熟,中黑店就死得。

晏晝打 Diary 講到明係唔會幫手拎既,去到買完 Case 個 5 mins 內都無諗住拎。不過見朋友仔真係右手一抽左手一箱咁,潛在係我心深處既惻隱之心突然爆發,幫佢拎個抽野。注意,係佢買完 Case 之後 5 mins,即係拎住抽野陪佢行上行落。。。

結論:

真係想最平既起碼兵分兩隊,一隊高登隊,一隊灣仔隊,兩邊無時無刻以手電格價,咁就真係買到最平既野。唔係既話,好似今日狂 Dump 心口都真係咪話。不過高登隊搵翻 D 新界九龍朋友仔比較好,慳翻車錢,地鐵交收,正!!

下次我出機的話都可以咁做,呵呵呵。另外出機都幾過癮既,睇見對方買完之後發覺仲平 Dump 心口個下好爽!哈,出機既我陪你地出 ~ 亦都好樂意做灣仔隊隊員,高登隊都得既,如果高登隊有女隊員的話哇咔咔

PS. +hung 大大快 D 砌好部機 Install BF2,睇下值唔值買咁貴 Display Card。

5. 其實個 Diary 本身都諗好晒點 Upgrade 佢好,最想就改到 Multi-Users 喇,唔係想話俾人申請,有個邪念係將人地 D Diary Copy 一份過黎當然就唔會話你知係咪你。點解要咁做?無乜野既,係無無聊搵野做,又或者係重溫 Diary 既時候方便 D,依家有時想搵 D 舊 Post 都要 Click 餐飽。

咁正所謂 Diary 用黎記低 D 野等日後可以重溫下,家下我個 Diary 要搵舊 Post 都一樣唔方便,就算我係用 Word Document 打要 Search 都好麻煩下。咁就想係個 Diary 加個 Search Function,等自己搵野上黎都方便 D。其實好多 Search Engine 都會搵到呢個 Diary,這個 Search Keywords 真係千奇百怪,睇到我眼都凸埋。無他既,日日千幾字大把 Keywords 都中喇

除左呢兩樣之外,仲有其他既,不過做左呢樣先啦。

PS. N 月既時候好似又講過類似既野,印象中係講過 Search Function,不過 Multi-Users 就係呢幾日先諗既。

2431,今日係咁多 lu,聽日真係要打 Notes 的說,唔係就趕唔切。。。點解無人有 PhotoImpact 既書架,個個都係 Photoshop / CorelDraw。你地好野!That’s All.

PS. 講多句,某某鬧人既方法好毒啊,笑死我,哈。

---
1148,嘩,成日無啦啦落大雨呢,+hung 大大你都係唔好買 Case 住,我係唔會幫你拎的。咁大雨,我睇下你點算 ↓



頂多開傘遮遮你,又或者買頂 Coo 係頭既遮帽過你。

另外有 D 感觸添,家下時間過得真係快,D BB 仔都大得好快。02 / 03 年個陣我做緊 D 乜野呢?個陣係咪讀緊 Form 6?唔識計添。

1352,剛食完個 Lunch,好似無咁大雨喎。你真令我失望 ↓



又夠鐘食藥,呢期除左要寫 Notes 之外,其實想改改個 Diary Coding,好亂啊 D Code。。。
Created On 22/06/2005 10:54:35
Add Comment

2245,衰野唔好提,開始!

1. 補翻尋晚既 Diary 先,咁呢尋晚無聊 Hea 個陣見到無記有得節目去左曾蔭權家鄉南海訪問下佢家鄉某村既村長。第一個感覺就係,唔係嘛,咁都有關係?人地當了特首又關佢地事?!

咁之後諗多兩諗其實都無乜野既,鄉下嘛。有呢個感覺可能係自己對鄉下意識非常薄弱,甚至係 Zero。唔好話鄉下,應該都成 17、8 年無翻過大陸,依家我係無回鄉證又無回鄉卡的。不過我都無乜意慾想翻大陸旅遊的說。

PS. 對於自己的鄉下,只知道個地方名 → 順德,剩係知係廣東。。。

2. 尋晚都有個新節目上,都幾吸引的,就係 ↓



當中個位前學生飯堂話事人 → Nora 好搞笑的說,講野好直啊,同 Oliver 頂撞個幾幕都好激!不過今次 Oliver 都幾難完成任務,D 學生係鍾意食 Junk Food,死未。

大家可知道 Cook 同 Chief 既分別呢? Nora 就自稱係 Cook,而 Oliver 個 D 就係 Chief。

3. BattleField 2 。。。細佬係佢部機試左陣,佢用 9550 Set Low Details 都已經幾靚了,唔知最多 Set 到幾高呢。換 Display Card 意慾高漲!

係時候要改改 D 習慣,要用翻 Default Keys 去玩 D FPS Game,家下用 Arrow Keys 玩太唔正宗,下下要 Set 過好煩。。。

另外睇 Forum 睇到 D 爆笑野,真係笑左出黎。咁 BattleField 裡面有 Helicopter,有 D Player 揀做 Medic,咁就搞笑起來,佢地好似飛行服務隊」咁,邊度求救邊佢地就去邊到。。。哈哈。

另外仲有句係「跳傘請按 9 字」,笑死我。

4. 好了,終於到今日既 Diary,咁呢,今日其實夾埋都睏唔夠八粒鐘,晏覺其實睏唔夠,不過算係有多少嘈音嘈醒左我。激死我!搞到依家對眼好似有多少唔舒服。

睏醒之後主打都係睇片。Keroro 繼續放笑彈呢,呢張 Cap 圖特登 Cap 俾阿妹睇 ↓



今集既下半集係講冬樹變翻做細路仔呢。

5. 講開細路仔,今日《開心大發現》既下半 Part 就講左呢期有個展覽,由 Pampers 主辦,場內有 D 設計係俾 D 大人重溫一下當佢地仲係 Baby 既時候既情景。For Example :: 巨大化的椅、巨大化的爸爸手等等。唔知呢個展覽係幾時又完左未呢,真係想去睇一睇。

另外 Pampers 呢個牌子就係陪住我 Baby 時候的說,Baby 既時候我係用 Pampers 止尿片呢,哇咔咔。另一個牌子就係 Wyeth (惠氏) ,細個係飲 Promil (健兒樂) 奶粉大呢。飲到幾大個都仲有用奶樽既習慣仲要咬奶樽咀,D 牙唔齊都可能係呢個原因!

PS. 細個個陣,唔係 Promil 我唔飲唔係用奶樽入住唔飲幾麻煩架我,再另加骨氣。

6. 今日既重頭劇就係《瘦柴遇著丁》大結局,呢一集可以用惡搞黎形容,真係巧巧笑的說,咁就 Cap 左 D 圖。



Niki 好可愛呢,都係覺得某某似似地佢,如果佢可愛點的話。

7. 突然間發覺。。。呢個 Diary 好似變左電視節目表咁,呢幾日都係講睇過 D 乜野。。。之前就病簿日誌 + 光明與黑暗之旅

話時話,集 Shining Force 停滯不前,都唔知仲打唔打落去好,係過唔到 Devil Boss 過關,又唔想頹操 Level

8. 諗多幾諗,真係無乜理由會係咁 In 人,唔關得之佢地 Incharge 個 Group 既 Interview 會比其他 Group 快咁多 lu。。。

入到去係無乜主動問你野,好易有 Dead Air,雖然自己係有責任主動去講。但係呢個係面試黎,唔係個人短講囉。

好囉,下年可能又係同學,可以去報 GE 喇。

PS. 時間稍過,依家「失學失業感覺指數已經稍由 100 降至 85。。。

9. 今日講左樣幾爆既野 ↓

「嘩,做乜講粗口!講就大聲 D,唔好收埋係喉嚨度!」

你真不幸呢。

10. 呢個時候大約係妳既 0419,妳應該睏得好「林」啦。聽日就考完試,咁又可以同我 Chat。又再突然醒起妳無覆我 D Message,得閒就覆下啦。

Blessing.

2422,睏覺,攰啊。That’s All.

---
0257,吼。。。0050 睏到依家都睏唔到。。。證實失眠。。。

0334,都係睏唔著,唔浪費時間,嘔翻個 Portfolio 出黎先!

0601,終於搞掂個 Portfolio,追一追 Post & Diary 之後都要睏一陣先,再谷枝特強葡萄適!

0824眼睏到我爆炸。。。 0635 個陣睏左陣,仲要 Set 晒鬧鐘先確保起到身,都好耐無用過鬧鐘依樣野,之前都有信心自己起到身,但係 06 先睏點都睏到 10 先醒。。。

阿娘講得好準,果真係落雨。我個超輕便手執 Portfolio 裝 Interview 計劃失敗了,起碼要帶把傘的說。

0933,出門口了。唔知佢會唔會鬧我呢?哇咔咔

1319,完了。。。個 Interview 好糟糕。。。In 我個兩個人我覺得係完全唔識 In 人。。。啊!現在我的「失業失學感覺好強。。。

1530,睏個晏覺先,真係好攰。。。

1830,睏醒了。。。睇動畫!!
Created On 21/06/2005 10:54:35
Add Comment

2230,好緊張啊。。。

1. 話就話要趕好個 Portfolio,不過都係未開工,依家先食緊 Dinner。今日都無睏晏覺,咁今日睇左兩集 Keroro 咁大把,其他時間就係發夢 + Tune 相

Tune 相方面算係有多少進步啦,亦都試左 D Photoshop CS 2 既新 Function 咁。不過硬係有幾張相 Tune 來 Tune 去都 Tune 唔得好,但係其實個 D 相都影得好急,都影得幾差下。Um ... 都有少少 Frustrated 咁。好對唔住個 D Model。

2.



點解要咁陰公呢?就因為有人挑起我那股衝動,再加上我又發下夢咁。咁依家一定會短期內做既就係換 Display Card。現在用緊既係跟左我四年既 GeForce 2 Pro,其實依家都無乜需要換,不過想玩 BattleField 2,隻 Game 係唔 Support 咁舊既 Display Card。。。咁唯有換啦。睇中左 Asus Radeon9550 SE/TD,~$460

PS. 經過 GeForce 2 MX 既教訓,我覺得 Display Card 唔好買太貴,一年變垃圾咁。。。咁當然成日玩 D 好勁既 FPS Game 就另計,但係我自己就唔會

咁其實都想加多條 512 DDR,反正依家 Ram 價都好平下,大約 $360。依家雖然都係 512MB DDR,但係一開 Photoshop 搞 D 大 Size 既圖個陣覺得都幾吃力下,都真係唔多掂下。

咁講開 Photoshop,其實一路都想玩 Dual Mon可惜無銀彈。睇中個張 Radeon9550 就有 Twin Display,又平喎,實買佢啦!!咁有 Display Card 都無用架,都要有多個 Mon 先得,看來最快都要 October 先可以滿足晒 D 願望。

哼,我要儲錢! (聽住先啦 ~)

為求目的,都要不擇手段



3.



我何嘗又唔係有這種強烈的感覺呢,咪意為我有後路,其實我都係絕地反擊的。Tounch-Wood 係原地踏步,我的處境是妻離子散家破人亡眾叛親離。。。Friend 的數目可以話係 Zero,除非另外再同人混熟 D。所以我點都一定要走!一係睇開 D,都無乜辦法,你應該無問題既。

兩邊都係無乜前途,我想揀個有更有興趣的 Course 去浪費青春。依家唔係個 Course 放棄我,係我放棄個 Course!哼,我係唔會再俾任何野飛多次

PS. 話就咁話,我咁弱小,邊有可能做得到。

不過講開,我都係近日 (其實係尋日。) 先醒起,係喎我七月初出 Result 喇喎。。。

4. 明天要 Interview 的說,但係都未準備好晒。又唔知聽日塞唔塞車個下弊。明天一入去既時候就講「May I express my idea in Cantonese?」,我覺得都幾值得去搏一搏呢鋪。用英文講可能得 30%,但係用廣東話講點都有 80%,點都要問問佢呢。

直至呢一刻,如果佢問 Year 2 揀乜野 Stream 的話,我都仲未知點答佢好。好緊張啊,Bless Me.

2418,呢幾晚都 27xx 先睏,今晚一定要早睏!仲要心無雜念去睏得安安樂樂,呵呵。聽日最遲 0600 要起身打點一切。That’s All.

PS. 我係唔會永無止境咁等落去既!哇咔咔

---
2045,唉。。。果真出事。。。結果 14 張 4R Daily SnapShot 有一半都有色差。。。6R 個幾張好彩無事。講少句就搞成咁。。。

所以幾時都話 Auto 既野好易出事。。。睇佢用套一站式 Software 都知麻煩啦。就算我自己用 Photoshop Auto-Level / Curves 都有色差,因為 Histogram 本身係信唔過,只可以參考下。

唉。。。呢 20 張相晒左 $80。靚都無問題,至慘唔掂

---
2016,有多少火起,晏晝拎左 D 相去晒。話明 2000 有得拎,但又例牌未有,次次都係咁。要做就好快做到俾你,問題係佢唔做俾你個下炆。次次都係去到話要拎既時候先係你面前沖晒囉。

頭先又唔記得叫佢唔好 Tune 我 D 相,唔知陣間晒到乜野樣出黎。唉。。。好炆啊!!!

---
1145,唉。。。做錯事。尋晚本身已經夜喇,咁撈左段《3rd 機戰 Alpha》Demo 片翻黎,自己又忍唔住睇埋佢,咁睇到 0220 就諗住睏,點知段片睇到我興洽洽熱血沸騰結果睏唔著。。。

如是者 0220 磨蹭到 0320。。。起身飲杯水再睏過。。。再由 0320 磨蹭到 0420,終於睏到。誰不知道 0830 醒左囉。。。咁又起身坐下 Hea 陣 0920 再睏過到 1130。唉,都好似無乜點睏過咁。看來「壓力回歸了。。。

PS. 1. 想多幾想,除左「熱血」+「壓力」之外,尋晚既晏覺又遲睏,結果夜晚咪精神奕奕。。。真係該專。。。

PS. 2. 段片 180MB,睇到非常熱血的說。發覺左 D 野,原來超電磁個兩部機,一部係乾電、一部係濕電來的!唔睇唔知。

PS. 3. 網友對該片評語 ↓



早知睏醒先睇就無事。。。

PS. 大家都早點睏吧。。。凌晨三點幾仲見大家有網上活動。。。
Created On 20/06/2005 10:54:35
Add Comment

2240,究竟拖左咁耐想講乜野呢?咪就係 ↓

1. 就係扭計喇!





「扭計」呢樣野好似係細路既專利,人大左就會獨立唔扭計,之不過其實扭計真係非常好 Feel 呢。呢 D 野非筆墨所能形容。只要閒來扭兩野就自自然 Feel 到,唔親身體驗過係唔知既。不過咁就難免比人覺得細路仔既感覺架喇,有得必有失。

扭計對象首選就係阿娘啦,家姐又得,女朋友又得,阿妹都得,呵呵呵。女仔咪掉翻轉,扭下老豆、阿哥、男朋友,細佬就唔好扭。

PS. 目標 :: 扭齊晒咁多個計 ~☆

為左得到扭計既快感,細路仔都無辦法架喇阿娘、家姐細妹唔巧唔俾我扭妳地計唷,呵呵呵。

今日無記做埋最後一集既《我要上太空》,咁我就開始 ↓



2. Keroro 中既 Good Shot 就係呢樣野 ↓



「Hugging」其實好奧妙的,大家應該唔會試過呢?有部份人對表達自己情感感到困難,甚至有 D 人係唔會同人分享自己既感受。唔好覺得只是中國人社會傳統觀念導致這樣的現像,其實西方社會都一樣的,因為他們講求獨立、堅強。

「Hugging」係其中一種最複習而且簡接的溝通方式。「Hugging」能夠帶俾我地另一種既感覺。「Hugging」除左係表達雙方之間既愛,亦都是給予對方安全感信心信任等等,這些都是不能用口演譯出來。「Hugging」亦都可以提高自我的評價 :: "WOW, he/she is accepting me just the way I am!" 。「Hugging」是我們人生中另一樣重要的東西唷。

所以呢,大家閒來擁抱一下身邊的人,雖然起初係會唔慣,但應該慢慢會較容易接受的。擁抱呢家野無話硬淨既人唔需要亦都無話會唔會受只是你會唔會去做你 / 妳現在清楚了嗎?

PS. 1. 呵呵呵,我都好需要擁抱的。我不是硬淨既人,所以更加希望得到安全感、信心、以及愛呢。

PS. 2. 這個「Hugging」其實是參考這個網站寫出來的 (其實係劣質翻譯) → [Click Here]

PS. 3. National Hugging Day 是在 Jan21 的。

PS. 4. 明天先來過愛的經文。現在都頗長了。

3. 哈,家下先補翻講今日個流情表。晨早起身 Print 份 Portfolio 既 Copy 諗住之後翻教會俾老師留個底,誰不知道佢今日無翻的說,看來都係趕住改卷抽身不遐呢。

咁之後翻完教會翻屋企坐陣就睏過晏覺,1400 - 1500,係咪短左 D 呢?咁跟住就起身食 Lunch 睇動畫,睇到 1900 又睏個晏既晏覺,睏到 2040 起身食 Dinner + 睇電視。今晚 World 播《Four Weddings and a Funeral》,好違憾,撞晒節目無睇到。。。之前都撈左翻黎,不過話睇話睇,睇左成年都未睇,今次 World 播又無睇,都唔知幾時有得睇。

大隻佬套《End of Days》睇左下半集,都還可以啦,不過 IMDB 個 User’s Review 評分都 OK 低下。部份血腥鏡頭唔敢睇。。。啊。臨尾大隻佬又做英雄呢。

4. 今日主要活動就係睇動畫撈動畫。撈方面,除左連載動畫繼續撈之外,咁就撈緊《Gate Keepers》、《外星 BB 撞地球》、《Peace Maker》、《最終兵器彼女》,《最終兵器彼女》之前都撈左翻黎,不過今次就撈個 DVD 版 + 特典,下期都應該睇睇佢架喇。

咁動畫就堅囉,一黎就睇左《Keroro 軍曹》Season 1 Last Episode,係講 Keroro 小隊徹退離開地球。雖然知道有 Season 2,但係睇到都有多少眼濕濕呢。當然睇到最後有多少騙眼淚的感覺啦。

Keroro 小隊徹退一幕 ↓



冬樹 & 軍曹重聚一幕 ↓



最後當然係全員大集合啦 ↓



感動完一輪之後就一口氣睇晒 4集《青之 6 號》,由 1630 睇到 1900。呢套動畫如果係當年睇會比較震憾,2D + 3D 既畫風都睇慣了,不過其實都算幾好的。故事方面算不錯,之不過都係老土人類破壞地球,瘋狂的科學家與全人類為敵。咁「青」計劃當中的艦隊就去趕絕佢,就係咁多

PS. 青之 6 號係其中一首潛水艦。

咁之後夜 D 再睇多集 Keroro 咁就一日了,其實一口氣睇一套動畫有前科的,遲下先講講,呵。

5. 咁岩俾我睇翻 D 搞笑野,都成一年了 ↓



PS. 我都仲係忽忽地。

2536,其實仲有 D 野想記一記佢,不過又眼睏且今日都幾多字,留翻聽日先,哈哈。That’s All.

---
2405,好忙啊。。。沖過涼先。
Created On 19/06/2005 10:54:35
Add Comment

<< < 246 247 248 249 250 > >> 1458 Entries RSS