1. 很好，終於一發怨念，將呢期打既 Diary 既野講晒俾阿娘知。例牌個句「你傻左啊？亂講野。」說實在，我無亂講野的說。真係好唔開心下，又唔係讀唔到，真係讀得唔開心。
2. 唔錯，問過阿娘，阿娘話有幫我買保險，偶都放心 D，唔係陣間一瓜左就真係蝕晒。有保險都話可以賠翻多少。
3. 差 D 係街俾架貨車個側鏡車中個頭。你話如果咁樣俾個側鏡車死左都咪話唔神奇，肯定上頭條都似。
4. 天啊。。。呢期好似再瘦左！？唔係嘛。。。條褲應該係著鬆左姐。。。唔好自己嚇自己。不過有機會都搵個營養師幫自己 Set 個餐單先得，唔係怕自己真係就咁打蓋。過埋年應該做個 Body Check，睇下有無一 D 隱病。
5. 嘩。。。差 D 嚇死自己，這個《奇幻潮》個片頭好得人驚下。反而裡面內容「立」下眼都 OK 既，比以前個 D 算無咁恐怖。
6. 哈！聽翻 Macross 7 中 Fire Bomber 唱既歌突然有翻多少 Energy！哈。這個便是Music Therapy。

突擊ラブハート
Love Heart急速地穿過夜空，載著充滿激情的情感
去把悲哀與憤怒擊落下來吧
你的胸口中也有一顆 Love Heart，接納它吧，這是你的宿命
即使它在那億萬光年的彼岸　突擊！Love Heart



佢地既歌聽完好熱血的說！

7. 噫！你做乜拎我個電話亂打俾人！？唔係講笑，嚇一嚇。看看你能否活到新年的說，Baby。
---
是日啟發：

1. 襯得閒就係時候寫定遺書的說，都 OK重要，直情係人生大事。首先呢，部電腦裡面個 D Harddisk同我燒左佢，唔想俾人知道裡面咁多野，其他個 D零件俾人用。得既話唔好係殯儀館，係教堂，當係死後接一接受神既祝福。火葬都 OK架喇。送我最後一程個陣唔好大哭大喊，係心底度喊出黎就夠，但係又唔好唔喊，陰 D陰 D咁喊，即係要啜泣。如果有需要播音樂既時候我想其他人播《Let It Be》或者樂觀 D既就《When You Believe》，甚麼甚麼《Without You》個類就唔太岩。
2. 唉。。。唔關事既人都覺得失望，關事既人又點會唔失落呢。。。陰公。
3. 錯。家陣唔係為左一顆樹而放棄一個森林既問題，問題係無森林既問題。唔好話樹，草都無條。。。
4. 一個人既好處係新年有利是逗！總算有得賺下！
5. 家陣自己既情況係 D and D，即係又 Dry 又 Down。。。
6. 如果有得揀幾時死的話，暫時我會揀廿一歲。

---
神推鬼撞之下無啦啦點幾約左人出去飲 Tea。得到好多既啟發的說。這個三越樓下間麵包店都 OK 抵喎，家陣做 Promote $24 蚊一個 Cake Set，任揀蛋糕 + 飲品。下次都可以再試下的說。

有時 D 野整定的說，又行左次年宵！？個 Comment 一樣係無野睇。

1. 唔係講笑，覺得自己都幾神人。尋晚一點睏，朝早十一點起身， Hea 左陣十二點再睏過，睏到五點幾起身整個爆鬥宣言就出門口。。。睏左成十幾個鐘，另外成廿四、五個鐘無食 + 飲過野。仲要唔餓唔渴個隻先恐怖。。。是不是染上厭食症的說呢？
2. 當一眾人去到維園既時候都唔知邊個問左句「做乜咁多雞既？」有一陣 Dead Air 先醒起今年係雞年。。。另外有幾個攤既推銷檔幾得下，仲要係連鎖式經營個下先堅，講既方式係一模一樣，儘管賣既野唔同。。。其他個 D 都無乜特別，係支衝天火箭幾爆，係某 D 人先射得勁！仲有唔開得淨係用黎「掤」人既吹氣接櫈。另外見到飛天既 Hello Kitty，都 OK 恐怖呢。仲有好多染色花，變態的。

總結： 年宵花市係為行而行的。。。無乜野可以買得落手。枉維園花市係全港範模最大的說。
3. 行得唔係好耐，不過都好攰。。。幾隻人坐左係維園對出既櫈度都幾粒字。。。很好很好，特登唔孭背囊 / 斜袋，不過都係咁攰。
4. [國語] 見鬼！ [/國語] 做乜間韓燒咁多學校 D 人既！？畢左業又有，未畢業又有，成班出黎都有，真係多成咁啊。
5. 難得挑起左條打牌癮。。。最後打唔成。。。家陣唔係未試過打麻雀無麻雀嘛，你咁屎既！？

為左可以重新開始，決定將個心情打到 100，哈。另加打機！還是一樣！機戰！
---
說時遲，那時快，已經過左「立春」，亦即係話今日已經算係新既一年。新一年當然係有 D 爆鬥宣言，尋晚同人食飯已經諗好左。如下↓

1. 農歷新年期間絕對唔會出去拜年，係唔鍾意去到人地屋企睇電視，係屋企 Hea 都好過。
2. 甚麼恭喜說話應該唔會由我口講出黎，最多唔講粗口。
3. 決定唔再做過好人。
4. 唔會再去主動，寧願無就算。
5. 將「有性格」發揮得淋漓盡致

重要既係咁多，出街食飯。
---
頂你個肺！既然係咁就咁囉！That's all.

Er…百感交集，一口氣講晒佢之後就 Hea + 接埋。
1. 這個為免白頭人送黑頭人，所以要襯阿爸阿媽未有白頭髮之前死左去。。。
2. 你個下巴鬆溜溜，想話收收佢，定佢 Firm D？收下巴大法，就係講粗口，唔信可以自己試下講句 X！日子有功，所以我下巴都幾 Firm 下。
3. 煮野食俾人 / 人地煮野食俾自己都係好幸福既事，但係煮野食俾自己係好淒涼！
4. 點解女多個男但係仲有男仔係單身？因為剩下來既個 D 女人係男人黎。。。
5. 女人係鍾意 D 平野，係 Cheap，不過Cheap 極都唔理你。
6. 上期講個 Supply and Demand 既關係，點解咁耐都未到 Equalibrium 呢？Cert Level 大家可能解唔到。但係去到 A Level 大家可知道這個世界係有 Dead Weight Loss 呢樣野，這是不可能全完解決的。
7. 我都想話有人向我 Dump D 石仔激一激起我 D 浪花，可惜又無喎。係咁做 Dump 石仔個個都幾低能。
8. 點解你地咁易識人、又有豔遇，何奈我乜都無。。。
9. 追人好似打 RPG Game 咁打怪獸一樣，睇下隻怪獸有無話跌乜野寶物出黎。今次無唔緊要，打過第二隻。之不過今次一野俾隻怪獸打低左，唯一解決方法都係要同有實力既魔鬼作一個契約先得。
10. 呢句都唔記得我講定佢講「頂！ D 女成日話自己幾霉幾唔掂。俾個機會你又唔珍惜。再者，俾個咁霉既你拒絕左，咁我係咪仲霉？」
11. 我是一條明渠，已經無遮無掩，點解無人 Dump D 野落黎激起下 D 屎水。。。陰公到可能連屎水都無。唔好話食屎魚，連屎蟲都無條。。。你話我係咪陰公。
12. 今年廿歲，都差唔多要買定老人屋 + 壽終服務了。不幸中的大幸是搵到室友，大時大節大家留係屋企到打牌打到天昏地暗吧。
13. 家陣坐定諗翻，今晚講左好多好多粗口的說。本來又想試下個酒筲箕係咪飲幾多嘔幾多，可惜最後都無飲到。。。
14. 人生算不算是無憾了嗎？試過唔洗面懵得左，試過唔洗面懵而失敗左，都試過面懵左而失敗左。剩下既要面懵而成功我家陣話唔稀旱。
15. 這個男生女性化同女生男性化問題都幾嚴重下。。。有無方法可以解決下。
16. 你估我係蠢仔麼，當然心裡有數啦。算係了結左件事。讀書方面再衰 D 既話又了結多件心事。咁我就真係可以開開心過生活。
17. 點解 D 人會成功的說？真係百思不得其解。我想我的人生將會係由「泡」組成，情況比「霉更嚴重」。乜野叫「泡」？Example : 你 D 肉都唔結實，好「泡」下喎。意思即係話鬆散。
18. 雖然係有多少心理準備，但係都有 D 心情繃緊。某程度上睇高左自己啦。原來自己咁水皮，哈。
19. 不過點都好，係無怪過任何人，整個故事都係自編自導自演，我想好人的結果便是這樣。話時話，有多少想試下傷害人！不過點都好，我對整個人生都覺得係灰，應該終生不娶了，你信唔信都好。有得揀點樣死得輕鬆又快樂既話都唔錯。諗到個唔錯既方法，就係自己買重保險，咁岩身邊又有個「泡」到極點既朋友仔，佢同我同歸於盡，咁我就死於意外，有保險賠，最多分翻半俾佢屋企人。咁呢個人生都有 D 意義。
20. 友人話「男孩子係一齊左先有感覺，女孩子是有感覺才一齊。」很好，我贊同的說。
21. 無他既，學你話齋「又唔高大、又唔靚仔、又唔係有錢、又唔係壞男人，你係無行架啦。」很好，再次贊同的。
22. 說真的，成晚雖然係咁講笑，不過其實係笑中有淚的說。如果可以的話，我倒想是喊一喊出黎。下下差少少先得，激死。其實唔止係呢個問題，想話喊好耐，真係好辛苦，我覺得真係好疲倦，想好好的睡一下。
---
甚麼東西能夠能屈能伸？

螢光棒
可以屈，屈完仲要曉發光 (強顏歡笑) ，之不過發得咁上下光就墮，最後仲俾人 Dump 埋。

竹
呢個係最屈得，屈到 90 度都唔會斷，之但係無人會去屈你。。。 (最爆呢個。)

鉛芯筆 / 鉛筆
呢樣野唔屈得，屈就斷就無鬼用，仲要一味俾人鏱同刨，都咪話唔慘。。。

火柴
最堅呢樣，雖然唔屈得但係屈斷都仲燒得，俾個叻你！

軟膠水喉
Er... 你屈左啦？完全唔覺。。。本身都接接地。

溫度計
要用英文講先全神：「Can be affected by others easily.」。仲要唔屈得，一斷左就就係廢物。

我就是一個「溫度計」，仲要探肛個隻，係咁俾人 Suck。。。
---
哼！死死團報到！



---
祖國出品果然與別不同。。。這隻是異變版 Qoo？！蠻嘔心的說。。。天真的眼神、稀疏但性感既頭髮、方型既耳仔、仲有蝦蛟鬚添，真是天殺的。。。大家知唔知乜野叫「Haohe」，即係國語既「好喝」。以下呢句係轉的「飲到好似隻野咁，真係唔慌唔好喝囉」。。。XD



[原文在此]

甚麼是 “Someone Special”？ 字面解咪一個特別既人。但係英文解法似乎有 D 分別呢。
[按此看看是甚麼意思吧]

個網頁講個 D 野都好中，還是不知道甚麼是 “Someone Special” 的便算吧。
---
1. 唉。。。尋晚同今日晏晝做左 D 天地不容既事。。。由上年八月識既同學，分別於尋晚同今日晏晝見過我對佢地發脾氣了。。。我都唔知點解我會發脾氣。尋晚發既脾氣既原因應該係太疲倦，仲要我將腦細胞活躍起來，又講極都唔明個下真係無名火起。。。發緊脾氣既時候說話既方式當然有變。最後俾我冷靜左幾分鐘到慢慢收火，個局面都唔算太疆，因為對方容得起我個陣既脾氣。

到今日晏晝做完 Lab 個陣，我竟然為左係邊度食下午茶而同人嘈交。。。個陣局面疆得好嚴重。。。另外個位朋友仔彷彿變作一頭小綿羊默不作聲。。。家下諗翻起都覺得恐怖。啊。。。我都唔知點解個一刻會發咁大脾氣。我想這便是 EQ 低吧。幸好經過一段時間冷靜一下，個團火熄滅。都好感謝佢之後無嬲到我。

我想大家應該知道點解平時無人走去惹我呢個「斯斯文文」既小男孩吧。說實在，我脾氣真係大到有時自己都唔敢信，仲要話黎就黎個下先得人驚，有時自己都控制唔到，這是 EQ 低吧。無事既時候好似個「好好先生」咁，但有起事上黎真係尤如大風暴一樣，講起野上黎真係狠毒下。

不過我最覺得遺憾既係無親口同對方講句「對唔住」，由邊個觀點同角度睇都係自己既錯。本來想講架，不過就係無機會，聽日見到面既時候一定會同你地講。 [哈，這處是語帶相關的！] 我保認係餘下呢個學期內唔會再對你地發脾氣，遲下到期先再 Extend。

PS. 係度講句先，「真係好對你唔住， Wilson & Alice」。

2.



3. 各位飯團既團友，這個年尾聯宜活動既日子可以為今個禮拜既五、六，或下個禮拜一、二。地點照舊銅鑼灣吧，偶突然想食齋，哈。個人比較建議今個禮拜五、六。下個禮拜可能要用超根性去執屋。。。另外都可以睇戲喎，有一兩套戲都好似幾吸引下。
---
轉貼，不過講得好準！哈，我係一個好人。

你會覺得你跟她成為男女朋友的機會越來越高
你會覺得，她就是你朋友總是跟你千篇一律所說的一句話：「是你的就會是你的，緣分到了你躲都躲不掉」中所指涉的對象。

你的付出會越來越多，你對她的關心會越來越高，你會認為，他會因此受到你的感動，而接受你對她的種種付出，並且用她的感情回報你....
.
..
...
....
.....
......不!!

完全不是這樣!!
>你太天真了
這個社會是殘酷的~!!!

她不會感動，也不會感謝你，她只會產生一種感覺

這個男的想要追我這個男的想要追我
這個男的想要追我這個男的想要追我
這個男的想要追我這個男的想要追我

自此之後，她在msn上的回應語句越來越簡短，你上線，她不會再跟你打招呼；你打招呼，可能半小時後才有回應，或是直接送你一個笑臉或把狀態調成「XXX的狀態設定為離開、可能無法回應...」。

回應語句大幅縮水，通常僅剩下「嗯」、「恩」、「ㄏㄏ」、「呵」之類的語句打發你，回應字數不超過五個字，似乎間接在和你說「不要再煩我好不好」

你會發現她突然從msn的名單上消失，直接離線，你往往來不及和她說聲晚安或說聲掰，彷彿突然失蹤。

你如同以往，傳簡訊向她請安，她回應的比率趨近於零，你的熱情開始熄滅

你納悶
「到底發生了什麼事？」

她不再主動打電話給你，你打電話給她的勇氣不再，怕她當場發卡
她在電話中的聲音已不若初識時熱情活躍，反而如催狂魔吸走你的快樂
讓你全身瞬間充滿冰霜....

約他出去好了，她總有事情推託..
運氣好一點的她答應了，但總是在前兩小時傳封簡訊跟你說...

「不好意思，我今天晚上臨時有事不能去了...」
「對不起，今天晚上要跟朋友出去，所以不能陪你了..」
>(我們就不是朋友喔??)

初識的熱情不再
你會開始感覺莫名其妙

「我到底作錯了什麼？」

你會一直安慰自己，她可能害羞，或是在考驗你...而遲遲緊抓住不放...
事實上，她已經偷偷地把卡片放進你的口袋....

最後，你會被迫找尋新的對象

然而，這一切是個鬼打牆...從頭開始這是一個無窮循環....



看完以上的故事 你會身同感受嗎



有的話恭喜你了...因為

你~是~好~人~

XD

1. 有時呢，見到個 Diary 有亂碼既話都係正常的。唔知點解一 Set 左 Auto Update 去加 Diary 既話有時就會出現亂碼呢。暫時都未知道解決方法，通常第二朝起身會手動 Update 一次，咁就應該無亂碼的說。

2. 今日想話去櫃員機提幾舊水出黎，朝早去火車站，點知又排大隊，去到銅鑼灣地鐵站又得翻 $500、$1000 大紙，係 TimeSquare 個度又大排長龍。最後係佐敦地鐵站先拎到錢。。。唔係嘛，想拎多少錢都咁困難既！？

3. 今日聽到 D 幾震憾既野，原來香港大學生入一 D 會做委員會既時候要接受一個連續少則十數小時多則廿幾個鐘既 Consultation。問下去 Consultation 咁長有乜做，原來係無乜野做，係坐係度等，唔係咁無聊嘛。另外時段仲可能係晚七至朝七，乜咁低能啊，夜媽媽仲有人咁無聊黎 Consultation。經過一輪解話之後，聽聞時間咁長係「鍛鍊意志」！？Oh My God。。。都真係癡癡地。恕我直言，諗呢種方法既人係無聊，去接受 Consultation 個 D 係白癡，你話正常時段好實際咁討論下 D 問題既話就絕對合理，但係半夜三更不眠不休咁硬膠膠 Consultation 真係無謂。

講到呢度就好有興趣問下海外留學生會唔會有 D 咁既「傳統」，私底下問過一兩位都話絕對無的。難道這個是香港學生自創？老一輩既委員虐待新人既無聊玩意？真無聊。看來和甚麼 O-Camp 一樣吧。其實大家究竟為乜「上莊」呢？有被虐心理？還是太空閒？不論任何原因，好多人都覺得無謂。。。

聲明：「絕對無語帶相關，只係有感而發。」

4. 命運是對手，我永不低頭。。。咁咪撞穿頭。。。貼塊膠布吧。。。


5. 暗暗地鍾意一個人可以做得 D乜？都其實無乜可以做，平時人家有乜需要幫手既咪主動 D伸出援手；有得見就見多人幾面；見唔到面既咪會擔心下 / 掛住下人；天氣凍 / 落雨既時候咪講多句著多件衫、記得帶傘子出街；平時有機會咪留意下對方既一舉一動、一言一語咁；有乜大時大節咪 Send 個 Message 過佢；行街見到有乜新奇有趣既野咪買下來睇下有無機會送俾人；無野做既時候咪想想人家。。。

其實仲有好多好多。。。不過好疲倦，差唔多到發脾氣既地步，唔想再諗落去。
---
今日上虧佬個堂試下睇開 D + 選擇性聆聽，真係好似無咁氣頂。不過其實伴我成個 Lecture 既係一杯 Hot Tall Latte。飲住咖啡上上堂心情都輕鬆 D 呢。最有效既竟然係呢個方法，哈。不過飲完之後好急殊殊。。。

晏晝五個人去佐敦一間日本料理食，好唔好味呢就見仁見智。不過都蠻多味精啊。。。食完個肚有 D 唔太舒服，我呢 D 咁既人真係好易死。我食完之後就隻身撘地鐵翻銅鑼灣 TimeSquare，都唔係講笑，個個時間都唔算少人呢。買完我要買既野之後就行去 SOGO 買 Cream Puff 俾同學仔食，兩個普通 Puff 兩個係新出既卷。另外原來 D 朱古力放左係 Freshmark 既另一邊，唔怪得之尋日搵極都無啦。

本來諗住撘巴士翻 Poly，不過又要行翻去 TimeSquare 個面。結果都係撘翻地鐵，係翻佐敦出，原來由銅鑼灣去佐敦要 $6.1。早知係尖沙咀出啦，兩邊都要行，今日仲要落雨添。。。最後應該兩點半上既堂結果成三點幾先到。當我食完個 Puff 之後諗住認真上堂個陣佢竟然話 Break！？唔係嘛。。。激死。

上完一輪堂之後好倦。。。翻屋企撘車仲要無位坐。。。[機戰] 學 D 無臉士兵講：「撕媽打～嘩！」[/機戰]
---
尋晚睏得勁好，可能真係太疲倦。。。就快九點，印緊 Notes。其實都不太願意翻去上堂，今日再睇下佢 Take 唔 Take Attendance，如果真係唔 Take 既話下堂我唔上了。。。Lunch 又唔知食乜 + 同唔同人食好，想話去 CitySuper 買 D 野，晏晝買既話夜晚就可以直接翻屋企，咁就無咁辛苦的說。

我想我真是一個蠢人吧，那一、兩篇很短的閱讀理解還是搞不懂。究竟作者係咪話其他人是沒有任何機會，叫佢地放棄？還是其他？或是無任何意思的？也許是我比較蠢 + 無聊 + 多餘 + 白痴 + 低能吧。。

其他人對那些閱讀理解既 Comment ↓


唔止你地，我都覺得好玄。。。
不過「You are someone special!」