再試試個 Auto Update 先！

1. 唔錯！努力安排活動中！希望大家多多支持！
2. 好少何係你搵我話食飯呢，一路都係我搵你地食多，看來你真的變了！唔錯唔錯，遲下夾 Time Table 睇下邊日可以一齊食。講開就唔抵，邊有可能肥仔禮拜四、五都 Off！！！
3. 頂！成晚個 Server 都唔知做乜！成日都入唔到黎！激死我！吼！！
4. 好開心，星座運程話天秤座 05 年會好好運啊！正啊！看一看↓

白羊座：工作運72分 金錢運65分 愛情運87分
金牛座：工作運84分 金錢運85分 愛情運79分
雙子座：工作運88分 金錢運91分 愛情運99分
巨蟹座：工作運79分 金錢運79分 愛情運60分
獅子座：工作運61分 金錢運61分 愛情運75分
處女座：工作運87分 金錢運89分 愛情運81分
天秤座：工作運89分 金錢運87分 愛情運97分
天蠍座：工作運84分 金錢運74分 愛情運78分
射手座：工作運79分 金錢運78分 愛情運84分
摩羯座：工作運88分 金錢運82分 愛情運90分
水瓶座：工作運90分 金錢運73分 愛情運87分
雙魚座：工作運76分 金錢運70分 愛情運80分

哈，佢講到咁，我有 D 飄起添。不過真係參考下算，太信就迷信 ~ (哼，低極都有 60分。天秤愛情差唔多頂爆喎，工作、金錢都爆爆地！正！)

[Click 呢度睇上半 Part]

[Click 呢度睇下半 Part]

5. 哈，睇完個張相係咪覺得好正呢，真係可愛到爆，影既角度 + 衣著又襯得岩岩好，係咪好有衝動搵多些佢既相翻黎呢？真係靠你了！
6.

唔係同你講笑，我都會對某類人怯怯地，大範圍 D 講我對住所有天蠍座既人都真係估佢唔到，男都還可以，女既真係完完全全 100% 摸不著頭腦，仲會有 D 怯個隻。何奈身邊好似最多係天蠍仔女。
---
其實我係想講呢樣野架。 D 人成日話有幾慘有幾唔好彩 (唔係指甚麼天災。)，但其實可能曾經有好多機會係佢地面前出現過，只係佢地唔懂得把握 / 珍惜。有人話自己無財運，點解唔珍惜現有既工作，努力的做工，總不會餓死街頭嘛。又有人話自己無朋友，但係可能佢地唔珍惜同朋友相聚既日子，朋友聚會永遠缺席，就算幾熟絡既朋友都總會因此疏離多少嘛。有人話自己身體唔好，點解尚算健康既時候唔注意自己的身體，到有起事上來先後悔。亦有人話自己會孤獨終老，但係點解有人追求既事候卻對人不瞅不睬呢？到人家已經有一個幸福既家庭既時候先黎後悔，個陣太遲了。。。

點解人要到無左先黎後悔呢？有既時候又唔珍惜？人看來都係一種犯賤既動物。。。難度人生係有多少遺憾先叫做人生？唔係嘛。。。襯週邊既人同事未失去之前留下一些影像 / 照片作過紀錄吧，到老來看一看錄影片段、舊照片真係幾幸福的。

PS. 講開照片，家陣 D BB 仔真係幸福，咁岩數碼相機咁流行，個個 Daddy、Mammy 都日日影個 BB 仔。有位老師係得閒到整個網頁放佢 BB 既相 (仲要係學校 Server！？)，由 Day xx 至到 Day xxx 都有，家陣睇怕阿 BB 都 OK 大個了，呵呵呵。到 BB 大個仔睇佢 Daddy 日日咁得閒影自己都咪話唔有趣。

---
[國語腔] 現在是晚上七時二十分。 [/國語腔]

噫， Update 慢左添，都諗住六點零 Update 架喇。無計，突然有人問我一 D 日劇既野加上又打緊機所以 Up 慢左。個 Auto Update Function 話就話 Auto，但其實點都要我打好晒先。而且今日個 Server 好似好 Busy 咁，想 Update 都好麻煩。你咁都入到真係厲害！

好開心，有人識欣賞《在世界中心呼喚愛》，有電視版同電影版 (好似仲有小說的。) 電影版主題曲係平井堅唱既《輕閉雙眼》。電視版就係柴崎幸唱既《存在》。兩首主題曲都好好聽，真係點都要聽一次。不過其實電視 / 電影我都無睇過的。。。細佬就好似睇左電影版。電視版 D 人話感人 D，十一集有十集都會睇到喊，我都想睇下係咪真係咁堅，不過點都比近期無記既韓劇好排，要 Torrent 檔既搵我，好野一定要大家分享！電影版就會今年 Feb17 上，香港都較少上日劇，大家有機會點都要睇一睇啊！That’s all！繼續打機！
---
尋晚無覺好睏，四點半到去再睏，睏到五點都睏唔著。朝早七點幾又醒左次身，再去睏過，睏到十點幾起身。計過應該睏得四個零鐘到，激死。下次都係唔好睏咁耐晏覺，次次夜晚睏唔著。一睏唔著就會搵野諗。看來睏唔著唔單止係睏晏覺呢個原因，好似有多少野煩緊 + 憂慮緊。係乜野自己都唔知，總知就係心情麻麻啦。

[國語腔] 現在是凌晨四時二十分。 [/國語腔]

搞完一輪，搵到多少位 Download 我果兩套《小魔女DoReMi》，不過好似無種添。唉，呢 D 野真係手快有手慢無，希望仲有種喇。

另外都 OK 壯觀的，這個 ICQ List 到差唔多大部份人都係 N/A Mode，都幾少見下，無人 Avaliable 既？有都係 D外國網友 :D

好！睏得！仲要安詳個隻！呵呵呵
---
[國語腔] 現在是凌晨三時三十六分。 [/國語腔]

睏晏覺既風險又再遇到 → 睏唔著 + 睏唔「臨」。。。即係我地成日講既失眠。根據專家話，呢個會成為一個循環。夜晚睏唔著 → 日頭較容易疲倦 → 睏晏覺 → 夜晚精神左 → 更夜睏覺。。。我聽日唔要再睏晏覺！

另外家陣有多少迷惘，那個是夢境那個是現實呢？為何夢境會這麼「生活化」呢？有時起左身真係唔知自己發緊夢定係現實生活。。看來我痴了線。。。好凍，再去睏過 ～

PS. 嘩，你班人係未睏定係醒左，咁夜都仲上線既。。。仲要同我 Say Hello 個下先堅。。。早 D 睏喇各位。。。奇怪既係點解例夜個個唔見左，仲想話約佢 Tea 添。同你講句「禮拜三、四、五有無邊個晏晝得閒，去 Tea 吧。」
---
1. 今朝又睇翻《美味天王》，真係好搞笑的說呢！跟住既時間都係打《機戰 GC》，家陣打到第三十二話，進度好似稍慢啦如果要呢個禮拜內爆機的說。(總共有五十九話。。。仲要越後越花時間玩。)
2. 今日晏晝無食水。。。晏晝無煮野，淨係拎左 D 薯條 + Pizza 仔去焗爐焗，加 D Pepper + Salt，真係幾鬼好味。不過無水洗水先煩，結果搵 D 蒸餾水洗水。。。今日見倦倦地早左睏晏覺，可能天氣又凍翻既關係，睏左幾粒鐘，睏到七點到起身 lu ～☆ 之後都係處理下 D鎖碎事，期待今晚 CSI ，原來尋晚禮拜日晚都有 CSI播架，睇怕我 Miss左幾集了。
3. 晏晝部 iPod Mini 叉夠電，細佬走左去試試佢。噫，聽左一兩下，真係幾 OK 架喎 (AAC Format，定係心理作用覺得好呢？) ，個 iPod Touch Wheel 真係好鬼好 Feel！！我都有 D 心動想買部，呵呵呵
4. 專用黎 Download 個部 PC 個 Harddisk Full 晒咁制。。。想 Download D 野都無位，仲咁岩有人話《小魔女DoReMi》第三、四輯。激死。。。得閒都要過一過去牛頭角拎個 120GB Harddisk 去換，家陣真係容量短缺。。睇怕都要花多少時間去燒 D Files 落 DVDr 先得。。。
5. 哼！家陣諗翻都仲係咁嬲！！！頂！

1. 諗起就火滾，頂佢又唔知自己笨手笨腳。講多兩句又發老脾，真係正扑街。錯又唔肯認，一味係度死撐，撐乜肯野，收喇。

我就真係笑唔肯出喇，至憎人係度死撐，無料又認屎認屁。碌肯大對眼你估我驚啊？一係就打死我，咪肯係度嘈嘈弊。心情直插谷底！頂！
2. D 火猛到炒餸都得，呢 D 都唔知乜人黎！我呢 D 就係無事就無事，你撩起我把火真係同你死過。Sorry，我係記仇喎，老來大家各行各路。就是這樣。
3. 火還火，今日阿媽買左部 iPod Mini過細佬，望落又真係好似好正咁，希望佢用得好好地唔好用到咁快殘。咁就兩兄弟一人有一樣新「玩具」過新年。
4. 夜晚花左多少時間係

其實想睇下有乜公仔岩心水，訂翻一個半個送俾人。不過呢期 Yen 貴，可能遲多少先訂，都睇岩左好多款下，家陣仲諗緊邊款好 D，預佢寄得黎都要兩個禮拜到。不過 4000Yen (5%Off) + 2000Yen 郵費 + 150 Yen 既禮品包裝當佢七算半都要 HKD 500，都其實 OK 貴的。不過又真係幾靚 + 可愛下，唔計得咁多。
---
機緣巧合見到呢篇文，覺得講得幾好的，希望大家花多少時間看一看。

睇落點解咁似某 D 人既。。。應該唔會係你嘛？

1. 原來一次過打個 Diary 係幾花時間，咁就搞左我成晚。諗住加個 Auto-Update 既 Function 點知 D Quote 個度出左問題。。。激死我，唔通要下下用 Big5 Code 打 Quote？！用九方打下句號、逗號、方括個 D 就話方便，一打 Quote 就要去搵，咁就唔方便了。。。
PS. 1 這個 Point Form 既 Spot 係臨睏前打的。
PS. 2 打得字多，隻手指尾好痛，唔係隻手指尾打字打到痛，係因為無字打年痛，差唔多係成日曲埋左。。。又習慣左用手指尾去鏱個 Shift 、 Control掣。。。巧痛哇！！
2. 唔知點解今晚好似特別忙咁，未停過咁制，一路打字打字同打字，咁岩 ICQ 有幾個人問野，結果就起勢咁打個 NumPad，個「1」 俾我打翻鬆，不過今次到個「6」同「9」有多少辨認不良，係我打得快定係個 Keyboard 真係壞呢？仲諗住打陣《機戰 GC》添，好彩之前睏左陣晏覺，夜 D 睏都還可以，不過家陣仲未沖涼。。。
3. 今晚八點正開飯，到九點四先食完 (其實係食唔晒 D 飯，係食左 D 餸。) 我知點解食咁耐喇，原來我次次食飯都會做緊其他野多 (呢 D 就係唔專心了，呵呵呵) 。今晚就睇緊電視 + 打緊字。睇陣打陣先食多少飯，等到 D 飯同餸凍晒先開始食第一啖飯。。。 食餐飯食咁耐，所以好快覺得好飽，久而久之就食好少野。所以就咁奀了。
4. 睇電視見到有個賣「智能豆漿機」廣告，心諗，大家唔係無聊到要自己磨豆漿的說嘛。。。雖則好似衛生 + 健康 D 咁。不過真係有點兒那個呢。。。
5. 噫，藤木直人既《黃昏》都 OK好聽呢。另外 Mr.Children就快出新歌，期待中！
6. 這個「鼻頭生瘡，錢就洗光」。。。所以家陣我銀包空晒。。。
7. 終於打晒。YeaH ～★ 走去打陣機戰先！銀河暴風、旋風、疾風巧勁哇！部斷空我好屈。。。部 Ez8俾我改爆武器。反而部重戰機亞路加俾我放左入雪櫃。。。
---
[其實同下一段 Post 都係同一時間打，不過分開 Post，呵呵呵，都係食緊晚飯時候打。]
咁四點鬆 D 睏到六點九到起身，起身就走去睇 Pearl既《Oliver's Twist》，雖然重播，不過未睇過，今集講 Fusion菜，唔錯唔錯。想講好耐，佢張工作枱設計真係幾好架，遲下先 Cap圖，張枱本身就係鉆板，張枱有個窿窿，用途係拎起個垃圾筒蓋，亦都可以就經過窿窿咁堆 D垃圾。都真係幾方便。

睇完之後又走去睇 TVB 既《新聞透視》，今次講赤貧既問題，說實在真係幾難解決的，家陣唔同以前，唔係話肯挨就賺到錢 (咁當然唔挨就實唔得喇。)。下一代要脫出赤貧的循環，就真係要努力讀書。中產家庭既仔女每月讀書 + 生活洗費係七、八千蚊，足足係低收入四人家庭每月既開支。。。無言。都係個句喇，「珍惜眼前所擁有的東西」。

睇完 Hea 左陣又走去睇烹飪節目，今次係睇 World 既《Yan Can Cook》，真係好好睇，呵呵呵。甄文達真係好搞笑。睇圖！


哈，至鍾意睇佢教 D 外國人 D 食物廣東話點讀，今期有「燒鴨」、「炒粉」、「芹菜」。呵呵呵，佢講個陣都跟住佢地一齊講，真係好搞笑。仲有佢例牌既「Woo… It is so beautiful.」、「Very Nice」、「Cut it like that.」，最後佢個兩句先堅「Yan can cook, so can you!」、(右四)國語腔「再見！」，正爆！

PS 1. 大家知唔知 Eggplant 係乜黎呢？真係估都估佢唔到，我都係睇完個《Yan Can Cook》先知，原來用油泡可以保持原色的，用洽既方法會搞到好醜樣架，想知答案？ 反白看看 → 係茄子。。。
PS 2. 另外個兩位廚師都有食物交叉感染既可能呢。。。生同熟既食物都係用同一個鉆板呢。

---
今日繼續頹廢。。。睏到十點鬆 DD 起身 Check Post 搵野 Download 搞到十一點幾十二點，睇埋無記播既《魔界小金毛》就打《機戰 GC》，本來想自己整晏晝食既，點知玩下玩下玩到兩點幾。見有人用左個穫 + Pan 就費事走去洗乾淨去煮野。心血來潮想試個老麥新餐，見有套衫褲著過未洗就落街買左個「牛肉招財漢堡餐 + 蜜桃橙新地」，(個飽叫「招財進堡」會仲正！) 誠惠 $29.8。



呢個野好唔好食就見仁見智，不過所謂既牛肉招財漢堡就係黑椒漢堡既加長版，真係一樣味道。個薯圈同哈迪斯個隻差唔多，不過哈迪斯個隻個 Texture 好似好 D 咁。味道同肥肯既薯塊一樣。杯黃金橙特飲一飲落去覺得同雪碧一樣，懷疑係用雪碧做底再加濃縮橙汁。個蜜桃橙新地都 OK既，因為自己鍾意食 Dessert。不過成三十蚊就真係唔飽的，都係貪得意食下佢咁。

食個陣睇左陣網球，大威真係好筋肉啊。。。不過個狀態好似唔多好，幾次自己失誤。咁就輸左。球員球拍拍賣個 Part都幾好睇下，好踴躍啊 D人。舒拉寶娃個套衫 + 球拍以港幣五十幾萬賣出，收益就作慈善用途，總共有一百三十萬到。睇到咁上下就睏晏覺 ～★

1. 哈，你今日遲大到呢 (早知「早晨叫」你喇，估到你唔知醒架喇。)。但係發唔發覺我無怨念呢？呵呵呵，個陣坐埋一面打緊機唔得閒理你 A_A” ，你都買部喇。
2. 這個中央圖書館都搵唔到我想要既書。。。想搵本講九型人格既書又無，教人整熊仔既書都無。。。唉。。。行到腳都軟埋都搵唔到，激死！
3. 今日撘地鐵見到個外藉小朋友玩緊 NDS，差 D 衝埋去同佢講不如一齊玩 XXD ，唔知佢玩緊乜野 Game 呢。。。
4. 雖然唔係行左好耐，不過都好攰。。。個膊頭有多少緊緊地 + 痛。。。雙腳無力。。。條腰酸軟。。。真係辛苦我。。。睇怕都可能就咁就。。。
5. 原來飲茶係可以咁平 (其實我唔知點先為之貴，食得安安樂樂就心滿意足。) 。咁上次飲茶又真係比較起上黎貴左多少呢。。其實我麻飽的。。原來個樣叫高力豆沙，蠻想食的說。
6. 路痴 + 路痴。。。係要多少少時間先搵到架喇。。。諗翻都低能。。。廿歲人玩盪失路。。。睇怕餘下既假期要出多 D 街，認識下呢個香港，起碼知邊 D 地方點去。。。
7. 基本上同你的友人打牌係無問題，睇地點、時間、心情。去到雀會打又似乎誇張左少少呢。之不過你的友人隨唔隨和、善唔善談架？前者唔係既話預定炒大穫，後者我一悶就即閃！係咪好有性格呢？呵呵呵。
8. 哈，我終於認清楚你了！極大收穫！咪住先。。。做乜搞到我真係好似細過你地幾年咁！？
9. 終於知道點解無左《美味天王》了，原來係節目調動，唔係 Cut 左佢唔播。
10. 哈，咁咪幾好，講幾分鐘就學識左九方！唔係誇，家陣打九方唔多唔少已經係憑個感覺去打。你問翻我乜野掣打乜野掣我反而要去諗諗，但係 D 手指打既位反而記得，死未！得閒用九方打多 D 字嘛，去到圖書館用佢個靚靚手寫板真係激死。。。但係你識速成做乜玩人地個手寫板。。。無言。。。
11. 偶巧開心，因為 Lunch 終於唔洗再食麵！！！之不過夜晚個餐都係食麵。。。真係呢。。。天氣暖翻，可以飲翻冰凍既可樂既感覺真好 :D。
12. 哈，本來都唔想講，之不過漏左口風唔講又好似唔太好咁。。。我別無用心的。。。真係口快講左。。。
13. 哈，點解我揸筷子咁水皮？因為係屋企係只會用湯匙 + 叉。筷子真係無乜機會會用到。說實在，我都想學識正宗揸筷子既方法。唔係如果有仔女既話唔識教佢地揸筷子就魚皮，不過好似諗得長遠左。呵呵呵。
14. 噫，國語版既《We Are The World》聽落真係好過廣東話版呢。。

---
今朝差 D 又一世仔，今次死因係飲鮮奶哽親 (「濁親」) 。無喇喇好人好姐做乜會咁呢。。。尋晚睏得唔好，四點零鐘起左身個零身，見無乜人戇奶就四圍逛逛。咁岩俾我搵到涼子姐姐產後第一次做嘉賓既電視節目既 Part 1，咁就 Download 佢喇。之後六點睏到十一點零鐘起身睇睇佢順面飲盒奶食 D 野做早餐。本來都好地地，但係唔知點解佢呢次既上鏡好自然流露左好多好可愛既表情，真係好可愛 x 10萬！當佢「咪咪咀」個表情一出既時候即刻哽親。。。原來鮮奶上鼻既感覺係幾咁難受。之後為左可以安安樂樂睇埋個十鬆 D 分鐘既片就唯有飲晒盒奶食埋早餐先睇。至鍾意佢「咪咪咀」既表情，即係右二、左三、左四 (最可愛就係左四，哽親都係呢度！) 個個！呵呵呵，期待 Part 2 既出現。



PS. 1. 可愛呢 D 野無得扮出黎的，係可愛就可愛，呵呵呵。
PS. 2. 噫。。。無左《美味天王》做既！！！可怒伊！！！仲諗住等我起身睇佢！！激死激死！
PS. 3. 個《放學ICU》有翻譚玉瑛姐姐喎，咁又唔錯喎！今次無記做得好！