1. 尋晚唔夠睏，頭痛 ing。。。Da …↘
2. 個 EAP Oral Presentation 到 20:30 既呢一刻仲未做過，但係個頭幾痛下。。。Da …↘
3. 終於連個 JAVA 既 Report 都做埋。。。Da …↘
4. I want to become famous in slang industry and lead the slangism in Vita’s Circle. [呢句錯到九彩，不過好似好搞笑咁。] Da …↘
印象中我個 Trend係 肥仔 ->尾有錯 -> 巧打 -> Baby -> Da …↘

又係令人震奮的一天！個死人 JAVA Assignment 終於做完！雖然唔算話花好多時間，但畢竟都用左我三個朝頭早去做。岩岩做完個陣真係差 D 大喊：「好！」，幾激動。殘念的是個 Report 仲未寫，好彩唔洗寫 Flow Chart，唔係邊到都唔洗去，即死。不過話時話，個 Oral Presentation 都仲未搞過。。。友人話三粒鐘搞掂 (咁都 B+ 到？！) ，信住先。我呢 D 低手實唔得啦。有個 C 都還神。
另外近幾日個股怨念經數位友人既誦經後開始散散地。你地都講得岩既，唔好咁急，像筋拉得「行」得制都會斷啦 (廢話！) 咁唯有等耐 D 啦，我點都唔會同「萬能之物」(PS. 唔係全能的 ~) 作對既。之但係等到農歷新年到都要有行動架喇。咁家陣唯有等陣先啦。

PS.
1. 今日唔洗 Da …↘ ， 今日係 [涼子姐姐 Mode] Yea ~ ↑ [/涼子姐姐 Mode]
2. 忙裡偷閒呢個感覺唔錯 ~ 靜下幾好。
3. 家陣九點半未夠已經好眼睏，尋晚睏得幾粒鐘就醒左。。。
4. 呢個堅啊，[怨念] 你搵我唔到你搵我唔到 [/怨念] ， 你地走啊，我唔要啊 Da …↘
5. 頂！！！。 個 Miranda 一 send D 多字既野就同我 Hang 。。。他媽的！！！

現在係零晨一點五十分，岩岩翻到屋企沖完涼。今日心情十分好，到呢一刻仲係咁開心。唔知係咪之前飲左杯 Latte 既關係呢。

今日學校 Speech Day，見翻 D 同學仔，雖然有部份都成日見到，但係個 Feel 係唔同D ，睇怕今年都係最多中七同學仔翻 Speech Day 呢。完左之後就翻一翻屋企換對鞋放低 D 野再撘翻車出去銅鑼灣十下十下，個火鍋店 D 野都 OK 既，係部份員工個工作態度有多少問題。價錢都 OK 喇。係翻自己住個區附近食飯比起老遠食特別有親切感 (死未。) 。 到今日先知原來美國雪花牛肉同本地牛肉既分別。。 Da …↘ 最後仲有個涼粉食！正啊！

之後一大伙人就搵地方落腳，搵左幾間都係無位的，因為真係幾多人下。最後搵到間樓上 Cafe，發覺個度都真係唔錯，有另一翻風味，學識玩一兩種遊戲啦 :D，我個 Da …↘ 既動作唔係咁易做架，要用感情做出黎呢。

直至到走個陣都無試過「失落」既感覺。真係呢半年黎翻屋企途中都比較少機會無「失落」既感覺。今日心情係半年黎既頂點咁制。又係非筆墨所能形容。到零晨兩點零五分既呢一刻都仲係咁 High。
-----
PS.
1. 哈，做乜大家聽到我話無帶相機個陣咁驚訝既？無他既，部野重嘛，又唔想帶咁大個袋裝住嘛。
2. 呵呵呵，有人話我講野串呢，仲要係好絕個隻。事實上我真係咁覺得架，十分認同。自己真係好鐘意呢個 Comment。
3. To 肥仔：
你倆今日行埋一齊個樣真係好 Cutie 呢。尤其係肥仔你，好似上班一族放工之後一對情侶一齊食飯咁，jealous 死我 ~
4. D靚姐姐個 Look全部都清純左喎，巧樹黎的。
5. 陰公，突然生左好多粒暗瘡。。。Da …↘ 終於到青春期了 (哈) 。
6. 到零晨兩點十分呢一刻仲好有幹勁！好鬼想做埋個 JAVA 先睏，之不個今日係個身累，個心反而仲好精神。

「身心疲倦」係形容我既最好詞語。身累大家都可能試得多，之但係大家試過心累未呢？個種累非筆墨所能形容，甚至平常交談甚至呼吸都覺得好累。。。大家有機會就一定要體會下呢種疲倦。

憂鬱味應該係每個男人都應該要有 (絕對唔同佬味！) 。可惜呢種憂鬱味唔應該發出自一個年青人既身上，你同我都要注意下了。

今日同朋友仔去星巴克吹左成四個鐘水，吹左好多野出黎。吹左一大輪，個心都舒服 D 。哈，個個問題都係未解決到。農歷新年耐左 D 呢。新歷新年好啊。仲要指定係銅鑼灣食飯！近我家 ~ 你兩個唔好成日話自己幫唔到我，多個人多個諗野既觀點，但其實我自己都唔知點好，遲下要靠你地了。呵呵呵。

撘車時候自己諗到好多野，仲諗到眼鏡都撞歪埋。。。陰公。翻黎現實，又要做功課。。。 Da ……↓
--------
PS. 你巧橙啊，自己屈埋係死角。。。拍直都 OK 架，有 ISO900 品質保證的。結果你最後都中蕉。哇哈哈！一早坐個個位咪算啦，正所謂遠水不能救近火。

今日無啦啦有一股敗家既怨念湧現。可以話有幾樣野想買既。第一就係 NDS 、 第二就係 PS2 70000 機，第三就係買數碼相機，最後就係買電話。今日行經 188 ，日版 NDS 個訂價 $1460 ， PS2 70000 機唔改就 $1180 ，改左就 $1600。差 D 把持唔住落訂買 NDS 。不過說實在，買來都唔知為乜。買左翻黎都唔知有無時間玩。家陣部 PS2 、 GameCube 、 兩部 GBA 都係封晒塵。當諗到自己唔玩個陣，就諗過不如當聖誕禮物咁送俾人，尤其係 NDS。當係我出碗碟，佢出食物 (遊戲) ，得閒借我玩下。呢個做法其實唔錯，之不過邊個「值得」我送個佢。有 D 送左過佢，但係又要寄翻俾我個 D 又係好麻煩下。

如果買部 70000 機，買唔買改機又係另一個問題，如果送去外國當然買部唔改啦，之但係本地既，唔買部改機好似害鬼左人，下下要屈錢買正版。如果唔係成日打既人間中買下正版都 OK 既。呢個問題又係值得討論下。

數碼相機又係有一部 prosumer 級既機，但正因為咁，重量方面嫌佢少重，想買部輕巧 D 既可以日日帶住，不過俾人知就實片我都似。依家用緊既電話用左兩三年到，又係時候換一換，想買 Siemens SL65，貪佢 Slide 出黎個下夠得意。

可能又係聖誕節，要買 D 野俾自己開心下