呢個 Diary + FreeTalk 總算係整好左，雖然 Back-End 仲未做好，但都總算叫做見得人啦。 (家陣 Edit Message 要去 PHPmyAdmin 度搞，好彩 Post Message 既 Function 已經整好左。) 希望有人黎睇下啦，雖然簡單，但係都整得幾耐下，諗點整個度諗左好耐。。。

到呢一刻差唔多乜野 Assignment / Revision 都無做過，平時都話有 D 時間理下咁，但整板整到天昏天暗 A_A” 。

另今日都算 OK 啦，有人搵下我。。。
我又搵下人咁。都唔算太 Dry。=.=

有好多 Icon 不過無 WallPaper ….


其實我桌面係咁。



係咪好亂呢 ~~ ^^

簡單得黎巧靚。我鍾意。巧開心
靚靚的 B-Gift

尋晚點幾睏。房開左冷氣，點知睏到六點到發覺好凍好凍，之後醒左睏唔到。咁就出左廳用下電腦，發覺有位朋友仔 6:00am 戇奶 (竟然早得過我。。。)。我都無理佢，之後就走去打 Condition Zero，發覺反應太慢，快左幾 Round 就 Quit 左。之後打 NBA Live，打 Dynasty Mode，連贏兩場。之後就換衫撘車去長沙灣交 Form。

係架巴士到又差 D 睏過龍，仲一野撞左隔離個人到。。。
跟住撘 MTR 啦，坐左係堆鬼婆隔離，我聽到佢好似講緊我。。 (約係 the boy besides .... young....) 咁，無聽清楚，仲係好眼睏。。。

去到交 Form 個陣等左好耐。。。但係交個陣就好快搞掂。。。
走個陣見到個頭係咁派傳單，只要你接左一張，就有無數既人走埋黎派俾你。。。

係 MTR 車站見到有人賣旗。乜得架咩？？見到好多學生仔 / 妹。最後我都屈服左係個阿婆手上。

之後翻左 Campus 打卡，原來自己一早已經爆左鐘。。。仲低低能咁再打多幾十分鐘。。。

之後諗住去影相既，點知無帶 lipstick，個咀唇勁乾。。。差 D 爆血咁制。。

之後撘車翻屋企，今次撘翻總站，所以唔會睏過龍 ~。
但可惜有好多自由人係度玩手機鈴聲。。。無覺好睏。不過都照睏。。

翻到無啦啦另一部電腦有 Inaccessible Boot Device，搞左我好耐，搵 floopy drive 又搵唔到，搵到隻 boot disc 又壞左。。。最後我拎個 harddisk 去再另一部電腦 start up 等佢 check disk 之後又用得翻，我曾經諗過走去 format..
之後係屋企無煮野食，乾咬成條車輪飽，我唔食又無人食，咬完之後就好眼睏。沖個涼洗走頭上既 Gel 去睏。睏到六點幾七點起翻身，想打機、睇卡通片但係都無乜心機。點解？因為想寫好個日記個 Layout 先，可惜無 Idea。成晚做過乜都唔知了。

食飯又食左個幾鐘，北海道好靚。岩岩醒起同蝦米同小二傾左陣。之後搵翻隻 SPEED 既 MTV DVD 出黎，睇左陣，又整翻 April 既 MV 做 .rmvb，根住就 upload 上網，之後到呢家打緊呢篇野，係我打完篇野約十五分鐘後就差唔多睏。

-------
另呢期成日 send SMS / ICQ message / E-mail 俾好多人，可惜無人回，差唔多係俾人嫌煩既地步了。。。
不過我巧有性格，唔理咪唔理 ~ 下次唔 send 過你地 ~ 最多無晒朋友仔扮自閉。

既然都無人應，咁無所謂既，咪少 D 同你分享下，咪做下點頭朋友仔算。

有時自己唔想有事先搵人，得閒傾下計都得嘛。說實在，Avaliable 既時間已經比以前多好過，都算係行出第一步喇嘛。有 D 唔太熟既以為我 N/A 就唔係度先特登 Avaliable 咋。既然 Avaliable 都係無人應的話，睇怕變翻 24x7 N/A 都無所謂啦。心諗有時都唔知為乜要戇奶。

有時自己講野係低能無聊 D，但呢 D 係生活情趣黎，如果你要實際既，OK，咁咪變翻以前咁串串貢咁。

另另同蝦米、小二討論既結論係
「無錯，自己係唔衰得 + 衰唔起。現在有一個似有還無既機會，如果唔把握的話係唔洗衰，但係可能係近期唯一既機會。但如果真係試的話，又可能再一失敗，而失敗既結果都可能好嚴重，自己好難再接受多次失敗。講到尾，都係自己面皮薄。
話就話唔應該急，但係邊個唔想早 D 有。」

另另另可能唔夠睏又曾經同病人體液交換過，又再病過。。。

另另另另難得今日見到人家戇奶 chat 左陣，不過佢又夜時我又眼睏，無乜 chat 過咁。好彩之前散鬼左，唔係咁等法都唔係路。佢禮拜一放假但係我禮拜一又要上堂上到夜晚。。。頂。

另另另另另，到今早人家張生日卡都仲未寄

前言：
呢期發覺自己無限倍低能 + 白癡 + 傻仔，每日平均大約會俾人話「傻仔」、「低能」、「低 B」 五次。廿歲仔唔係咁搞笑嘛。。。

不分次序，由我記得開始寫。
1. 食字、詞不達意 x 無限次。。。
2. 拎住隻「匙巾」當刀去切野。。。換來低 B 仔的稱呼。
3. 有支水放左我枱頭，結果唔知點解自己拎左黎飲。最恐怖既係支水之前有人飲過，阿媽話食 (飲) 人口水尾結果會聽個個人話。。。
4. 撘長程車睏著左，路經兩條隧道，過晒兩條隧道仲以為係第一條隧道，一開眼就覺得唔對路，仆到咁落車，差 D Test 都做唔到。
5. 成日以為自己打卡打夠數，點知計算一輪之後仲差幾粒字。。。頂。
6. 買野食想叫杯咖啡點知行到去叫左汽水 (但係個 Counter 係無汽水的)。。
7. 出左門口去撘車個陣先發覺自己漏左個銀包。。。雞咁腳咁行翻去屋企拎翻。。但結果原來個銀包放左落個袋既一個格到。
8. 杯水倒有茶，但係仲拎去加水。。。攪到成枱水。。
9. Send 錯 message 俾人，包括 SMS、ICQ Message。。。好彩仲未打錯電話。
10. 成日諗住打某一個字，點知打成四五次都係繼續打錯字。
11. 諗住去帶部相機去影相，點知唔記得帶舊電。。。
12. 拎左支牙膏當洗面膏，一 "chi" 上手都覺得怪怪地，好彩無查上面。。。
13. 兩部電腦兩 set mouse + keyboard，成日掉亂左用錯 Mouse。Move 極都無反應原來自己用錯 Mouse。
14. 因為天氣凍，有盤膝而坐既習慣，點知一起身就左腳 "kick" 右腳，差 D 仆左落地。。。

暫時發覺自己有齊所有老人病咁制。。。