1. 經過一連五日既揸乾活動，今日已經成條人乾咁。好彩之前既人生係早睡早起格，有多少貨積落黎。如果唔係咁，每日幾粒鐘就已經釘左蓋。題外話，呢期係巴士係咁撞玻璃，太眼睏了。。。有時都搞到幾尷尬，個頭係咁撞 (係Chok 下 Chok 下咁) 。

2. 個個一連五日既揸乾活動中，邊 D 會員係有心既好易睇得出。未必話有最大既貢獻，但其實真係最重要有心。當中有多少係自己預期之外，大學學員就應該要有咁既自覺性呢。講真團隊活動唔太應該有「英雄」，有默契先係重點。幸好結果比預期中都算好左架喇。雖然都係衰。

3. 都係時候講呢個點。一樣米養百樣人。真係勢估唔到呢個世界會有 D 咁既人既。前日同位 Aussie 網友係度傾，話邊有可能抄功課抄到咁出樣。話晒都叫一間大學既學員，都仲去抄功課。另外都成日都話，識就自己做完就交功課、唔識就上堂，你又走堂又唔識咁即係點？後生仔都唔洗燃燒青春嘛。如果話你走堂係另外自己溫下書既，OK 無問題，但係唔係，走左去打機 / Hea。咁就真係為乜呢。

另外如果話唔識做諗住問人參考 + 即時問翻人點解係咁做我覺得借佢睇下無乜所謂，話晒大家都係學員黎，有時幫得咪幫，點知幾時人地幫翻自己。但一味死抄爛抄不求甚解 D 人真係應該要拎去填海。講開又講，應該係講笑吧，做 Test 個陣有多少人係度話抄隔離 (當然實際上總有人係度放水) 。但係我就係度諗，唔識咪唔識，你抄完頂多咪多幾分，無骨氣又無性格喎。家陣呢 D 課程唔係話你讀完有幾多分就係好，家陣同職業先修差唔多，係睇下真係你自己本身識唔識。當然要爆 GPA 既另計 (又係另一個宏願黎) 。

學員間有幾句好堅：
甲：噫，你搵人幫你做咁咪即係抄功課
乙：點算，我都無抄，係佢幫我做埋，況且有事都係佢有事姐，唔關我事。

無言。。。又係應該拎去填海。

係有時講個條友係廢，不過如果自己完全無做錯就可以大大聲咁話佢，但係深信搵個無試過遲到 / 遲交功課 / 上堂食野 / 上堂傾計 / 抄功課既學員都樂難。盡量做好自己啦。鬧都鬧得有道理 D。呢 D 野係相對既。

4. 唔知大家覺得一樣無結果既野會唔會再投資落去呢？心水清既朋友應該知係一件怎麼事。有時真係問點解會投資 / 付出咁多但係無回報真係好唔抵。至慘當你絕望既時候又有翻少少生機。算啦。都係繼續投資把啦。

5. 聖誕話咁快就到，唔知有無機會聖誕個排係夜晚打邊爐或者食自助餐呢。前者都易 D，後者難度都幾高啊，一來要搵到 D Single 既人又岩傾已經難，其次聖誕節個排 D 自助餐成五舊水一個，都咪話唔堅。不過一年一次有人陪我食既話我又無乜所謂。

買乜聖誕禮物都諗到下了，唔錯唔錯。聖誕節有好有唔好啦。一個人係苦惱 D，不過都係有好有唔好啦。話時話，自從幾年前砍酒砍到死咁制都巧耐無試過飲。期待聖誕可以砍翻次。橫掂都咁 Dry，都無乜所謂。

6. 「he's single cuz he choose to be single」呢句真係堅，估唔到佢會咁講，真係搞笑。此外友人又爆句「choose to be single... I want to be a "couple"」。死未。

7. 呢期成日都等唔到人家戇奶，有好多野想同人家講。無 Netmeet 一大排。陰公。又無時間寫翻張 Greeting Card 過佢。唉。至衰個 MSN 又無得留 Offline msg。佢 ICQ 又唔戇奶。

8. 到呢度呢個閒聊差唔多完，說實在，自己的而且確係幾火同臭串既人，閒時如果講野吉親大家就真係唔好意思。不過呢個環境都幾難改到。Day Day 都係咁。唔燥都幾難。未到新年，不過講句「Happy New Year」，仲可以唱多首The Sound of Music 裡面既 Do-Re-Me。呢期興。

Doe! A deer, a female deer.
Ray! A drop of golden sun.
Me! A name I call myself.
Fa! A long, long way to run!
Sew, a needle pulling thread.
La, a note to follow sew.
Tea, a drink with jam and bread.
And that will bring us back to doe!

PS. 另外張相我覺得個構圖唔錯，個景深都幾有 Feel，如果 D 字係有意思既話仲正。(唔係我影的 ~)

前言：
話說呢期想增加下生活情趣，特登買左三隻 Kin 打穿旗蛋。見十一二月多人生日，用黎送禮自用都好。巧可惜，無買呢隻咁穿旗既蛋起碼七年，發覺貴左巧多。。。特價 $16.9 三隻。唔特價要 $18.2。想當年都係 ~$12 已經三隻。。。真係

入正題，呢次既包裝係第二隻黎。第一隻都係走簡單路線，用左一張光面白色紙 + 牛油紙做個盒仔 (不過似人地包禮物個種方式整，基本上係要剪爛個盒仔先拎到) 裝住佢。今次見係第二次，諗住玩下新意思用新材料。咁岩就搵到 D 透明膠片。咁就開工整。

基本上都係同第一次類似，不過用既係透明膠片係光面白色紙外面包多一層。吸收上次低低能咁當禮物包既教訓，今次就當整一個盒出黎裝住隻蛋。過程都幾順利，係有 D 尺寸都係差少少，搞到好緊，最後出左事。。。

工作枱既半完成圖 - 正面


書枱上既半完成圖 - 正面


書枱上既半完成圖 - 七三面


力壓 Toro 貓原子筆


玩餐飽之後，諗住放隻蛋入去，點知 D 位太「蚊」，最後玩到個盒上面個揭位爛左。。。最後都係要搵雙面膠紙癡一癡住個開口，最後紮埋條繩就完成。但係原來自己唔太識點樣紮令令條繩。。搞到核核凸凸咁結果紮左個怪既生結

書枱上既完成圖


書枱上既完成圖 - 頭殼頂

重點：
個肚唔舒服，行到斷腳，條腰攣晒，破晒產。。。

----------------------------------------------------------------------
前言：
搵左巧耐，友人 + 自己嫌三嫌四，搵左成幾粒字都未坐底食 Lunch，係尖咀就算幾難食既食店都會爆。。。 最後係金馬倫道間 M 記食傷殘豬屎漢堡餐 + 古古力新地，$26.5，有兩張揭揭咭，可惜兩張都無中。。。 唔知係咪自己耐未食過定係佢 D 野唔掂。食完個肚唔太舒服。。。之後直至到翻屋企前都未坐過了。。。陰公

另外今日行左去地鐵新開既行人專用隧道，巧大，D 指示牌都 OK 啦。唔係唔清楚啊，自己睇得清 D 都接受既，當然有改善空間。

----------------------------------------------------------------------

經過：
之後就撘翻地鐵到金鐘，差 D 迷路。。。行左去統一中心。。。幾經辛苦行到去 Pacific Place，見到大家講個間賣咭既地方，不過呢，D 咭 D 款好唔掂下。完全揀唔落手，但係又俾我搵到個鎖匙扣，$23，買左翻黎諗住送俾友人。另個度有巧多外國人，係十萬過多。



行完 Pacific Place 之後就落翻地鐵站行去金鐘廊睇下有無咭賣，結果都係搵唔到有。。但係又俾我搵到間精品店賣 Precious Moments 既 Mod 版，又唔太貴，又可愛，送禮一流，不過唔知洗唔洗訂呢。。。
日本個網頁，有海外訂貨的。
http://www.pmshop.jp

有左呢個大發現之後，就撘地鐵落銅鑼灣 SOGO。行行行，行到上 SOGO 十樓賣咭既 Counter，個到 UK 版既咭係貴得好過份，又唔係話太靚，但係好貴，反而 US 版個 D 平 20%-30%。揀左巧耐，最後買左呢張咭，$23.7寄俾友人。我好鍾意佢寫個句呢，佢內頁大約話連過 mail box 都係空的，你快 D 來信咁。



但係我想買張 Anniversary 既咭，所以又行左去三越，個度原來個 Counter 直情係 Hallmark 黎，個度係勁正，可能 D 咭係 Hallmark 自己出翻，真係靚好多好多，價錢都叫值既。買左張生日咭，$19.5，同埋張 Anniversary 既咭，$34.5。個度都有 Precious Moments 既咭，但唔知點解係無 Anniversary。。。








之後又行左去 CitySuper 度睇咭，發覺個 D 咭既 Design 都幾得下，簡單得黎唔 Cheap。不過太多都係日本人 Design 既。價錢都 ~$3x，真係唔係平。但係唔買 Hallmark 咭就可以試下 CitySuper 個類。

咁買完咭之後就完成左一個任務，之後就去買我既電腦野。

行行行。。。其實係 CitySuper 個度個人已經巧疲，差 D 死咁濟。到 298 既時候就要買 Reset Button、DVDRom、WebCam、Microphone、PS Controller-> PC Adaptor。發覺二樓有一間賣雜物既野 D 後生 Sales 態度麻麻地，下次唔洗旨意去幫襯佢，諗住係佢個度買 WebCam 同 Microphone 架啦，問佢有無 CCD WebCam，佢指左隻 Logitech 過我，之後我問佢幾錢，佢話五百幾，之後我就走 (我都有話唔該你先。)，佢就好似睇小我買唔起咁，真係火都黎。最後落翻一樓買，$220，都唔知有無買貴到。。。



其後又行翻上去搵 Reset Button，搵晒三層，得一間有，係二樓。仲要賣 $20，諗落都其實幾貴下。我本來想剩買粒 Button，但佢話個價同呢個 HDD Light / Reset Light 既組合係一樣。其實我都唔鬼信佢講。



買完就行去二樓一上流動電梯轉右個間雜貨店買 PS Controller-> PC Adaptor，$42，呢間買開 CDR，態度唔錯



之後就去二樓山聯買 DVDRom 寄俾友人，睇中左隻 Lite-On Combo Drive，$308，呢間態度都唔錯。



之後落翻去一樓幫人買左個 $15 既 Microphone



係途中其實想買個 HDD Box 架。不過覺得買左太多野，唔想再買。另外又見到龍珠 DVD BoxSet，計過由細個既悟空買到老要 $2000 。。。
再去 DCC 到睇下 DC 價，想買部輕巧既 DC，$2000 到已經買到好多款，不過問題係無錢。

買晒之後就行翻去橋底撘車，個陣已經成個廢人咁。。。陰公，好彩好快有車。另外 D 學生妹雖然唔靚，但係 D 裙巧短，腳方面都 OK 啦 (成個痴漢咁。。。)

總結成日，唔計車錢，用左 $732.2。真係要學 Blue 唱翻句：I'm guilty.... 巧大洗啊。。。唔想咁架。。。唉。不知不覺就用左咁多錢。。。心如刀割。。。

1. 尋日山長水遠過左先達、黃金買 GameCube Game，買左隻「動物番長」同「Viewtiful Joe」，前者其實都幾無聊，同其他正方體的動物打交，贏左就食左佢個身，淨翻個頭。。。可能我尋晚比較攰，領悟唔到佢既精髓，係覺悶。 (但係今日又玩過先發覺原來好講策略。。。) Viewtiful Joe 可以用「難打」黎形容，除左講技巧之外，仲要講反應同解迷，一隻 Action Game 做到咁真係堅，以往比得上呢隻 Game 既我覺得係 GBA 既 Wario，當然畫面係 VJ 正好多 (顯得出 GC 比 PS2 畫面靚 )。「動物番長」我俾 7.5 分 (再玩熟 D 有 8.5)，「VJ」就有 9 分 (當我爆完機之後，玩到深入 D 應該有 9.5 分！)

--------------------------------------------------------------------------------
2. 今日係露天泳池游完水，反覺段時間個場非常靜，十個都唔知有無。自己感覺上好似黑左。。。

--------------------------------------------------------------------------------
3. 黃金係 Golden、高登又係 Golden，即係點？！仲要係同一個地方？！新高登係咪即係有舊高登？

--------------------------------------------------------------------------------
4. 用 BT download 緊「魔神英雄傳 2」，即係星界山篇，非常快，成 ~500KBps，係 BT@China 度 download，激少可咁快。講都唔信。。。。

--------------------------------------------------------------------------------
5. 放假前話要睇同做既野家下差不多乜都無做過，放假時間過得非常之快，快到好似乜都做唔到咁制。只係睇左部份「不文泰山」，打左兩隻 Game 咁大把。。。

--------------------------------------------------------------------------------
6. 我有問題，點解 D 人考完會考要去旅行既？

--------------------------------------------------------------------------------
7. 家下整緊 3 張「紀念冊」，想做到好似想一張細圖放大既效果，即係好似一格格既效果，要起角但係唔係就咁放大，唔知大家明唔明呢，不過諗左好耐都未開工，又可以見附圖。同時一得閒可以寫下人地 D 紀念冊了，不過都係揀黎寫。

--------------------------------------------------------------------------------
發完 Up-Phone 了 ~

1. 一出街又要洗錢買野，無左 $562
a. Hori PS2 無線手掣 $280
b. Quentin -r 50 隻 $185
c. GameWave + GameStation $18
d. 可樂 32 罐 $79

2. 係街 D 學生妹條裙短得激恐怖。。。 成碌脾露晒出黎。。。

3. 有個女人唔記得帶銀包 (@ 公司 Locker) 仲夠膽死唔翻去攞，上到車先問個朋友借錢撘車，根住佢個朋友提佢銀包有 Credit Card 個死蠢婆先再借錢撘回頭車翻公司

4. 有個內地人坐巴士就一腳伸埋張椅到。。。仲要著裙 + 高跟鞋。。。

5. 華富新惠康有個女仔頗可愛，今日買汽水應該有汽水送，我無攞到。佢話有汽水送，我跟住話「係邊」，佢就少急勁地行去幫我攞兩支汽水。翻黎之後佢甩手，有支 汽水跌左落隻腳到，佢一黎就爆左兩句「好痛」，之後支汽水成支泡，佢兩爆句「No Mind 嗎？」我當堂呆一呆，繼而點點頭。佢應該係 Part Time Job